AXUT konpainia kolegioan erresidentzian...
Abenduaren 7tik 11ra, Axut antzerki taldea egon da gure kolegioan erresidentzian. Ziburun egindako egonaldia laugarrena zen, Hendaiako anztokian eta duela bi aste Baionako Etxepare lizeoan egon ziren lanean.
AMUA izeneko sorkuntza berria prestatzen ari dira. Maitasun solas duen antzerkia da. Istorioa Iratin pasatzen da, hango mendi eta oihan artean. Anak, Aitor eta Txolarre bere bi maitale ohi gomitatu ditu asteburu pasa Iratiko etxola batera. Baina, bakoitzak uste du bakarra izan dela gomita jaso duena. Duela 20 urte baino gehiago ez dutela elgar ikusi....
Lan hori hiru antzerkilarien artean aitzinatzen dute : Ana (Maite Larburu, kantari eta musikaria dena ere bai), Txolarre (Manex Fush) eta Aitor (Ximun Fush, taula zuzendaria dena ere bai).
Heldu den udaberrian estrenatuko dutela pentsatzen dute, martxoaren 5ean Larzabaleko Larrezabal gelan eta ondotik, hainbat tokitan.
Anartean, aste horretan, gelaka antzezlanaren ikusteko parada ukan dute gure ikasleek, irakasleekin batera. Hau ohorea !
Milesker ainitz AXUT talde guztiari haien ekarpen aberatsarendako eta kuraia on segidarako ! Laster arte AMUA antzezlanaren ikusteko Euskal Herriko gune batean !
Ziburuko Itsas lizeoaren formakuntzak aipagai...
Abenduaren 8an, astearte aratsaldeko azken orduan, Itsas Lizeoko irakasleak hurbildu dira haien formakuntzak aurkezteko 4. eta 3.eko ikasleei.
Lehen partea batean, Itsas Lizeoak proposatzen duena zerrendatua izan da. Hala nola :
- CAPtik Bac Prora (4 urtez)
- Bac Pro maritime delakoa
- Profesional ikastaldiak proposatuak dira : 2 astetakoak eta 18takoak
- Helduen formakuntzan ari direla ere bai.
Ondotik elektro-teknika arloko arduraduna den Daniel Darantcettek hitza hartu du. Mekanikari nagusia izan da 20 urtez eta orain irakaslea bertan. Bi bideo erakutsi dizkie solasa abiatu aitzin : Ferry itsasontzietako mekanikari nagusia eta arrantza itsasontziko mekanikarien arteko desberdintasuna.
1- Ferry itsasontzietako mekanikari nagusia ontziaren aspetu teknika guztien arduraduna da, motore printzipalak ontziaren bihotza baitira. Ekipak sinergian lan egiten du ; bigarren bizia da, bigarren familia, zure lehenatik deskonektatua
2- Arrantza itsasontziko mekanikaria kostatik itsas zabalera ibiltzen da, joaten da 15 egunetako gutti gora behera, makinak, olioa eta ura berrifikatzen du etengabe, itsasontzi zubian ibiliz ere bai, janaria prestatzen du...etabar... Konpetentziak izan behar dira mekanismoan, hidrolikoan eta elektrizitatean, pazientzia behar da. Alta, xitxuketan ari da egunez eta gauez, hilabete saria ez da altua eta egunero ingurumena itsasoa da.
Lanbide horietan marinelaren bizia gustukoa izan behada, joaten jakin behar da eta motibazioa erakutsi behar da.
Itsas Lizeoan sartzen ahal da :
---> 3. ondotik --> bigarren profesionalera joateko --> lehen itsas brebeta (250 km) : oinarrizko formakuntza CFDS diploma lortzeko ( certificat de formation de base de sécurité)
--> Terminalera joanez, BAC Pro lortzen ahal da (750 km)
--> segituz BTSera 5 urtez, lor dezake merkataritzako marina goiko diploma
Bukatzeko, neskeek ere bide har dezaketela azpimarratu dute !
Telethon : elkartasunezko sopresa !
Abenduaren 5ean, larunbat arratsaldez, Ilune Dufau eta bere familia Pariseko Telethon telebista saioan ziren bitartean, Ziburuko pilota plaza animatua zen nahiz eta euri bortitza izan.
Alde batetik, bere familiak kudeatutako janari salmenta gunea aurkitzen ahal zen, beste aldean, Ur joko arraun desafioa eta etxola ttipien azpian, triki eskolako musikariak, kolegioko 5.eko kantariak eta bere 4.eko lagun hurbilenak, zangoak trempaturik baina bihotza bero bero, sorpresa egiteko prest !
