6. eta 3.ekin bertsotan !
Piarres Larzabal kolegioko 6.eta 3.eko ikasleek euskara kurtsoetan bertsolaritza landu dute eta aldi berean, Bertsularien Lagunak elkartetik etorritako Irati Alcantarilla bertso irakaslearekin sei saio igaro dituzte gai honetan trebatzen.
Lanketa horri bukaera polit bat emateko asmoz, joan den asteazkenean, martxoak 22, Josu Txoperena eta Xabat Illarregiren eskutik, ikasleei bertso emanaldia eskainia izan zitzaien, kurtsoetan ikasitako doinu eta joko ezberdinak bat- batekoan gozatuz.
Milesker deneri eta bereziki Bertsularien Lagunak elkarteari !
Nahiera eguna #2 !!
Martxoaren 21ean, asteartez, bigarren "Nahiera eguna" deitutako egun berezia antolatua izan da kolegioan.
Mailaka eta talde ttipika, ikasleek hautatutako tailerretan ibili dira, egun osoan : Bi orduko bi tailer goizean eta arratsaldean bi orduko tailer bat, edo eungo tailerran, edo 4 orduko tailerran.
Hala nola :
- seigarrenendako : Arraunketa aktibitatea deskubritu ergometroarekin eta itsasuntziarekin, zenbakien escape game bat, Zazpiak Bat armarriaren eskulana, polizi inkestak ebatzi, antzerki-ariketen inprobisazioa tailerra, mandalak tailerratik opari sorkuntzara, Zeusen izenean greziar jainko desberdinen inguruan !
- bosgarrenendako : Saski baloia eta estatistikak, Ilargia hobe ezagutu margotuz eta esperimentatuz, antzerki-ariketa inprobisazio tailerra, mandalak tailerratik opari sorkuntzara, "azterketak euskaraz" aldarrikapenak sortu eta olio esentziadun bainuko gatzak
- Laugarrenendako : Escape game in the Titanic !, Ilargia hobe ezagutu margotuz eta esperimentatuz, matematika irakaslea bilakatzen naiz tailerra, Dream board ! "azterketak euskaraz" aldarrikapenak sortu, Historap eta jockey !
- Hirugarrenendako : Rahmi proiektuko taldea bildu da, Jakintsu eroa esperimentuen bitartez, ¡ Escápate de la casa del terror ! Escape game in the Titanic !, Zokoako Itsas Lizeoaren bisita, matematika irakaslea bilakatzen naiz tailerra, Dream board !
Eguerdiko pausan, piknikatu dute kanpoko eremuan.
Egun bikaina pasa dute ikasleek eta edozoin hizkuntzetan gozatu dira !
Aldaketa klimatikoa, laugarrenen proiektua !
"Aldaketa klimatikoaren" proiektua abiatu zen Seaskako lau kolegioetako fisika irakasleengandik ; laugarren mailako ikasleak gai horren inguruan lan araztea zen asmoa, gaur egungo ingurugiro arazoen larritasunari begira.
Tematika horren inguruko lanketa ikastetxeka ezberdinki landu arren, lau kolegioen arteko ardatz komun gisa hartzea erabaki zen, eta Piarres Larzabal kolegioan, drive dokumentuak erabiliz taldekako joan jineko lan bat bezala landua izan da 4. mailan fisikan, bainan baita ere beste hainbat gaietan (biologia, ingelesa, historia, española, euskara...). Ikerketa lan horrekin, aurkezpen dokumentu bat sortu dute ikasleek, ondotik ahozko batean aurkeztua izateko xedearekin (Brebetari begira, entrenamendu gisa).
Ikasturte osoan zehar, 4. mailako gure ikasleek MEEK, Xalbador eta Eztitxu Robles-eko ikasleekin harremanetan izan dira :
Lehen trukaketa birtuala izan zen abenduaren 14ean, ikastetxe bakoitzetik 3-ko taldeak osatuz, nortasun agiri amankomun moduko bat sortzea zen helburu, ikastetxeen arteko argazkiak partekatuz, izenak, herriak, gustuak...
