Ekainaren 21etik 26era, goizero, hirugarreneko ikasleendako brebetako berrikuspenak antolatuak izan zaizkie : 5 orduz frantsesa, 5 orduz matematikak, 2 orduz HG eta 2 orduz zientziak landu dituzte talde ttipitan, arlo bakoitzeko irakasleekin. 

Arratsaldero aldiz, kirol eta atseden mementuak ukan dituzte :

Ekainaren 21ean ostiralez, Zokoako ezker paretan Euskaraz Bizi taldeak antolatutako Olinpiadetan parte hartu dute.

Ekainaren 24an, astelehenez, kolegioko kanpoko eremuan kirol jokoak egin dituzte.

Ekainaren 25ean, asteartez, Zokoako Untxin bazterrean, elkartu dira atseden mementu baten partekatzeko : kalakak, frisbee, futbola, errugbia, kartetan...