Telebistako teknikariak denetan ziren, mikroak, kamerak, aurkezleak eta beste.... Eta tanpez, haien txanda zen ! Trikititxaren lehen notetan, kolegioko ikasleek hasi dute Odei Barrosok idatzitako kantua abesten, ondotik Odei Barrosok zuzenean hitz egin dio, Iluneren lagun hurbilenen lekukotasuna emanez eta denek elgarrekin "maite zaitugu Ilune" oihukatuz bukatzeko !
Mementu intentsiboa eta baita ere preziosa bizi dute ikasleek Ziburutik eta familiak Parisetik, zuzenezko duplex horretan....eta gainera euskaraz !!
Azkenik, Ziburuko Herriko Etxeak eskainitako edariekin haien emozioak partekatu dituzte kontseilu gelako mahain inguruan eta bertan zen Kanaldude mikro eta kameran ere bai ; Kanaldude erreportaia ikusteko : hemen klikatu.
Txalo bero bat sustenguz aritu izan diren guztiei !
Abenduaren 3a : Euskara eguna ! Euskara sar hadi Asanbladan !
Abenduaren 3an, ostegunez, ospatu berri da kolegioan Euskararen Nazioarteko eguna. Ekimenak Euskaraldiarekin batera hasi dira kolegioan, besteak beste euskarazko zine festibala proposatuz maila guztietako ikasleei !
Abenduaren 3rako aldiz, osasun egoerak lagundu ez badu ere, pentsatutako programa bermoldatua izan da, urteroko egun banalizatua egun berezia izatea jarrai zedin.
Honela, goizean, 3.eko ikasleak Etxepare lizeoa bisitatzera joan ziren bitartean, bertze maila guzietako ikasleek sorpresa bat rpestatu diete. Olentzero eta Mari Domingiri idatzi diete, aurtengo opari berezi bat eskatzeko : ikusiz bikote hori abenduaren 24an etxeratze agindupean egonen dela ere, aurtengo oparia AZTERKETAK DITUZTEN IKASLE GUZIENTZAT EUSKARAZ PASATZEKO BAIMEN OFIZIALA ekar deza eskatu diote.
Arratsaldean, ikastegi osoak "Egunean Behin" jokoaren bertsio berezi batean parte hartu du, Urtean Behin, gela bakoitzean taldeak osatuz, kolegioko ikasleen artean lehiatuz.
Baina erran bezala, Euskararen Nazioarteko eguna ez da soilik gure hizkuntza ospatzeko eguna, euskararen aldarrikatzeko eguna da ere. Horregatik, Olentzero eta Mari Domingiri eskatu diegu gutun horiek Parisera eraman ditzaten, hizkuntza gutxituen babesa eta promoziorako lege proposamena buktzatu duen Paul Molac diputatuak eskura ditzan, eta honek Asanblada Nazionalean zabal ditzan. Apirilean diputatuekdiputatuek berriz eztabaidatu behar duten legean Brebeta Euskaraz beste aldarrikapenen artean bere tokia eginen du agian !
Ahalmen urritasuna hurbiletik biziz....
Telethon ekintza hurbiltzen zela eta, Herriko Etxearen laguntzarekin, abenduaren 3an, ostegun goizez, 4Bko ikasleendako bi elkarte kolegiora etorri dira : Valentin Haüy eta APF handicap elkarteak.
Taldea bitan banaturik, ibili da tailerraz tailerra bizpahirunakako ikasleen artean : gurpil aulkiaren erabilpena, itsu makilaren erabilera, itsuaren egoeran izan (braille idazkera, joko - oihalen hunkitzeak), beso batekin beztitzen entsaiatu, ahozkatzeko arazoak dituzten egoeran ezarri....
Ikasleak biziki adi egon dira, biziki motibatuak eta parte hartzaileak. Haien artean, Wolfram sindroma duen Ilune Dufau ikaslea : "biziki pozik naiz horrelako tailerretan lagunak ikustea ; nire eritasunaz ez dira konturatzen ez baita deus ikusten, alta hor ohartu dira zer den ez ongi ikustea adibidez ; aulkiaren ariketa ainitz maitatu dut ere bai."
Bukaeran, denak elgarrekin bildu dira eta ohar biziki baikorrak partekatu dituzte, taldeko argazkia aitzin !
Milesker Valentin Haüy, APF handicap elkarteei eta Ziburuko Herriko Etxeari horrelako ekintzak antolatzen laguntzeagatik !
Sare sozialak 5.eko ikasleei aipagai !
Azaroaren 24 eta 26an, astearte eta ostegunez, Andrea Aranguren komitatua izan da gure kolegiora 5.eko ikasleekin "sare sozialei" buruzko mintzaldi bat animatzeko, bi orduz gelaka, lau aldiz beraz.
Lehen parte batean, joko baten bidez, ikasleek telefonoa zutenez, I-phone-a, logeletan uzten duten, zenbat "story" igotzen dituzten, bikote bat dutenez, telefonoaren erabilpena burasoekin aipatzen dutenez, snapchaten erabilpena, youtuben jarraitzen dutenek, ordutegi muga bat dutenez eta beste... eskatua izan zaie.
