Ekainaren 14an, ostegun eguerdiz, Etxepare lizeoan diren Eneka, Gexan eta Enaitz (3 ikasle ohiak), kolegiora komitatu ditugu haien proiektua aurkezteko kolegioko IDZtan : Himalayara joango dira 29 egunez, urriaren 11tik azaroaren 10era, bi gailur igoko dituzte hamar sherparekin batera.

Mendizale gazte horiek txikidanik izanki, elkar motibatu dira abentura horren bizitzeko eta gure ikasleei diaporama baten bitartez presentatzeko : ibilaldia, baldintza fisikoak, bidaiaren xehetasunak, hizkuntzaren trukaketa....

Herrialde guztietako 16 - 18 urtekoeuskal gazteen arteko elkar ezagutza izango da, Sherpa gazteekin beraien kultura eta hizkuntza gutxituaren berri ere izango dute, 100 hitz ikasiko dituztelarik eta alderantziz. Finean, kultur aniztasunez eta mendiaren esfortzuz betetako giza abentura izango da. Honen helburu nagusiena Euskal Herriko gazteen artean euskararen erabilpena sustatu eta zabaltzea da mendiaren unibertsoarekin tartekatuz.

Proiektua finantzatzeko eraman behar den lana azpimarratu dute, bakoitzak 6000€ behar duelarik. 

Jan ondotik, beraz, 50 ikasle batzu hurbildu dira mintzaldian parte hartzeko eta ondotik beste 20 ikasle gehiago haien proiektua finantzatzeko antolatu zen tixerta salmentara.

Haien bidaia filmatuko baitute, expedizioaren berriak itxaroten ditugu heldu den iaksturtean ! Bide on zuei Eneka, Gexan eta Enaitz !

Facebook : Oxigenoa eusakrari 6000 metroan ere

Twitter : @oxigenoa6000

Emaila : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

MEZUA ZABALDU OTOI !!!

Gure kolegioan salgai ditugun tixertak !!!

Motibatu.......

Eta iristi zen eguna : Ekainaren 14an, Donibane Lohizuneko Ravel entzun arretoan bildu ziren haien lanen berri emateko.

Hantxe zeuden goiza alaitzeko eta bertsoak abesten laguntzeko Amets Arzallus eta Sustrai Colina bertsolariak zein Odei Barroso bertsolari eta rap-abeslari handia.

Hori da hori pagotxa !

Gainera, luxuzko animatzaile bat izan zuten : Oscar Estanga kantaria ! Denak dantzan jarri zintuen bere kitarra doinuak jarraituz. Eta haien unea iritsi zen, urduritasuna alde batera utzi, eta ongi ikasitako bertsoak kantatu zituzten guztien gozamenarako.

Goiza primeran pasa zuten konpainia ezin hobean euskaraz jolastuz, euskaraz kantatuz, euskaraz biziz...

Milesker Hego lapurdiko Herri elkargoa eta Bertsularien Lagunak elkarteari !

Ekainean, bosgarren eta hirugarreneko ikasleek ASSR (Attestation Scolaire de Sécurité Routière) pasatu dute, hau da, bakoitzak bere mailan bide segurtasunari buruzko azterketa egin dute.

Bosgarrenen kasuan, ASSR1 egin dute eta beharrezkoa izango da noizbait eskuterrarentzat baimena lortu nahi baldin badute.

Hirugarrenek aldiz, ASSR2 pasatu dute eta autoaren baimena ateratzeko eskatuko diete.

Aurten ere denek gainditu dute froga beraz, Zorionak guztiei !

Kolegioko 4.eko 50 ikasle eta 5 irakasle ekainaren 4tik 8ra Segovian egon ziren.

Astelehen goizean goiz gogotsu abiatu ondoren, bazkalostean Madrileko "Reina Sofia" erakustokian Pablo Picassoren eta bere garaikideen arte lanei buruzko azalpenak eman zizkiguten, ikasleek 3.ean aztertuko duten Guernica margolanarekin bukatzeko. Bertan, ikasleek Picassoren krokisak eta margolana bera aztertzeko parada ukan zuten. Ondoren, Segoviaruntz abiatu ziren, eta bertan haien aste baterako familiek ongi-etorria eman zieten afari goxo batekin.

Astearte goizean, Ávila hiriaren harresien inguruko bisita gidatu bat egin zuten. Ondoren, La Granjako "Real Fábrica de Cristales" kristal lantegia bisitatu zuten, eta bertan bi tailerren bidez, kristalak tindatzen eta grabatzen ikasi genuen. Arratsaldean, Segoviako alde zaharra ezagutzeko, bost ikasleko taldeka pista-joko batekin amaitu zuten eguna.