Bigarren trukaketa : "Egunean behin" jokoa aldaketa klimatikoaren inguruko galderekin egokiturik, lau kolegioen artean osaturiko taldeekin jostatu ziren ikasleak. Hau ere, drive sistema bidez, iragan martxoaren 14ean izan zen.
Azkenik, ikasturte bukaeran ekainaren 12an, topaketa bat eginen dugu Baionan lau ikastetxeen artean : erakusketa, tailer, mintzaldiak antolatuko dituzte elkarte ezberdinek (Bizi, Bil ta Garbi, Enargia, Surfrider...), urtean zehar osatutako kolegioen arteko taldeekin.
Orain artekoan, ikasleak ongi lotu dira proiektuari, batez ere beste kolegioekin topatzeko garaian. Baionako trukaketarentzat, gogoa erakusten dute, beste ikasleekin hartu emana izateko.
Elikadura Bankuaren aldeko bilketaren emaitzak !
Otsailaren 27tik martxoaren 17ra, Elikadura Bankuaren aldeko bilketa antolatua izan da kolegioan.
Hiru astez, kolegioko familiek eta langileek janaria eta higiene produktuak ekartzeko poltsak ukan dituzte.
Egunero, ikasleak banan banan etorri dira haien eskaintzarekin....
Astez aste, kutxak eta kutxak bete dira !!!!
Martxoaren 20an, astelehenez, kanpoko eremuan ziren ikasleak etorri dira gunea hustera, kamioan bildutakoa kargatuz eta antolatzaileak lagunduz !
Emaitza izigarri polita atera da : 413 kilo !!!! Abantxu kilo bat'et erdi ikasleka ! Zoragarria !
Antolatzaileak biziki pozik dira, bihotz sustagarria eta ohargarria izan baita elkartasun hori !
Inguruan eta beharretan diren familiak ongi laguntzen ahalko dira, 413 x 2 = 826 bazkari eskainiz denen partetik !
Txalo bero bat eta milesker deneri !
Kolegioaren aldeko kantaldia !
Martxoaren 19an, igandez, iragan da Urruñako ikastola eta gure kolegioaren aldeko kantaldia.
Lehen parte batean, Urruñako haurrek "cup song" erritmoan abestu eta, kolegioko gazteek segitu dute lau hizkuntzetako kantu nahasketa bat eskainiz. Sorpresaz, Ruper Ordorika gutaz hurbildu da ! Lagundu gaituzten Thomas gitarrista eta Fred teklatu jolea eskertzen ditugu bihotzetik !
Bigarren partean, Ruper Ordorika bere musikariekin batera, Iturbidea polikiroldegia gozatu du ! Euskararen aldeko mezuak emanez !
Eskertzekoak dira, urtero laguntzen gaituzten enpresak eta artisauak, horiek gabe ez liteke horrelako ekitaldia antolatzen ahal ! Kondutan hartuz hiru urte hauek ez direla hain errex izan haiendako gainera ! Beraz milesker ainitz zuei !
Bukatzeko, jendea elkartu da aterpearen azpian taloak eta fritak jateko, baso bat eskuetan, Kuxkuxtu txarangaren musika erritmoan !
Txalo bero bat ikasleei, burasoei, antolatzaileei, lan egin dutenei, zponzorrei eta etorri diren guztiei !
Milesker Ruper eta musikariak !
Ez ahantz "Goierri, Urruña eta Ziburuko ikastolak bat eginik" !
Udaberri besta mozorrotua !!!
Udaberria hurbiltzen zela eta, martxoaren 16an, ostegun arratsaldez, "Udaberri besta mozorrotua" ospatu dute kolegioan !
Bazkaltzeko garaian, "koloretsua" zen gaia errespetatzeko, haien mozorro edota aksesorioak ezarri dituzte maila guztietako ikasleek.