Ondotik, bostpasei egoerak aztertu dituzte talde ttipika eta talde handian aipatu eta gogoetatu.
Solasa denboran, egoera bakoitzean biktimaren sentimenduak zerrendatu dituzte : baztertua senditzea, triste, haserrea, amorratua, desepzioa, mendekatzeko gogoa, lotsa, harridura, beldurra... Bestalde, zer egin dezaken pentsatzen aritu izan dira : heldu batekin arazoak aipatu nahiz eta ez den errex, igotako argazkiak kentzea, bi pertsonen arteko solasa, bideo bat igotzen denean ezin dela neurtu zenbat aldiz partekatua izan den, norbaiten biluztearen grabatzea delitu bat dela...
Bukatzeko, zein diren egoera baten arriskuak entzun dituzte eta legediak nola zigortzen dituen : ez dakigu sekulan nor den pantailaren gibelean ! Ziber jazarpena, ziber indarkerai, buruko minak, adizkioaren sortzea, drgoa bezala, ez da beti egiazkoa erakusten, orduak neurtzeko zailtasunak, xehetasun pribatuak gehiegi ezarriak dira, klik batekin gauza asko gerta daiteke, gehiegi ? "Arau hauste bat eta salatu daiteke !"
Mintzaldia interaktibo honetan, ikasleen parte hartze baikorra azpimarratzekoa da ! Milesker Andrea !
Konsultatzeko webgunea : www.e-enfance.org
"Denak gara arduradun, kontuz ! Egin aitzin !"
Etxepare Lizeoko bisita hirugarreneko ikasleendako !
Abenduaren 3an ostegunez, 3.eko ikasleek zuten orientaziorako hitzordu bat : Baionako Etxepare lizeoaren bisita !
Lehen parte batean, liseoa bisitatu ikasle ohiei esker : jantegia, barnetegia, kirol eremuak, biltoki nagusia, IDZ, sartze nagusia, HAN eta hezitzaileen bulegoak, estudio gela, administrazioa, irakasle gunea, orientazio bulegoa, mendi eta erreken izenak dituzten ikasgelak, 3. pro eremua, alda gelak, kiroldegia eta bil txokoa. ikasle horiek lizeoan duten ardura eta autonomia inportanteak zirela azpimarratu dute.
Bestalde, talde ttipika, irakasle eta ikasle ohien bitartez, hainbat xehetasunak emanak izan zaizkie : ordutegia, gai berriak, jantegiko antolaketa, askatasun berriak, une importanteak, barnetegia, ikasketa motak eta bereziki erreforma berria, animazio talde desberdinak eta kanpoko aktibitateak.
Bukatzeko, kolegioko bidea hartu dute bazkaria aitzin !
Mokofina izan Telethona sustengatuz !
Telethonen aldeko asteburua aitzin, Ziburu hiri enbasadorea izendatua izan da eta Ilune Dufau, Wolfram sindromarekin dugun ikaslea, Pariseko telebista saioan arituko zela jakin dugularik, elkartasunez aritzeko gogoa ukan dugu.
Ikasleen bizi eskolarra orduan egindako deialdiaren ondotik, 50 ikasle batzuk inskribatu dira dirua lortzeko ekintza batean parte hartzeko ! Bilkuran egina izan delarik, proposamen ainitz zerrendatu dituzte : mus lehiaketa, selaru hustea, zozketa... eta salmenta ! Epe motz batez lortu behar baitzen, gosari salmenta hautatua izan da. Ondotik, egutegi bat osatu dute, talde ttipika aritzeko aukerakin, txandaka.
Geroztik, azaroaren 23tik, abenduaren 4a arte, 15 egunez, goizero, bi salmentak segurtatuak izan dira, bat 6. eta 5.endako eta bestea 4. eta 3.endako : txokolot'esnea, jusak, zerealaka, bixkotxak, azukre opilak, xorixo - patea - zozizona ogitarteko ttipiak, pastizak... gustu guztiendako bazen egunero.
Goizero, txirrina jo bezain orduko, ikasleak lerrokatzen ziren haien tripa gozatzeko gosaria ersoteko. Saltzaileak, haien aldetik, gela hidroalkolikoa eskuetan ezarri eta, saltzaile errolan sartu dira, motibazio hanidenarekin !
Egunero dirutza ederra bildu da !
Telethona sustengatuz, mokofina izan diren guziak eskertzekoak dira !
Orotara, salmenta hoen etekina izan da 1173,38 eurokoa ! Txalo bero bat deneri !
Euskaraldia ! Zinemaldia !
