Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Urtarrilaren 25ean, astelehen goizez, Gourmelon andereak, Hegobus garraio elkargoko arduradunak hitz hartu du ordu batez 6D - 6Ekoei lehen txandan eta ondotik 6A - 6Bkoei. Kolegioko IDZtan elkarturik, autobus prebentzioari buruzko helburuak orroitarazi ditu : informatu, alerta eman eta gogoetarazi.

Lehenik, inskribatuen kopurua eman die, zenbat zerbitzu eskolarrak dauden eta zenbat ibilgailu egunero ezarriak diren : autokarrak, autobusak eta minibusak. Eskolako garraio izen desberdinak zerrendatu ditu : Le Basque Bondissant, Hegobus, Réunir, ATCRB, Transdev, Citram Pyrénées... Ondotik, autobusa eta autokarraren arteko desberdintasuna azaldu die, autobus batek 150 000€ eta 200 000€ arteko prezioa izanki.

Bigarren parte batean, autobusa etorri aitzin, bertan direlaik eta kolgiora iristean nola portatu behar diren aiderazi die (ikaslearen portaera, materialaren errespetua, uhalaren inprotantzia eta bereziki 135€ko ixuna ez bada ezarria...) eta kartaren garrantzia eman die. Quizz-bilana batean parte hartu dute saioa borobiltzeko.

gero, talde guztia kanpoko eremura joan da husketaren ariketa baten egiteko, aholkurik gabe lehenik eta aholkuekin ondotik. Oro har, ikasleek gainditu dute ariketa !

Bukatzeko, azken aholkuak entzun ondoren, Hegobuseko liburuxka bat eta luma zorro bat eskainiak izan zaizkie.

Milesker Hegobus Euskal Hirigune garraio sareari azalpen guzti horiendako !

Agian ikasle bakoitzak kondutan hartuko dituela eta bere burua babestuko duela, autobusa errespetatuko eta gidaria agurtzen segituko duela !

Urtarrilaren 12tik 22ra, urtero bezala, inguruan ditugun lehen mailetako ikasle berrien bisitak antolatzen ditugu : Donibane Lohizune, Urruña, Ziburu, Hendaia, Sara, Senpere, Azkaine eta Bidarteko ikastoletako 5. urtekoak errezibitu ditugu.

Lehenik, kolegioa aurkezteko filma begiratu dute.

Ondotik, zuzendaria den Inaki Lekuonarekin batera, laborategiak, jantegia, kirol gela eta bulego desberdinetatik pasatuz, kolegioko bisita egin dute.

Azkenik, eskainia izan zaien liburuxka ttipi bati esker, haien galderak eta kezkei erantzun die.

Ikasturte hori ongi bukatzea eta motibaturik etortzea opatzen diegu !

Urtarrilaren 18an, astelehenez, Marko komiki marrazkilariari harrera berezia egin diote kolegioko hirugarreneko ikasleek. Goizeko 9:15etan, 3Akoak ziren eta 10:06etan 3Bkoak.

Hastapen batean, bere lanbidea aurkeztu du, komikiak ilustratzen dituela, bere 10 urteetako lanak handizki bururatu zirela Parisen iragan den azaroaren 11ko oroitzarrearekin.

Komiki marrazkilaria zarelarik, ahal bezain zuzen izan behar da, gerla garaiko gerla behaketa biziki fina ukan behar da.. :

- garaiko objektuak, mentalitateak, gertakari historikoak

- marrazkilaria, estilista, arkitektoa, ile apaintzailea, paisaia margolaria... ber mementuan izan behar dela

- ezin da dena kudeatu, bereziki gerla handiko garaia

- kontatzen dena, marrazten denari etengabe kasu eman behar da.

- espezialisten laguntza beharrezkoa da : adibidez garai hortako kamioiak nola ziren, hegazkingintza, erregimentuaren elementuak.

Etengabe dokumentatu behar dela azpimarratu du Markok. Bere inguruko lanbide desberdinekin lan egiten du : taula zuzendaria, argitaratzailea, diseinatzailea.

Bigarren partean, Godillot hitzaren inguruan solastatu da : Militar materiala ekartzeko arduratzen zen pertsona Alexis Godillot deitzen zen.. Geroztik, bere izena lotua izan da godillot deitutako militar zapatari. Militar jantziarekin segitzeko, berreskuratu dituen kaskoen desberdintasunak erakutsi dizkie :1914 / 1918 edo 1939 / 1945 gerlakoa denez, frantsesa ala alemandarra. Azken parte horretan, eskainia izan zaion militar jantzi bat aurkeztu die : hor ere, unkimena eta ekaiaren densitateari esker marrazten ahal duela dio.

Bere mintzaldi osoan, dokumentazioaren garrantzia ohartarazi die eta adibide batzuk eman :

- 1914 / 1918 mapa

- tranxadako egunkariak

- filmak : "le long dimanche des fiançailles", "la vie et rien d'autre", "Capitaine Conan", "Charlot Chaplin", ...

