Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Ekainaren bi aste horietan ikasleek jokatu dituzte printzipala edo kontsolanteko 1/8ak, laurdenak eta erdi finalak...

Ekainaren 9an, ostegunez, jateko pausan, fase guztiak gainditu dituzten jokalariek finalak jokatuko dituzte kanpoko eremuan eta zortzi hamarrekotan !

Printzipala 6 / 5 : Julen Fagoaga - Kaiet Alduntzin / Eztitxu Daubas - Eztitxu Lamothe

Printzipala 4 / 3 : Nahia Guerin - Maitane Mioque / Txema Gogorza - Amets Iribarren Ayez

Kontsolantea 6 / 5 : Beñat Del Bosque - Oihan Dunogues / Unai Heredia - Bittor Orgogozo

Kontsolantea : 4 / 3 : Iñaki Endarra - Gabi Harocarene / Katixa Fagoaga - Sabina Iratzoki

Xantza on haiei ! Ea nor izango diren 2022-ko txapeldunak.....

Maiatzaren 31an, Baionako Etxepare Lizeoko merkataritza saileko bi ikasle eta irakasleek Ziburuko Piarres Larzabal kolegiora merkataritza pro saila gure laugarreneko eta hirugarreneko ikasle batzuei aurkeztea etorri dira.

Oihan Alfaro eta Uhaina Zuelgaray-ek haien esperientzia partekatu ondoren, bi bideo labur erakutsi dizkiete, non zer egiten zuten edota nola merkataritza profesional saila lantzen zuten Etxepare lizeoan. laguntzen zituzten bi irakasleek Estibalitz Perurena eta Peio Minondok, ez diete desafio txikia eman bideo hauen egitera bultzatu dituztenean. Eta ikastetxeko ikusleen arabera, desafioa ongi gainditu dutela agertu da.

Burutzeko, joko bat proposatu dute : quizz moduan, gazteen aurre iritziak hausteko. Gure ikasleak azkarrak izan baitira denak sari batekin itzuli dira etxera.

Azkenik, formakuntza hori lanbide heziketako hainbat alorrei ateak irekitzen dituela agertu da. Hala nola, garraioa eta logistika, marketin eta publizitatea, nazioarteko merkataritza, administrazioa eta finantzak, salmentak eta merkataritza-espazioak kudeatzeko goi-mailako teknikaria eta logistika.

Hor ziren bi gazte hauek BTS-a egin eta gero, agian master bati buruz ere joan daitezkeela erran dute. Agiantza hoberenak op dizkiegu hurrengo urteetan.

Bi urteko geldialdiaren ostean aurten berriz ere kolegioko futbito txapelketa berreskuratu da.
Aurten bi txapelketa jokatzen ari dira, 5/6.a eta 4/3.en txapelketa.
Txapelketa bakoitzean 9 ekipak hartu dute parte (5-9 kidez osatuak).
Txapelketaren helburua futbitoaz gozatu eta euskaraz aire hartzeetan kirolaz gozatzea izan da.
Giro paregabean ari da igarotzen txapelketa eta ikasle aunitzek parte hartu du jokatzen zein inguruan taldeak animatzen.
Final erdi bat jokatu da jadanik eta txapelketak amaitzeko bigarren final erdia eta finala gelditzen dira.
Finalak ekainaren 20an izango dira eta talde irabazleek haien mailan PLK-ko txapeldunak izateko ohorea izango dute.
Azken txanpan gira beraz, eutsi horri eta hoberenak irabaz dezala !!

Urtero bezala, kolegioko ikasleek bertako mus txapelketan izena emateko aukera ukan dute.

Aurten, maskarik gabeko plazerrarekin, 44 ekipak ari dira astearte eta ostiraletan, eguerdiko jolas garaian elkarren kontra eta hori maiatzaren 3tik landa.

Bi txapelketa antolatuak dira : bat 6. eta 5.en artekoa eta bestea : 4. eta 3.en artekoa.

Urtero, arrakastatsua den txapelketa bat da !

Hastapenetik legedia argiki utzirik, bikote bakoitza ahal bezain ttanttoak eta hamarrekoak irabazten saiatzen da : bost hamarretako bi mantxak irabazi behar dituzte.

Orain arte multzoka aritu izan dira, laupabost partidak segurtatuz.

Maiatzaren 30etik, kalifikazioen garaia abiatu da, printzipalan ala kontsolantean sailkatua izanez.

Xantza on deneri ! Ea aurtengo finalistak zein diren ....