Azaroaren 20etik abenduaren 4era, Euskaraldia garaia izan baita, ikasleei euskarazko zinemaldia proposatua izan zaie, bazkaltzeko pausa denboran.
Nahi zutenek dute izena eman eta parte hartu.
Egunero filma baten zatia ikusi dute, euskaraz, ber mailako lagunen artean.
COVID egoera dela eta, Azaroaren 23tik landa, 6. eta 4.ei proposatua izan zaizkie eta Azaroaren 30etik landa, 5. eta 3.ei.
Hona hemen zein filmak ikusi dituzten :
6. eta 5.ek : "Harry Potter 4 & Suaren kopa" + "Tximinoen erresuma"
4. eta 3.ek : "Gernika" + "1917"
"Gehiago, gehiagotan, gehiagorekin" euskaraz gozatu dira eta bukatzen lortzen ez dituzten filmak Abenduaren 7ko astean ikusiko dituzte.
Milesker parte hartzaile guziei !!
Euskarazko filmen ikusteko : klikatu hemen.
Sozial arloko lanbide baten aurkezpena hirugarreneko ikasleei !
Azaroaren 24an, asteartez, egunaren bukaeran, sozial arloko lanbide bat aurkeztua izan zaie 3.eko ikasle guztiei kolegioko IDZtan.
Lehen parte batean, Ellande Harispourouren lekukotasun bideoa entzun eta begiratu dute :
Hasi zuen bere orientazioa baxo teknologiko bat pasatuz, kirol erakaslea bilakatzeko helburuarekin, STAPS ikasketak segitu zituen eta huts egin zuen serisotasun faltagatik. Ondotik, bere aita baserrian laguntzea erabaki zuen.... Berriz lotzeko bere orientazioari, erabaki zuen Etxarrin sartzea, arlo sozialan lan egiteko : Bikaina omen zela, teoria bazen, talde lanetan aritzen zen, gainera dislexikoaren tokia bertan aurkitu zuen eta ikastaldiak egitekoa aukerak ukan zituen. Bukatzen zuen bere solasa erranez " inportantea da denbora hartzea, nahi dugunaren egiteko !".
Bigarren partean, Hendaiako Maia Berasategi Comak hitza hartu du kolegioko IDZtan ikasleen aitzinean.
Ellanderen esperimentuaren ondotik, azpimarratu du hango eskolan, ikasketa mota desberdinen ondotik heldu direla asko sozial formakuntzen egitera, "changements de carrière" delakoak. Etortzen direnak lan egingo dutela ondotik edo zahar etxeetan deitutako EHPADetan, edo elbarrituekin edota adineko pertsonekin. Bi arloko formakuntzak badirela Etxarri eskolan :
1- Hezkuntza eta sozial arloko languntza / Accompagnement éducatif et social (AES), 4. mailakoa : urte batez egiten da, lan egiteko etxetik hurbil, etxeetan edo EHPADetan. Lanbidea ez da beti errexa, ainitzetan garraiotzen baita eta fisikoa baita.
2- BPJEPS : animatzaile funkioak ikasten dira lan egiteko popular hezkuntza sozial zentroetan, BAFA diploma eskuratzen da eta monitore hezitzaile izaiteko aukera ematen du.
Hezitzaile bereziatua funkzioa ere lantzen ahal da baina 3 urteko ikasketak dira, 6. mailakoa da, lizentzia maila, "parcours sup"en bitartez. Lan horretan aritzen dira haurrekin edo haur taldeekin, elbarrituekin (autismoa, trisomia...), egoera ahuletan diren helduekin (etxegabekoak, bizi istripuak ukan dituztenak...), eta haurren gerizarekin ere bai.
Maiak experientzia biziki aberatsa ukan du : Hezitzaile berezitua izan da Pauen, Burkina Fason egin du ikastaldi bat, etorkin emazteekin lan egin du, ingelesa ikasi du Irlandan, errefuxiatuekin lan egin du, geriza eskatzen zuten adingabeko ekin lan egin du (Congotik etorritakoak). Bartzelonan ere egon da sozial immigrazio eta integrazio mazterra ukan du, katalana hizkuntza ikasi du, ONUrendako lan egindu, migrante planoan koordinaketaz arduratu da.
Azkenik, ama bilakatuz eta bere haurrei euskal kulturan bizitzekoa aukera metako, Euskal Herrira itzultzea erabaki zuen. Lehen mailako estatuko diplomaren mazterra lortu du, Kontseilu orokorrean ordezkapenak egin ditu, haurren geriza eta Alzheimerri lotutako europa mailako proiektuak muntatua ditu.... etabar...
Bi lekukotasun horien aitzinean, ikasleak biziki adi egon dira eta buakeran galderak egiteko parada ukan dute.
Milesker ainitz Ellande eta Maiari, eta Murieli, gure kolegioko orientazioa arduradunari !!