Asteazkenean, egun osoa Warner Madrid jolas-parkean igaro zuten egun osoa. Denak oso pozik baina nekaturik atera ziren !

Ostegunean, goizean Segoviako zentro historikoki bisita gidatu bat egin zuten, bertako hitsoria eta arktekturari buruz asko ikasiz. Bazkaltzeko, parke eder batean jarri ziren, eta elgarrekin hizketan eta jostetan aritu ziren haien eguneko bigarren bisitaren ordua iristen zen bitartean. Ondoren, Segoviako alkazarra bisitatu zuten. Eguna bukatzeko, haiek izan ziren gidak : taldeka, astean zehar ikasitakoari esker bideo batzuk ekoiztu zituzten, gehien maitatutako monumentuei buruz azalpenak emanez.

Ostiralean, etxera bueltan abiatu ziren goizean goiz, pozik baina oso nekatuak !

Seigarrenak pubertaro saioa izan dute joan den ostiralean, Joana eta Laida biologia irakasleen laguntzarekin.

Neskak alde batetik eta mutikoak bestetik, lasaiaki haien kezka eta galderak pausatu ahal izateko.

Hasieran, hitza askatzeko bideo batzuk eta diaporama bat proiektatu dira.

Ainitz galdera eta ohar aipatu dituzte giro goxo batean.

Ordua biziki fite joan da eta denak zerbait gehiago ikasita atera dira.

Gaur, ekainaren 7an, ostegun eguerdiz, udako eguzkiaren azpian 5.eko ikasle baten begien azpian !!!!

Lau hostoetako hirusta bat !! Gure kolegioan !!

Suerte on zuri Otxanda !

Aurten, 4.eko ikasleek "deserriaren" gaia landu dute euskaran eta frantsesean, gai hori hurbiletik edo urrunetik landuz, izan Euskal Herrian edota mundu mailan.

Deserriaren zergatiak, arrazoinak aztertuz euskarri ezberdinak erabiliz.

Abiapuntua, Jon Arretxek idatzitako liburua izan da, hala nola "Beti Iparralderantz".

Ondotik, ikasleek gelan egindako lanketa baten ondorioz, taldeka Dejabu konpainiako Miren Alkalari esker, antzerkitxoak sortu dituzte 2 orduko 6 saio eginez.

Ikusgarria biziki ederra eta hunkigarria izan da deserriaren arrazoin ezberdinak taularatuz.

Txalo bero bat 4B-ko ikasle guztiei eta milesker Miren eta Mathilde-i !

NB : Hego Lapurdiko Herri Elkargoaren laguntzarekin egina izan den CLEA proiektua da.

Ekainaren 1ean, ostiralez, atera den eguzkiari esker, mus txapelketako finalak kanpoko jolas eremuan iragan dira, bestee lagunen begipean.

Urduri ziren ikasleak 8 hamarrekotan ziren bi mantxak irabazi behar zituzten txapeldunak bilakatzeko.

Alde batetik, printzipala sailkapenean, 3.eko Laia Calvo eta Itxaso Gartziak 2 - 0 irabazi dute 5.eko Maddi Fernandez eta Nekane Artolaren aurka, nesken finala aurten !

Bestalde, kontsolantean, 4.en arteko desafioan, Larrun Arantzabal eta Gaizka Arrizabalagak dute irabazi 2 - 0 Jon Elgorriaga eta Eneko Susperregyren aurka, muttikoen finala aurten !

Azkenean, txapelak neskek dute ipini !

Txalo bero bat txapelketa hontan parte hartu duten 74 jokalariei eta sustengatu dituztenei !

Heldu den urte arte ! Imido, bi gehio, bost gehio, ordo, kanta ! Bukatua da Kolegioko Mus txapelketa !

Maiatzaren 31an, asteazkenez, arratsaldeko 6:00etan, Piarres Larzabal kolegioa eta Kaxkarrotenea ikastolako 50 heldu ta gazte bildu dira Ziburuko plazan.

Danborra erritmoan, plaza eta karrikak animatu dituzte, Herriko etxearen aitzinean bukatzeko ibilaldia.

Ondoko hitzorduak : gaur arratsean 7:00etan EEP aitzinean eta larunbatean eguerditako piknikarako !

Milesker hurbildu direneri.... Borroka ez da bukatua ! Segi dezagun !