Azterketak euskaraz ekimenaren baitan, joan den astean Seaskak Administrazio auzitegira jo  du Frantziako Hezkuntza Ministerioaren kontra. 2019ko uztailean EEP Euskararen Erakundu Publikoak eta hiruek izenpetu zuten hitzarmena ez betetzea leporatzen dio Seaskak Parisi.

Paueko auzitegiak astelehen arratsaldean azertu behar zuen afera.

Honen harira, Seaskak elkarretaratze batera deitu du, maiatzaren 24ean eguerditan, asteartez, bigarren mailako ikastegi guztietan, PLK barne !

Denon artean lortuko dugu !

Bisita profesionalen proiektuarekin segitzeko, oraingoan Errenteriako Udaleko langileak bisitatzera joan dira hiru ostiral goizez, maiatzaren 6a, 13a eta 20an.

Bertan, giro euskaldun eta jator batean, hainbat lanbide ezagutu eta testazeko aukera ukan dute ; hala nola, zurginak, errementariak, igeltseroak, lorezainak, margolariak, bulegoko langileak...

Oso bisita aberasgarri eta atseginak izan dira eta zenbait ikasleren motibazio era gaitasunak agerikoak izan dira.

Mila esker beste behin ere gure ikasleei egin dioten harreragatik !

Maiatzaren 17 eta 18an, "Ma langue au chat" konpainiako hiru ingles antzezle ordezkariei harrera egiteko plazerra ukan du Piarres Larzabal kolegioak.

Bosgarren, laugarren eta hirugarreneko ikasle guztiek ingelesez osoko landurik eta eguneroko bizitzako gaiak lantzen zituzten tailerretan parte hartu zuten.

Murgiltze dibertigarri baina zorrotza, ikasleei bi orduz baino gehiago ingelesez trukatzeko parada eman duena.

Gure ikasleak liluratu duen esperientzia aberasgarria izan da eta ziur, datorren urtean errepikatuko dena.

Thanks / milesker Bu, Peter eta Kirstyri !

Piarres Larzabal kolegioko Euskaraz bizi ikasle taldeak "PLK olinpiadak" antolatu ditu.

Haien helburua ikastetxearen aire hartzeetan euskara hedatzea da eta elkarrekin ondo pasatzea euskaraz jolastuz.

Laugarren eta hirugarreneko sei taldeek parte hartzen dute eta froga ezberdinak egingo dituzte astez-aste : zaku lasterketak, lokotx bilketak, zapi-zapi...).

Ostegunetan, bazkal ostean, jokatzen dute.

Bi sari banatuako dituzte  : bi talde txapeldunari eta bestea talde "ahobizienari".

Haien asmoa urtero egitea sa, 6-5 eta 4-3 mailekin. helduek ere parte har dezakete.

Euskarak 365 egun

"Zer gertatuko litzateke... mundua aldatuko balitz.

Zer gertatzen da, haiek babesteko, emakumeei lagundu gabe ateratzea eragotziko balute ? Gizonak eta eazteak bereizten baditugu.

Zer gertatzen da, hiru neska dituen familia batean, karrikara ateratzeko, erosketak egiteko... nesketatik bat, Printzesa, muttikoz mozorrotuko balitz, besteentzat muttikoa bihurutko balitz. Jimmy Fisher bihurtuz gero. Zer gertatzen da Printzesa Jimmy izatea gustuko izango balu ? Ematen dion askatasuna ?

Nola aurkituko dute lekua beste bi ahizpek, Regina eta Stellak, txandaka ?"

Hona hemen gure seigarreneko ikasleek Luhosoko Harri Xuri gelan, maiatzaren 10ean, asteartez, ukan zuten ikuskizuna zorrotz honengatik, zeinaren gaia hurrengo klaseko saioetan eztabaidatuko dena.

Maiatzaren 8an iragan den Herri Urratsen, pegatinak saltzeko motibatu dira kolegioko 117 ikasle !!!! Bikain !

Goizeko 9:30 eta 13:30ak artean, pegatinak eta kutxak eskuetan jaso eta, lakuaren itzulia egin dute lagunen artean, haiek finkatutako kuadrila eta ordutegia errespetatuz, jendeari pegatinak proposatuz eta diru kutxak betetzen saiatuz.

Bestalde, ikasle batzuk "brebeta euskaraz" tixertak saltzen aritu dira, gure borroka eta aldarrikapenak aitziraren inguruean agertzeko !

Maila guztietako ikasleek parte hartu dute, giro onean, motibaturik eta lagunen artean elkartuz !

Txalo bero bat zinez ikasle guzti horiei !