Aurten, 4.eko ikasleekin "Nortasuna eta lurraldea" lantzea erabakia izan da gela bakoitzarekin, ekoizpen ezberdinak sortuz.

Nortasunaren kontzeptua konplexua da. nortasuna beti garatzen ari baita. Kulturak, ingurumenak, familiakn heziketak, bizipenek... eraldaketa horretan laguntzen baitute.

4Bko ikasleek, euskarako irakaslearekin eta Myriam Ayçaguer soinu errealizatzailearekin, "soinu sorkuntza" bat ekoiztu dute tematika horren inguruan.

Gelan eremana izan den lanketa, aberatsa eta hunkigarria izan da, bakoitzak gure bizipenak eta sentimenduak proiektu honi josiz.

Apirilaren 2an, asteartean, eguerdiko pausan, 6.ean diren Eloy, Martxel, Oier, Julen eta Xamaik Korrika' irratia emankizuna animatu dute !!

Kaskoa ezarri eta, haien mikroa hartuz, komitatu zituzten Donibane-Ziburuko AEKko ikasleak elkarrizketatu dituzte !!

Egiazko belaunaldien arteko mintza pratika : Aurkeztea nor ziren, zein adina zuten, zergatik euskara ikasi nahi zuten, AEK zer den, Korrika zer den...

Emankizuna bukaeran, galdezketa joko bat antolatu zuten, kanpoko eremuan ziren ikasleek sariak irabazteko !

Topaketa interesgarria eta polita !

Milesker entzule guziei, jokoan parte hartu dutenei, irabazle ala galtzaile izanez !

Milesker Maitena eta zure AEK-ko ikasleei !

Momentu paregabea !

RAPPEL : kilomètre du collège le dimanche 7 avril à 23h25. Rendez-vous au panneau "château d'Urtubie" côté camping Larrouleta en passant par le rond-point d'Urrugne jusqu'au cinéma. Ttipi ttapa korrika !

Porteurs du témoin : Unai De Aizpurua (6.), Maddi Egiguren (5.), Unax Egiguren (4.), Xuhar Laucirica (3.)

Martxoaren 28an, ostegunez, kolegioko IDZ telebistako filmalekua bilakatu da !!!! Kanaldudeko teknikarien materiala instalatu da egunean zehar, kurtsoetatik landa, 40 ikasle batzuk egon dira, kamera formakuntza egiteko, soinu frogak kantariak, musikariak eta bertsolariendako eta "filage" delako froga nagusia egiteko !

Arratseko 7:00etan punttu abiatu da zuzenezko emanzkizuna ikasleen eskutik, gai nagusia : "itsasoko kutsadura" izanez ! Emankizuna ikusteko : hemen klikatu !

Joan den abenduatik proiektua abiatu da eta ikasleak noiztenka bildu dira bai erreportaiak antolatzeko, bai komitak deitzeko, komitei zuzendutako galderak prestatzeko eta nola ez.. azken hilabete honetan, Haitz, kanaldudeko arduradun nagusiarekin biltzeko !

Zinez, denen artean egindako lana eskertzekoa da !! Milesker :

- Zuzenean animatu dutenei : Leire, Mikel E, Allande L, Garikoitz

- Zuzenean filmatu dutenei : Larrun, Maddi, Maina

- Zuzenean alaitu dutenei : Haize, Itzal, Ander, Aida, June E, Amaia H bertsolariak, Lili, Ilune eta Ellande trikitilariak, Amets A, Mikel Cl, Gabi, June P, Amaiur F, June E, Aida kantariak, Elaia G, Haizea P, Adur, Maddi, Maina dantzariak

- Proiektuen arduradunei : Ibai, Iraide, Elaia G, Irati, Adur, Uxue R, Nekane, Julen A

- Azpigaiak eta galderak prestatu dituztenei : Mahalia, Lea, Nines, Gexan, Xan F, Larrun, Urko G, Allande M, Markel V, June Z, Maina, Maddi, Haizea D

- Etorri diren komitei : AZTI enpresako Izaskun Zorita, Surf Rider Fondation elkarteko Sabina Hourcade, Urtzi Zubiaurre urpekaria, Donostiako itsas museoko Irati Urcelay, MIFENeko Julien Jauregy eta CPIEko Jon Frahier

- Erreportaiendako errezibitu gaituztenei : Sylvie Perez Pierron dermatologoa, Surf Rider Fondationeko Ainez Arizmendi, Urruñako Laburrenia araztegiko langileak eta bereziki Ximun Larzabal, eta Ione ta Txomin Lopez Manterola surflariak

- Etorri den publikoari eta pantaila gibelean adi egon direnei !

- Eta noski teknika mailan aritu izan diren guziei : Iban, Haitz, Kattin, Allande, Frank, Pantxua, Txomin, Manu

Zinez proiektu interesgarria izan da ! Txalo bero bat deneri !

Aurten ere, IEP gelako 4.ean diren ikasleak IEP-Pro proiketuarekin segitu dute.

Lehenik, Urruñan kokatzen den David Gonzales-en etxaldea bisitatu dute, bere euskal arrazako abere eta ekoizten dituen produktu ekologikoak ezagutzeko : euskal txerriak, ardi burubeltzak, pottoka eta arto gorriarekin egindako irina.

Ondoren, Sarako Ellande Alfaroren "Eskutik" pilota lantegia bisitatu dute eta esku pilota bat egiteko beharrezko urrats eta materialak ezagutu dituzte.

Biziki eskertzekoak dira haien arreta eta ezaguzten partekatzea. Mila esker David eta Ellande ! Datozen bisiten berri laster agertuko dira !

