Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Martxoaren 29an, goizez eta ordu batez gutti gora behera, 4A eta 4Bko ikasleek antzezlari talentutsu eta gazte batekin bisiotopaketa bat ukan dute : Félix Radu. Idazkera gaualdi baten ondotik ogetik atera da gure ikasleen galdera guziei erantzuteko, zintzotasunez eta sinpleki. "Les mots s'improsent", bere bakarizketari buruzko pasai batzuen textoen irakurketarekin segitua izan da saioa, ikasleek egindako euskarazko itzulpenarekin batera.

Nolaz Felixek gutun biziki ederrak idatzi dituen (bere etorkizuneko haurrari, bere arrebei, bere aitari...), ikasleek, haien aldetik eta 46 eskuz, gutun bat idatzi diote, Felix hunkitu duena. Bukatzeko, gustukoa duen testu bat ikasleei irakurri diete Felixek.

Trukaketa hori biziki aberatsa izan da, gainera idazteko aholkuak eman dizkie. Saio horren denboran, hitz jokoak eta literaturarekin den amorosa bat baita ere idazle batekin dute topaketa egin.

Ezaguna izatea eta bere publikoa handitzea mereziko luke. Goiz hartakoaren mirespena beretu du.

Milesker Felix bere erabilgarritasuna eta gizakotasunarendako.

Begi keinu ttipi bat ere bere amari egiten zaio, elkarrizketa hori biziki ongi antolatu baitu. Radu familia Euskal Herrian ongi etorria da.

Martxoaren 26an, arratsaldeko lehen orduan, seigarreneko ikasleek "Bertso saio" interaktibo bat ukan dute kolegioan, Ibai Lecuona eta Oneka Arteaga, lizeotik etorritako bi ikasleren laguntzarekin eta Haize Lecuona, Haira eta Unax Aizpurua Ibargaray, kolegioko 3 ikaslerekin.

Bertso saioan gai ainitz tratatu da hala nola konfinamendua edota irakasleak.... Gure bertsolariek saioa egiten zuten bitartean, 6.eko ikasleek kartulina txiki batean zegoen puntu bat osatzen ahal zuten mikroan parte hartuz edota bertso bat bota emandako oinak segituz.

Mementu goxo bat pasa da hitzekin jolastuz eta denen umore onari esker...

Milesker handi bat Aimar Karrikari eta parte hartu duten bertsolari gazteei !

Martxoaren 25ean, ostegun arratsaldez, 4D eta 4Eko ikasleek Rim Battal idazlearekin bideokonferentzia bat ukan dute. Parisen bizi da eta olerkari marrokiarra da, frantsesez idazten du.

Frantses klaseetan bere olerki frango irakurri ondoren, galdera ainitz prestatu zituzten eta zuzenean pausatu dizkiote.

Denbora fite pasa da.... Hala ere aholku ainitz ukan dituzte...

Bukaeran, bere olerki batzuk irakurri ondoren, sorpresa bat eskaini diote : hiru neskek bere olerki bat euskaraz itzuli dute eta bi muttikoek bertan irakurri. Rim biziki hunkitua izan da.

Momentu bikaina eta aberatsa pasa dute ; ikasleen parte hartzea emankorra izan da.

Orain beren olerkiak idazteko prest dira !

Txalo bero bat 4D, 4E eta Sylvie frantses irakasleari !

Milesker Rim mementu horren partekatzeagatik !

Zientzia faktoria 5., 4. eta 3. mailakoei zabaldua izan den lehiaketa bat da, taldeak 2 - 4 ikaslez osatuak izanki, eta orotara 8 taldek parte hartu dute.

Talde bakoitzak berrikuntza herritar bat aurkeztu behar izan du, bere ezaugarri berritzaile eta jendartearentzako onurgarriak (ingurumena, gizartea, inklusioa...) aitzinatuz proiektua aurkeztean. Hortarako, urritik urtarrilera zientzietako irakasle batzuekin taldeak bildu dira eta lanketa bat eremana izan da lehenik problematika bat atxemaiteko eta ondotik problematika horri erantzun egoki baten aztertzeko.

