Piarres Larzabal Kolegioa

Seigarrenak Orion ziren !

Urtero bezala, kolegioko ekipa pedagogikoak urte hastapeneko egonaldi bat proposatu du kolegioko 86 seigarreneko ikasleei. Irailaren 28tik 30era, Orioko Txurruka aterpean egon dira euskarazko giro batean murgildurik, elkar hobeki ezagutzeko helburua hartuz, ikastola desberdinetatik heldu baitira (Donibane Lohizune, Azkaine, Bidarte, Hendaia, Urruña...).

Irailaren 28an, asteazkenez, txirrina jotzean, maletak elkartuz, deia egin ondoren, seigarreneko ikasleek Zestoako bidea hartu dute. Bertan, Ekainberri leizeetara hurbilduz, tailer-gelara sartu dira batzuk, garai hartako margolaritza edota sua nola egiten den ikasteko, ondotik ehiztari ttipiak bilakatuz, arkuaren erabilpena eta lantza botatzearen ariketa eginez. Azkenik, leizeetako arroketan agertzen diren margoak, bereziki zaldiak, hurbiletik aztertu dituzte. Taldearen beste parteak, Zestoako herria bisitatzeko aukera ukan du bertako polikiroldegian jolastuz eta bazkalduz. Ondotik aktibitatea trukatu dute. Arratsaldeko 3tan, Orioko Txurruka aterpera sartu eta logelaka instalatu dira haien lagun berriekin, kirol eremu zabalean jokoetan aritu edota lehen gaubeila prestatuz.

Biharamunean, irailaren 29an, ostegunez, Oriotik Zarautzera oinez joan behar ziren "Zarauz'express" joko pista egitera baina eguraldia euritsua izanez, aterpean egon dira 7 tailer antolatuz eta ikasleek 3 “nahieran” hautatuz : mahai jokoak, arte lanak (orri markak), eskuetan zuten liburuxka betez, ping pong eta pilota lehiaketak, euskal dantza iniziazioa….etabar…

Elgarrekin bazkaldu eta, teniza pare on bat ezarri dute Orioko hirira oinez joan dira. Portuaren bazterrean, kultur ibilaldi bat egin dute eta bertako monumentuak eta pertsona famatuen ezagutzeko : Jorge Oteiza, Benito Lertxundi, Endaia etxea, Orioko arraun klubaren logoa... Ondotik aterpera itzuli dira denbora librean jolastatzeko, dutxa hartzeko, gaubeila prestatzeko eta afaltzeko.

Azken egunean, irailaren 30ean, ostiralez, materiala bildu eta, Donostiara joan dira Tabakalera Kultur Zentroa bisitatzeko eta Christina Enea parkean piknikatzeko, bertan landare eta animaleak aztertu dituzte bi taldetan banaturik.

Egonaldi guztian, oroitzapen liburuxka bat betetzen aritu izan dira. Arratsaldeko 4ak alde, kolegiora iritsi dira.

Bukatzeko, gure ikasleek ikasturte hastapen honetan, harreman biziki azkarrak lortu dituztela egonaldi honi esker ondoriozta dezakegu, motibagarriak ziren aktibitate eta amorratuak ziren animatzaile guziei esker. Esker bereziak ematen dizkiogu Martta, gure erizain laguntzaile gisakoari !!

Eguerdiko aktibitateak hasi dira !!

Irailan hasi baldin bada kolegioa, eguerdiko aktibitateak ere hasi dira !

Egunero, jan aitzin eta ondotik, aktibitateetan parte hartzeko aukera proposatua zaie :

- Astelehen eta ostegunetan Iolandarekin esku lanak egiten dituzte : Covid garaian hasitako artilezko obra segitzen ari dira, omiasainduko oporretako bukatu nahian ; ber garaian, euskara gaiari lotutako kuadro tindaketa bat aitzinatzeko aukera hartu dute seigarreneko ikasleek

- Astearte eta ostiraletan Maritxurekin mahai jokoetan aritzeko parada dute : Monopoly, Sudoku, Gizotxo, Uno, Mus kartak, Nor da nor ?, Ximinoen arbola, itsas borroka, Lakoin begia, Ber 4... eta besteak

Tailer horietan nahi duten ikasleek parte hartzen dute eta giro euskaldun batean beste lagunak ezagutzeko parada dute !

Tailer arrakastatsuak dira eta umore onean elgarrekin jolasten eta euskaraz bizitzen dira ikasleak ! Txalo !

Burasoen sartze bilkura

Irailaren 20an, asteartez, arratseko 7etan, burasoen bilkurara etortzeko komita ukan dute kolegioko familiek.

Lehen parte batean, harrera hitza kanpoko eremuan emana izan da zuzendaria den Iñaki Lecuonarengandik. Aurten ere bai, euskararen alde borrokatu beharko garela ere bai, gure haurrek haien azterketak euskaraz pasa ditzaten azpimarratu du.

Ondotik, familiak geletara joan dira haien haurraren irakasle arduradunarekin batera aurtengo ikasturteko helburuak eta ibilmoldea ulertzeko, baita ere buraso arduradunen hautaketa egiteko.

Etorri diren familiei milesker.

Zokoako fauna eta flora aipagai...

Irailaren 12 eta 13an, seigarreneko ikasleak Ziburuko inguruak aztertzeko, lehenik Ziburuko oihantxora igo dira eta bertan landare bilduma bat eraikitzeko 8 hosto bildu dituzte bakoitzak : huntza, iratze arrunta, akazia, gaztainondoa, lizarra, haritza eta hirusta.

Geroxeago, kostaldera abiatu dira, han marea behera baliatuz, arroketan bizi diren animalia ezberdinak bildu dituzte hala nola karramarro ermitarioa, izkira, itsas luzokerra...