OROIT : Partaidetza egunak martxoan ! Integrazio batzordea laguntzeko aukera ! "Ezberdintasuna barne hartu nahi duen eskola baten partaide izan"

Joan den martxoaren 15ean, ostiral goizez, 4.eko Ibai, Iraide, Irati eta Elaia joan dira Zokoara haien azken erreportaia egitera.

Bertan, Surf Rider fondation elkarteko Ainez Arizmendi kidearekin elkar ezagutza egin dute eta ondotik galdezketa.

Saio denboran, itsasoan diren ura eta hondakinen egoera aipatu dute...

Topaketa biziki interesgarria....

Xehetasun gehiago izango dira martxoaren 28an antolatutako Kanaldudeko "Zuzenean zure esku" emankizunean !

Zure tokia publikoan atxik ezazu helbide honetara idatziz : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Martxoaren 12an, astearteko azken orduan, 5.eko ikasle guziek hitzordua zuten IDZtan... mintzaldi batean parte hartzeko.

Amaia Hennebute eta Charlotte Guilharretze, haien proiektua eta experientzia aurkeztera etorri dira.

Frantseseko kurtsoetan landutako "Des livres contre le grillage" eta "Zuri madame" dokumentala.

Duela urte bat, Libanera joan ziren, Siriako errefuxiatuen eskola bati liburuak eramatera...

Elkartasun mintzaldi biziki interesgarria !

Martxoaren 12an, asteartez, bi taldeek zuten hitzordua....

Alde batetik, Larrun, Maina eta Maddi bildua dira Ibanekin kameraren erabilpen formakuntza baten egiteko... 

Nun ezarri, zein planaok hartzen ahal diren, filmatzeko kondutan hartu behar diren aholkuak eta kamera teknikari bakoitzaren tokia izango den. Martxoaren 28an, bertan, tresna bera erabiltzen ikasiko dute zuzenezkoa aitzin....

Bestalde, Lea, Mahalia, Xan, Gexan eta Nines bildu dira Haitzekin, lehen mahain inguruaren prestakuntza borobiltzeko : itsasoaren uraren egoera izango den gaiari buruzko pundua egiteko.

Martxoaren 11an, astelehen goizez, 4.eko ikasleek zuten hitzordua kolegioko IDZtan, euskara kurtsoetan antzerkia lantzen baitute : antzerki mota desberdinak, antzezlearen lana, ikuslearen jarrera... Sorpresa ez da ttipia izan.... Porrotx eta Pontx pailasoak IDZtara sartu direlarik !

Hastapen batean, antzezpen bat egin ondoren, Porrotxek bere sudur gorria kendu du eta Joxe Marik hitza hartu du bere ibilbidea aurkeztuz eta pailaso lanbidea deskribatuz, "euskaldun" izanez bizi izan dituen trabak eta bizipenak partekatuz.

Euskararen garrantzia azpimarratu du behin baino gehiagotan, baita ere naturaren babestea, elkar bizitza, familia, maitasuna, koloreen sinbolika, desberdintasuna....

Ondotik, Porrotxek Pontxen aurkezpena egin du, hitza gure kolegioko Joanesi emanez. Honek, lekukoa hartuz, betidanik izandako ametsa gauzatzeko parada du, bere sorkuntzak eginez eta ondokoengandik behar duen laguntzaz baliatuz (burasoak, pailasoak, lagunak...).

Trukaketa aberatsa eta emozioz betea, ikasle-lagunekin partikatua, eta kolorez betea !

Milesker Porrotx, Pontx eta adi egon diren 4.eko ikasle-lagun guziei !

Ez ahantz : "Bihotza, burua, eskua ! Pentsatu, sentitu, ekin ! Denak elgarrekin !"

Martxoaren 8ko goizeko bisitaren ondotik, beste ikasle talde bat : Uxue, Nekane, Julen eta Adur, 4.eko ikasleak ere bai bi erreportaiak egin dituzte arratsaldez....

Lehenik joan dira Miarritzeraino, dermatologoa den Peres-Pierron Sylvie medikua galdezkatzera.

Gainera, emazte hori CADEko ur komisioko kidea da...

Momentu hortan itsasoaren kutsaduraren eragina osasun mailan zein den esplikatua izan zaie.

Ikasleak bere gaiaren menperatzeaz harritu dira.

Azalpen guztiak entzun eta, Angeluko bidea hartu dute ikasle ohiak izan diren Txomin eta Ione Lopez Manterola surflariekin elkartzeko...

Han bertan, itsasoaren kutxaduraren ondorioa kirolariengan zehaztua izan zaie.

Bi erreportai horiek ere bai zehazki agertuko dira Kanaldudeko "Zuzenean zure esku" emankizun denboran, kolegioan bertan, martxoaren 28an, ostegun arratsez !

Zuk ere parte har ezazu eta zure izena eman Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. idatziz !

Kanaldude emankizuna prestatzeko, martxoaren 8an, Urruñako Laburrenia araztegia bisitatzera joan dira gure 4.eko Elaia, Ibai eta Iraide...

Bertan Ximun Larzabal langilearen euskarazko azalpenei esker, uraren tratamendua ulertu dute, zein diren ziklo desberdinak eta bukatzeko, elkarrizketa bat egin diote.

Egin daukuten harrerarendako eskertzen ditugu Ximun Larzabal, Suez eta araztegiko ekipa baita ere Hego Lapurdiko Hiriguneko Maitena eta bere lankideak.

Erreportai honen xehetasun gehiago izaiteko, martxoaren 28an, ostegun gauez, dugu hitzordua kolegioan, "Zuzenean zure esku" emankizun denboran ! Zuk ere publikoan parte har dezakezu, zure izena emanez Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera edo interneten begiratuz : www.kanaldude.eus.