- liburuak : "Mémoire d'un rat", "Les mots des tranchées", "Les carnets de guerre de Louis Barthas"....

- komikiak : "Verdun" atera zena haiek pausatutako dozierraren bere mementuan..

Mintzaldi osoan, ikasleak adi egon dira, atenzio guztia axtikiz, Markoren hitzak eta ilustrazioak edan dituzte.

Mintzaldi biziki aberatsa eta interesgarria.

Txalo eta milesker MARKO !!!!

Urtarrilaren 4an, astelehenez, oporretako beste egun bat izan delarik gure ikasleendako, kolegioko ekipa bigarren pedagogi egunarako bildu da kolegioan bertan.

 

Abenduaren 18a : Oporrak aitzineko azken eguna !!

Goizetik, ikasleak jantzi tradizionalaz beztiturik etorri dira eguna pasatzera.

Osasun egoera berezia zela eta, ordu batez mailaka, Olentzerok eskaini die opari bat : Kultura, euskal kultura ! Gizarte honetan, ikasleak ez baitira antzokietara joaten ahal artisten ikustera, Olentzerok kolegiora komitatu ditu !

Goizean :

- seigarrenei IPUINA ekarri die, Eleka taldeko Jokin eta Kattalinen hitzetan.... Afrikatik Euskal Herrira bidaiatuz, edozoin pertsonai desberdinen ixtoriekin. IDZtan bildu dira bi orduz bi gelaka, ikasleak adi egon dira ipuinetan buru belarri sartuz !

- bostgarrenei MUSIKA ekarri die, Thierry Biscarryri esker.... Munduko herri desberdinetako musika tresnen erakusketa erdian jarririk, tresnen izenak ikasiz, haien familiak eta soinuak deskubrituz, eta trebatuz orkestra bat osatu dute ordu bukaeran !

Arratsaldean : laugarrenei ordu batez eta hirugarrenei ordu batez, BERTSOA ekarri die Olentzerok ! Bertan, Josu Txoperena eta Aitor Servier bertsulariak hor ziren Xilaba Ttipi baten egiteko, gai emaileak Itxaso Mijangos ikasle ohia eta Ttoni Domingi Basurco lankide ohiarekin. Bertsoz bertso aritu dira, jokoak, asmakizunak, egoera desberdinak azalduz : orientazioa, euskararen egoera, Covidarena, maitasuna eta beste batzu.... Ikasleak pozik egon dira kiroldegian eta haien artean, bertsu eskolako Haira ere trebatu da beste "handien" artean !!

Eguna bukatzeko, 5. eta 3.eko ikasleek ekarritako edariak eta kolegioak eskainitako errege pastiza partekatu dute, mailaka, azken txirrina jo aitzin !

Bakantza on deneri !! Eguberri on ! Urte berri on ! Eta noski Euskara on !

Azaroaren bukaeran, aurtengo Eguberriko marrazki lehiaketaren gaia ikasleei proposatua izan zaie : "Aurten, abenduaren 24eko gauean Olentzero konfinatua izan da ; zer gertatuko da ?". 

Abenduaren lehen egunetan, 40 ikasle batuzk haien izena ezarri zuten afitxan elkarren artean lehiatzeko !

Hamabost egun ukan dituzte haien obra aurkezteko, xuriz ta beltzez ala kolorez, arkatzez - margoz ala tintaz, etxean ala estudioetan eginik !

Estilo desberdinetako marrazkien erakusketa instalatu eta, epaileek aztertu dituzte eta emaitzak ondorioztatu.

Aurtengo egoera bereziarekin, sari emaitzak mailaka eginak izan dira !

Seigarrenean :

1. saria : Telmo Suarez

2. saria : Yair Palma

3. saria : Oihan Perea

Bostgarrenean :

1. saria : Andrea Nevado

2. saria : Malu De Sonis

3. saria : Elena Sansonetti

Bi sari gehituak izan dira emaitza biziki onak eskuratu baitituzte ere bai

4. saria : Eñaut Jauregui

5. saria : Maitana Mioque Urkia

Laugarrenean / Hirugarrenean :

1. saria : Ainhoa Biscay eta Kolegioko lehen marrazkia !

2. saria : June Palma

3. saria : Martxel Aguirre

Lehen ikasleek oparitxoak eskuratu dituzte (zinema sartzeak, karnetak, arkatzak, margoak, zkotxa politak, ztiloak...) eta 4. tokia ukan duten guziek txokolota bat bakoitzak !

Txalo bero bat parte hartzaileak izan diren artista guztiei !

Abenduaren 7tik 11ra, Axut antzerki taldea egon da gure kolegioan erresidentzian. Ziburun egindako egonaldia laugarrena zen, Hendaiako anztokian eta duela bi aste Baionako Etxepare lizeoan egon ziren lanean.

