Piarres Larzabal kolegioko 6.eta 3.eko ikasleek, euskara kurtsoetan bertsolaritza eta ahozkotasuna lantzeko helburuarekin, Bertsularien Lagunak elkartetik etorritako Mae Lascaray bertso irakaslearekin sei saio igaro dituzte.

Lanketa horri bukaera polit baten emateko asmoz, martxoaren 12an, ostegunez, bertso-saioa ukan genuen kolegioan, Maddalen Arzallus eta Xermin Camblong bertsolarien eskutik.

Ikasleek kurtsoetan ikasitako doinu eta joko ezberdinak bat-batean gozatzeko parada paregabea ukan zuten.

Milesker Mae, Maddalen eta Xermin !

Martxoaren 10ean, asteartez, Jean Jacques eta Mayalen Borda, Txik Txak Euskal Hirigune elkargoko garraio ordezkariek hitza hartu dute, ordu batez gelaka, seigarren eta bosgarreneko ikasleekin, autobus prebentzioa eginez, informatuz eta sensibilizatuz.

Autobusa etorri aitzin, barnean direlarik eta kolegiora iristean nola portatu behar diren ikasleak adierazi diete : ikaslearen portaera, materialaren errespetua, uhalaren inportantzia eta kartaren garrantzia eman die. 

Lekukotasun eta bideo desberdinen bitartez, ikasleei sekuritatean izateko aholkuak emanak izan zaizkie.

Azpimarratzekoa da gela guztietan, ikasleak adio egon direla eta bizki baikorki parte hartu dutela.

Milesker Txik Txak Euskal Hirigune elkargoko garraio sareari azalpen guzti horiendako !

Agian ikasle bakoitzak kondutan hartuko dituela eta bere burua babestuko duela, autobusa errespetatuko eta gidaria agurtzen segituko duela !

Martxoaren 7an, larunbatez, iragan da Urruñako ikastola eta gure kolegioaren aldeko kantaldia, Zokoako polikiroldegian.

Lehen parte batean, Urruñako haurrek abestu eta, gure kolegioko gazteek segitu dute bertsotan, dantzan eta kantuz !

Bigarren partean, Zarena Zarelako ikusgarriarekin gozatzeko aukera ukan dugu eta bukatzeko, Janus Lesterren kontzertua entzuteko parada ukan genuen.

Eskertzekoak dira, urtero laguntzen gaituzten enpresak eta artisauak, horiek gabe ez liteke horrelako ekitaldia antolatzen ahal ! Kondutan hartuz azken urte hauek ez direla hain errex izan haiendako gainera ! Beraz milesker ainitz zuei !

Bukatzeko, jendea elkartu da aterpearen azpian taloak eta fritak jateko, baso bat eskuetan, DJ Xanoren erritmoan !

Txalo bero bat ikasleei, burasoei, antolatzaileei, lan egin dutenei, zponzorrei eta etorri diren guztiei ! Milesker teknikari eta artista guztiei !

Ez ahantz "Goierri, Urruña eta Ziburuko ikastolak bat eginik" !

Joan den martxoaren 3an, asteartez, bazkaldu ondotik, kolegioko seigarrenak abiatu dira Donibane Lohizuneko Tanka gelara joateko.

Han bertan, Xalbador, MEEK eta KEI-eko ikasleekin batera elkartu dira arratseko kontzertuen azken entsaio nagusian parte hartzeko.

Arratsaldeko 1:00etatik, Anje eta bere musikariekin, ezenatokiaren antolaketa guztia ikasi dute : lerroka nola sartu, denak elgarrekin abestu behar ziren kantuen baldintzak, musikariak eta bakarlariek ere haien entsaio propioak egin dituzte, ze nolako doinua eta postura erakutsi beharko zuten, eta koregrafia berrikusi dute ere bai.

Anje Duhalde artistaren hainbat kantu landu dituzte urte hastapenetik musika kurtsoetan, astero bilduz ikastegika - ikasgelaka, Aaron Carton eta Ihintza Daguerre musika irakasleek gidaturik: "Ama Euskal Herria, Astiria mendian, Goizero, Kantuz, Loretxo bat, Lehenik adiskideak, Maitasun aroak, Bakezaleak eta Amnistiaren dema"...

Entsaio nagusiaren froga bukatu ondoren, ikasleek pausatu dira haien krakada partekatuz ikastegika eta haien jantziak ezarri dituzte arratsaldeko 6:30tan zen lehen kontzerturako.

Lehen ala 8:30tan zen bigarren kontzertuan, gela betea zela azpimarratzekoa da ; etorri den publikoa eskertzen dugu.

Bi kontzertuen artean, pausa ttipi bat ukan dute berriz ikasleek, haien afari hotza jateko...

Eguna betea izan da ! Nahiz eta, ikasleendako nekagarria izan, belaunaldien arteko artisten ezenatokia partekatze hori zoragarria izan da bertan ziren burasoak, lagunak eta kolegioetako ekipendako. Milesker Tanka gelari, Euskal hiriguneta eta Euskal Kultur Erakundeari heien laguntzarendako. Milesker ainitz bihotz bihotzetik lagundu duten guztiei, eta bereziki parte hartu duten 250 ikasleei ! Ahaztezina izan da !

Ondoko hitzordua dugu Maulen orain, maiatzaren 22an, ostiralez ! Ez duda ! Txartelak hartu !