Arratsaldeko 2:00etan, konsignak ongi entzun eta, ikasleak lehiatu dira jokoz joko, tailerraz tailerra : zumo lehiaketan, bubble footen, espartin botatze lehiaketan,egurrezko jokoetan eta batzuk kantuz eta dantzan hor genuen DJ Bull mundialaren laguntzari esker !
Arratsalde zoragarria pasa dute eguzkiko izpien artean, eiazko udaberria biziz, euskaraz biziz !
Azken partean, 6. - 5. eta 4.ek prestatutako krakada denen artean partektua izan da !
Milesker deneri eta gora udaberria !
Matematikako desafioaren sari emaitzak !!
Martxoaren 17an, ostiral goizez, jolas garaian, ikasleak bildu dira IDZtan astearteko "π" eguneko sarien ukaiteko....
6A eta 5Dko gelako irabazleak : Ally - Laida eta Lili - Eztitxu... Txalo neskak !!
6B eta 5Ako gelako eta mailen irabazleak : Hegoa - Aisha eta Udane - Munia.... Txalo !
6D eta 5B gelako irabazleak - Berdintza :
Lou Q - Maika - Laia eta Nahia - Luma.... Txalo neskak !!
Hodei - Adrien - Mattin.... Txalo mutikoak !!
6E gelako irabazleak : Ana, Mailin, Nahia A eta Amaia... Txalo neskak !!
Zorionak parte hartu duten guztiei eta biba txapeldunak !
"π" (pi) eguna kolegioan !
Martxoaren 14an, asteartearekin, π eguna zen, baita ere Albert Einstenen sorteguna !
π zenbakiaren biribiltzea 3,14 denez martxoaren 14ean (hirugarren hilabetea eta hamalaugarren eguna) zenbakiaren nazioarteko eguna ospatzen da.
Honen karietara, kolegioak matematikako lehiaketa bat antolatu zuen, 6. eta 5.eko ikasleak nahasirik.
Ikasleek, ordu batez, asmakizunak ebatzi zituzten lan giro kooperatibo eta gogotsuan !
Gora matematikak !
Matematikako rallya hirugarrenendako !!
2009 urtetik matematikako "Rallye " delakoa antolatua dan Akitanian.
Orain arte azmakizunak frantsesez zirela eta ez genuen parte hartzen lehiaketa honetan.
Joan den urtetik, Agnes Duranthon inspektoreari esker, asmakizunen itzupen bat proposatua izan da (Bernat Etxeparen erakasleek egina).
Ondorioz, bigarren urtea da hirugarreneko ikasleek parte hartzen dutela lehiaketa horretan.
Nahiz eta zailak izan, ikasle guztiak serioski lotu dira buruketak ebazteko, martxoaren 13an, astelehenez.
Orain, emaitzak itxaroten dituzte....
Kantu tailerrako ikasleak prest dira igandeko kantaldirako !!
Oporrak aitzin, nahi zuten ikasleek kantu tailerran izena eman zuten eta gustukoak zituzten kantuen proposamenak egin, eztabaidatu eta bozkatu zituzten.....
Oporretatik landa, eta hori astero, astearte eta ostiraleko bazkaltzeko pausan, igandeko kontzertuan lehen partean abestuko dutenek biltzen dira kantua elgarrekin lantzeko.... Hizkuntz desberdinetako kantu nahasketa trebatzen dute haien aldetik eta musikariak ere bai bestalde. Haien helburua diru laguntzaileak eskertzea da kantu bat eskainiz !
Martxoaren 17an, ostiralez, kantariak bilduko dira entsaio nagusia egiteko !
Hitzak ongi badakizkite, haiek entzuteko aukera ukango duzue igande honetan arratsaldeko 4:00etan, Urruñako ikastolako haurren ondotik ! Motibatu !! Balio du !!
Txalo bero bat 30 artitsa horiei haien lanarengatik ! Eta milesker Fred eta Thomas-ri !!!