Urratsak ondokoak dira : Konpontzeko arazo bat xerkatzen dugu, konponbidea atxemaiten dugu, gure aurkikuntza deskribatzen dugu eta bideo aurkezpena bat egiten dugu.

Parte hartzeko, talde bakoitxak galdetegi bat bete du, eta bere proiektua bideo tipi bat eta euskarri egokienarekin (fisika maketa bat, grafiko, prototipo, powerpoint...) moduan aurkeztu du.

Azken hilabetean, berrikuntza herritarraren aurkezpenean zentratu dira taldeak eta martxoaren 16an, bestee aitzinean, baita ere irakaslez osaturiko epai mahain baten aitzinean, aurkezpen bat egin dute.

Epai mahaiak erabaki du, txapeldunak 3.eko Joana S, Oneka, Lorea, Meline-k osaturiko taldea (sexismoaren inguruko tematikan) eta Martxel A, Unai, June, Sara eta Nahiak osaturiko taldeak (ingurugiroaren inguruko tematikan) izan direla. Saria, ikasle bakoitzarentzat zientzi kutxagunerako sartzeak izan dira.

Horra 4.eko taldearen lana : klikatu hemen. (2.saria)

Martxoaren 25ean, ostegunez, bazkaltzeko mementuan, sari emaitza ofiziala kanpoko eremuan antolatua izan da, beste ikasle guztien aitzinean. Giro bikaina eta txapeldunak ohoratuak ! Txalo deneri !!

Martxoaren 8tik landa, animazioak berpiztu dira !

Mailaka, mus' maska txapelketan izena emateko aukera ukan dute kolegioko ikasleek. Lau mus txapelketa aurten !

Orokorki 74 ikasleek dute parte hartzen aurten : 9 bikote (18 ikasle) seigarrenean, 7 bikote (14 ikasle) bostgarrenean, 11 bikote (22 ikasle) laugarrenean eta 10 bikote (20 ikasle) hirugarrenean !!

Aurtengo berezitasunak, gelan sartu atzin gela hidroalkolikoa ezartzea, maska erabiltzea eta mailaka aritzea dira.

Ondorioz, aurtengo araudian begi keinuak soilik onartuak dira !!

Ikasleak biziki motibaturik agertzen dira eta prest txapelketa irabazteko !

Mementuz, multzoka ari dira...

Xantza on !

Aurtengo seigarreneko ikasleek, Aimar Karrika bertsolaria ukan dute gelan.

Sei astez, ostiralez, lan bat eramana izan da manera interaktiboan ikasle guziak parte hartuz.

Saioak animatuak eta formatzaileak izan dira gai ainitzen inguruan : parekidetasuna, sare sozialak, migrazioa, natura, herria eta hizkuntza, beldurra, eguneroko zailtasunak, ametsak, maitasuna....

Proiektua bertso saio batekin amaituko da martxoaren 19an, bertso eskolako bertsolari zaharragoekin.

Milesker Aimar Karrika eta Bertsularien Lagunak elkartea !

Martxoaren 11 eta 12an,  laugarreneko ikasleak Hendaian dagoen Mendi Zolan salara joan dira AMUA ikusgarriaren ikustera, AXUT konpainiaren azken sorkuntza, ondotik gelan lantzen segituko dena.

Sinopsia : "Anak, bere gaztaroko bi maitale ohi gonbidatu ditu Iratiko etxola batera. Azken asteburu bat, izan zirenaren eta amestu zutenaren izenean. Aitor eta Txolarre etorriko dira bai, baina bata eta bestea ez dira jakinean hiru izanen direla. Elgar asko maite dute, baina zaila da hain intimoa den hori partekatzea. Esklusibotasuna, erromantismoa, egoa, jabetza, ohitura, kultura, hezkuntza alde batera uztea, asteburu bakar batentzat bada ere,  barne kalapita galantak eraginen ditu. Askatasunaren utopia azkenekoetan dela errana izanen zaigu haibatetan, baina maitasunaren izenean, noraino joan gaitezke ?"