Goiza bukatzeko, elgarrekin piknikatu dute arratsaldeko kurtsoak aitzin !

Azterketak euskaraz : Ni prest nago ! Gu prest gaude !

Ikasturte berri hau indarberriturik abiatzen dugu, euskaraz ikasten duten ikasleek azterketak euskaraz pasatzeko eskubidea azkenean lortuko dutelakoaren itxaropenarekin.

Azken urteetan eta bereziki jaz, borroka azkartuz eta antolatuz, gure aldarrikapena euskal jendartearena dela frogatu dugu: gaur egun Euskal Herriaren gehiengo batek argi du frantses gobernuak bere hizkuntz politika diskriminatzailea aldatu behar duela, euskaraz ikasten duten ikasleen azterketak euskaraz antolatuz eta zuzenduz.

Irailaren 14ean, frantses Hezkunde Nazionaleko ministro berriaren kabinetearekin iraganen den bilkurak aterabideak eraginen dituela espero dugu. Ezin dugu besterik pentsatu.

Ez balitz hala, gure aldarrikapena lortu arte borrokatzen segituko dugu, tinko eta gogotsu.

Anartean gu prest gaude !

Beste guztien sartzea

Irailaren 2an, ostiralez, txirrina jo duelarik, 332 ikasleak kanpoko eremuan ziren.

Alde batetik, seigarreneko ikasleak haien kurtsoetara joan dira.

Bestalde, besteek, bost, lau eta hirugarrenek haien sartzea egin dute.

Zuzendaria den Iñaki Lecuonaren hitzaren ondotik, irakasle arduradunek haien ikasleak deitu dituzte.

Bi orduz, harekin egon dira aurtengo plangintza ulertzeko. Beste orduetan, lanean berehala hasi dira.

Giro onean eta eguzkipean iragan dira jolas garaiak !

Kolegioa betea da ! Sartze on deneri !

Seigarrenen sartzea !

Irailaren 1ean, ostegunarekin, seigarreneko ikasleen sartzea iragan da gure kolegioan !!!

Kolegioko zuzendaria den Iñaki Lecuonaren harreraren ondotik, irakasle arduradunek gelako ikasleak izendatu dituzte eta haiekin ikusi ordutegia, zein irakasleak ukango dituzten, barne araudia ezagutu, kolegioa bisitatu, kutxen gunea deskubritu etabar...

Anartean, burasoei kafetxo bat eskainia izan zaie, haien arteko solasak trukatzeko eta barneko kezkak desagertzeko....

Goizeko 11:00ak alde, kanpoko eremuan denak elkartu dira, talde ttipika aritzeko olinpiada ttipetan : kapeluaren jokoa, lekuko lasterketa, arto bilketa eta patata zaku lasterketa. Giro izigarri onean iragan da soka tira erraldoiarekin bukatuz.

Eguerdiko jolas garaian, kolegioko jantegiko sistema ezagutu dute eta lehen bazkaria partekatu.

Arratsaldean, hiru ordu kurtso ukan dituzte.

Azpimarratu behar den aurtengo berezitasuna : aterpea handia eraikia izan zaigu uda honetan. Milesker !

Sarrera on opatzen dugu kolegioko 86 ikasleei !!

Zientzi diplomen banaketaren zeremoni ofiziala !

Uztailaren 12an, asteartez, goizeko 11:00ak alde, Seaskako ikasleak, irakasle - hezitzaileak eta familiek Baionako Herri elkargoan zuten hitzordua, zientzi diplomen banaketa zeremoni ofiziala antolatua izan baitzaie.

Lehenik, Jean René Etchegarayek du lehen hitza eman : kontent zela gurekin batera elkartzea baina ber mementuan "haserretua" zela euskara hizkuntzarekiko, zein tokia ematen zaion, Frantziako Estatuarengandik hartutako gibelapenagatik.... Ikasleen zientzi azterketen zuzenketaren egoera ez dela "normala", gurekin bat egiten zuela egoera hau aldarrikatzeko, jakinez "Frantziako hizkuntzak altxorrak direla", Estatuak dion bezala... "Hitza hitz" eskatzen dugula denok, euskararen aldeko eragile desberdinengandik, "Combat" borroka horretan segituko duela, EEP-en lehendakaria den Antton Curutcharryrekin batera.

Ondotik, Seaskako lehendakaria den Peio Jorajuriak eskertu du Jean René Etchegaray bai bere sustenguarendako baita ere Herri elkargoaren egoitzan zeremoni ofiziala hori aterpetzeagatik. Zoriondu ditu Seaskako ikasle guztiak, euskaraz ikasteagatik eta euskaraz azterketak pasatzeagatik ; nahiz eta egoera ez den onargarri, zoriondu ditu ikasleak ere bai nota onak atera baitituzte, zientzi froga egoera honetan, euskaraz idatzi baitute ! Segitu du "gizartean ditugun eragileen artean da euskarari eman nahi diogun tokia" erranez... Oroitarazi du 2017an, zientzi frogaren lehen urtean, lortu zela euskaraz pasatzea eta zuzenduda izatea. Bere solasa bukatu du azpimarratuz Pariseri mezua bialdiko dela gaur ez baita haien berririk batere.

Bukatu aitzin, Liloia eta Amane, PLK-ko bi ikasleek eta irakasle batek hitza hartu dute egoera salatuz eta borrokatzen segituko dugula lortu arte, "azterketak euskaraz" kantuarekin amaitu delarik.

Azkenik, zientzi frogaren diploma ikasleei banatua izan zaie.... Batazbesteko ofiziala 5/50 delarik, ikasle gehienek 20 - 45 / 50 artean lortu behar zuten nota konparatuz.

Zorionak ikasle guztiei eta bakantza on orain ! Merexi dutela eta !