Otsailetik, martxoaren 7ko kantaldirako prestatzen ari dira kolegioko ikasle batzuk !!

Aurten, arratsaldeko 5:00etan Zokoako kiroldegiaren ateak idekiko dira, 5:30tan Urruñako ikasleak eta Ziburuko kolegioko gazteek abestuko dute. Ondotik, 6:30tan, Zarena Zarelako dantza taldeak emanaldi zoragarria eskainiko digute, eta DJ Xanoren animazioaren ondotik, Janus Lesterrren kontzertua iraganen da 9:00etatik landa !

Urtero, Goierriko laguntzarekin batera, abenduan antolatzen da pailasoen emanaldia Ordizian eta martxoan kantaldia Urruñan.... Bildutako etekin guztia Urruñako ikastola eta Ziburuko Piarres Larzabal kolegioaren alde izango da !!!! Gainera, nahiz ez duten egoera errexa azken urte hauetan, inguruko enpresek eta artisauek segitzen dute zponzorra izaten ekitaldi honetan eta eskertzekoak dira !!

Dirulaguntzaileak eta publikoa eskertzeko, astearte eta ostiralero, 27 ikasle aritu dira kantuz, bertsotan, eta dantza saioak errepikatzen astero....

Talde ttipi bat ere euskal irratietako soinu deia grabatu zuen eta egunero entzuteko aukera dugu.... 

Ari dira azken errepikak egiten, txalokatzekoak dira zinez !

Emaitza larunbat honetan.....

Aitzinetik txartelak salgai dira 12€tan (zenbaki honetara deituz : 06 79 50 93 66) eta bertan 15€tan izango dira !!!! Txartelak salgai dira 10 urtetik landa !

Zatozte denak !!!!! Milesker deneri eta goresmenak ikasle parte hartzaileei !

Sophie Adenoten (ESA) jaurtiketa, hasiera betan gaur 12:01etan egitekoa zena, atzeratu egin da eguraldi txarragatik.

Ondorioz, otsailaren 13an, ostiralez, goizeko 11:15etan programatuko da, baldintza meteorologiko egokiak eta merkaturatu aurreko eragiketen garapen nominala kontuan hartuta.

Gaur arratsalderako beste eguraldi puntu bat aurreikusi dute.

Crew-12 tripulazio Cabo Cañaveraletik (Florida) aireratuko da, SpaceX konpainiaren Falcon 9 jaurtigailu batean ontziratutako Crew Dragon kapsula batean.

jaurtiketa nzuzenean jarraitzeko aukera ematen duen emankizuna, Europako Espazio Agentziak (ESA) CNESekin batera proposatutakoa, aireratu baino 2 ordu lehenago hasiko da, beraz ostiralez goizeko 9:15etan, hemen klikatuz.

Crew-12 taldea AEBetan berrogeialdian (isolatua) dago une honetan.

Zer dela eta? Bada, espaziora joan aurretik ezinbestekoa da astronautak ez gaixotzea, ISS espazio-estaziora birusik ez eramateko.

Dena ongi badoa, Sophie Adenot eta bere lankideak otsailaren 11n, asteazkena, eguerdiko 12:00etan (Euskal Herriko ordua) igoko dira espaziora Floridako Cap Canaveral basetik.

Ezin duzu galdu! Europako Espazio Agentziak (ESA) saio berezia egingo du zuzenean jaurtiketa ikusteko. Saioa goizeko 10:00etan hasiko da.

 Non ikusi zuzenean?

ESA Web TV: Europako astronauten jaurtiketa guztien "etxea" da. Bertan adituek azalpenak ematen dituzte (normalean ingelesez edo frantsesez) : hemen klikatu.

ESAren YouTube Kanala: Hau da errazena ikasgelan pantaila handian jartzeko. Gainera, jaurtiketa amaitu ondoren, bideoa grabatuta geratzen da : hemen klikatu.

NASA TV: Sophie Adenot Floridatik (AEB) ateratzen denez, NASAk ere zuzeneko ikusgarria egingo du : hemen klikatu.

  Programazioa:

• 10:00etatik 11:30era: Astronautak suzirian nola sartzen diren eta prestaketak ikusten dira (momentu lasaia da, azalpenak emateko aproposa).

• 11:50etik aurrera: Hau da momentu zirraragarriena! Atzerako kontaketa eta motorren piztea.

• Otsailaren 11n suziria 12:00etan igoko dela zerura.

ADI EGON !!!!!

Urtero bezala, garai honetan, hirugarreneko ikasleei antolatua izan zaie brebeta xuria kolegioan bertan.

Otsailaren 5an, ostegunez, goizean pasa dute 4 orduko frantsesa froga : testu ulermena, berridazketa, diktaketa eta idazlana, eta arratsaldean, Historioa - Geografia - Herritar heziketa froga bi orduz.

Biharramunean, otsailaren 6an, ostiralez, matematiken froga bi orduz eta ordu bateko zientzi froga. Arratsaldean, euskara froga xuria ordu bat et'erdiz saiatu dira.

Azterketaren egiazko baldintzak bizi izan dituzte ikasleek eta denbora herena dutenek ere bai.....

Oporretatik landa, hirugarreneko ikasle guztiak enpresa ikastaroan izango dira! Anartean, bakantza on !