Pertsonaiak : Ana (Maite Larburu), Aitor (Manex fuchs) eta Txolarre (Ximun Fuchs)

Milesker Euskal Hirigune elkargoari haien laguntzarendako.

Oporren ondoko enpresaren behaketa ondotik, 3.eko ikasleek haien txostena aurkeztu dute banan banan martxoaren 9an, astearteko azken orduan, kolegioko irakasle bat eta ber ikasgelan ziren maila bateko ikasle talde baten aitzinean.

Ikasle bakoitzak bere ikastaroa eta lanbide bat aurkezteko gai izan izan behar zuen, hainbat irizpide kondutan hartuz : gorputzaren adierazpen egokia, ahozko adierazpen egokia, aideratzitakoaren koherentzia eta kohesioa, hizkuntza zehatzaren erabilpena, hizkuntza xuxenaren erabiltzea (gramatika, ahozkera...) etabar...

Hirugarreneko ikasleak 19 taldetan banatuak izan dira eta irakasle "epaile" bakoitzak hiruzpalau ikasle zituen.

Orokorki, ikasleek txosten sakonduak aurkeztu dituzte eta lanbide baten aurkezteko publiko eta epaile baten aitzinean gai izan dira.

Eskuratu dituzten hobetze aholkuekin batera, ikastaldiaren txostena aurkezten ahalko dute brebetarako ahozko gisa.

Martxoaren 8aren karira, IDZak emazte zientzialariak ikustarazten dituen erakusketa bat antolatu du.

Helburua, historiako emazte zientzialariak ezagutzeaz gain, bakoitzaren berezitasunari lotutako esperientzia bat aztertzea izan da.

Alde batetik, museo batean gertatu daitekeen bezala, erakusketako afitxez gain QR kodea baliatuz, ikusentzunezko baliabideak ere ustiatu dituztez ikasleek. Honela, erakusketaren beraren ikerketa bat burutu dute edukiak eta identitate grafikoa aztertuz.

Bestalde, "Teknopolis" telebista-saioa euskarri interesgarria izan da ikasleek goi mailako ikerketa zientifikoetan emakumeen ordezkaritza apala dutela jabetzeko. Gaur egun ere, emakume gutxi dira Nobel saridunak.

Izan ere, genero guztiak kontuan hartzen direnean, ikerketak kalitatean hobetzen dira. Zoritxarrez, emakumeak ez dira behar adina kontuan hartzen ikerketetan. Horrela, eguneroko gauzak gizonezkoen arauetara egokitzen dira. Tamalez, ez ikusgarritasun hori autoen segurtasun-gailuetara ere hedatzen da.

Oporren ondotik, otsailaren 23tik 26ra, kolegioko hirugarreneko ikasleak enpresako ikastaldian egon dira. Lanbide desberdinetan parte hartu dute, hala nola : hargintza, haurzaindegia, irakaskuntza, farmazian, arkitekturan, baratzezaintzan, okindegian, zurgintzan, laborantzan, estetikoan, Herriko Etxean,  eta hainbeste....

Honen helburuak dira :

- ikasleei lan mundua "zuzenean" ezagutaraztea

- enpresaren ezaugarri nagusiak ezagutzea, baita ere ibilmoldea aztertzea

- enpresako aktore desberdinak ezagutzea

- ahalaz, ikaslea bere geroko lanbidea hautatzen laguntzea

Ikastaro honen ondotik, ikasle bakoitzak txosten bat bete beharko du eta martxoaren 9an iraganen den ahozko batean aurkeztu beharko. Bertan diren irakasleen oharrak eta aholkuak ukango ditu, sekulan maiatza bukaeran iraganen den brebetako ahozkoan aurkeztu nahi badu.

Esker beroenak gure ikasleen harrera egin duten enpresa guztiei !