AMUA izeneko sorkuntza berria prestatzen ari dira. Maitasun solas duen antzerkia da. Istorioa Iratin pasatzen da, hango mendi eta oihan artean. Anak, Aitor eta Txolarre bere bi maitale ohi gomitatu ditu asteburu pasa Iratiko etxola batera. Baina, bakoitzak uste du bakarra izan dela gomita jaso duena. Duela 20 urte baino gehiago ez dutela elgar ikusi....

Lan hori hiru antzerkilarien artean aitzinatzen dute : Ana (Maite Larburu, kantari eta musikaria dena ere bai), Txolarre (Manex Fush) eta Aitor (Ximun Fush, taula zuzendaria dena ere bai).

Heldu den udaberrian estrenatuko dutela pentsatzen dute, martxoaren 5ean Larzabaleko Larrezabal gelan eta ondotik, hainbat tokitan.

Anartean, aste horretan, gelaka antzezlanaren ikusteko parada ukan dute gure ikasleek, irakasleekin batera. Hau ohorea !

Milesker ainitz AXUT talde guztiari haien ekarpen aberatsarendako eta kuraia on segidarako ! Laster arte AMUA antzezlanaren ikusteko Euskal Herriko gune batean ! 

Abenduaren 8an, astearte aratsaldeko azken orduan, Itsas Lizeoko irakasleak hurbildu dira haien formakuntzak aurkezteko 4. eta 3.eko ikasleei.

Lehen partea batean, Itsas Lizeoak proposatzen duena zerrendatua izan da. Hala nola :

- CAPtik Bac Prora (4 urtez)

- Bac Pro maritime delakoa

- Profesional ikastaldiak proposatuak dira : 2 astetakoak eta 18takoak

- Helduen formakuntzan ari direla ere bai.

Ondotik elektro-teknika arloko arduraduna den Daniel Darantcettek hitza hartu du. Mekanikari nagusia izan da 20 urtez eta orain irakaslea bertan. Bi bideo erakutsi dizkie solasa abiatu aitzin : Ferry itsasontzietako mekanikari nagusia eta arrantza itsasontziko mekanikarien arteko desberdintasuna.

1- Ferry itsasontzietako mekanikari nagusia ontziaren aspetu teknika guztien arduraduna da, motore printzipalak ontziaren bihotza baitira. Ekipak sinergian lan egiten du ; bigarren bizia da, bigarren familia, zure lehenatik deskonektatua

2- Arrantza itsasontziko mekanikaria kostatik itsas zabalera ibiltzen da, joaten da 15 egunetako gutti gora behera, makinak, olioa eta ura berrifikatzen du etengabe, itsasontzi zubian ibiliz ere bai, janaria prestatzen du...etabar... Konpetentziak izan behar dira mekanismoan, hidrolikoan eta elektrizitatean, pazientzia behar da. Alta, xitxuketan ari da egunez eta gauez, hilabete saria ez da altua eta egunero ingurumena itsasoa da.

Lanbide horietan marinelaren bizia gustukoa izan behada, joaten jakin behar da eta motibazioa erakutsi behar da.

Itsas Lizeoan sartzen ahal da :

---> 3. ondotik --> bigarren profesionalera joateko --> lehen itsas brebeta (250 km) : oinarrizko formakuntza CFDS diploma lortzeko ( certificat de formation de base de sécurité)

--> Terminalera joanez, BAC Pro lortzen ahal da (750 km)

--> segituz BTSera 5 urtez, lor dezake merkataritzako marina goiko diploma

Bukatzeko, neskeek ere bide har dezaketela azpimarratu dute !

Abenduaren 5ean, larunbat arratsaldez, Ilune Dufau eta bere familia Pariseko Telethon telebista saioan ziren bitartean, Ziburuko pilota plaza animatua zen nahiz eta euri bortitza izan.

Alde batetik, bere familiak kudeatutako janari salmenta gunea aurkitzen ahal zen, beste aldean, Ur joko arraun desafioa eta etxola ttipien azpian, triki eskolako musikariak, kolegioko 5.eko kantariak eta bere 4.eko lagun hurbilenak, zangoak trempaturik baina bihotza bero bero, sorpresa egiteko prest !

Telebistako teknikariak denetan ziren, mikroak, kamerak, aurkezleak eta beste.... Eta tanpez, haien txanda zen ! Trikititxaren lehen notetan, kolegioko ikasleek hasi dute Odei Barrosok idatzitako kantua abesten, ondotik Odei Barrosok zuzenean hitz egin dio, Iluneren lagun hurbilenen lekukotasuna emanez eta denek elgarrekin "maite zaitugu Ilune" oihukatuz bukatzeko !

Mementu intentsiboa eta baita ere preziosa bizi dute ikasleek Ziburutik eta familiak Parisetik, zuzenezko duplex horretan....eta gainera euskaraz !! 

Azkenik, Ziburuko Herriko Etxeak eskainitako edariekin haien emozioak partekatu dituzte kontseilu gelako mahain inguruan eta bertan zen Kanaldude mikro eta kameran ere bai ; Kanaldude erreportaia ikusteko : hemen klikatu.

Txalo bero bat sustenguz aritu izan diren guztiei !