Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Azaroaren 7a "Jazarpenaren aurkako eguna" izanez, kolegioko sartzean berriz ezarria izan da joan den urtean ikasle batzuk sortu zuten erakusketa...

Kurtso batzuetan aipatzen izan zaien bitartean, nahi zutenek esposatuak ziren afitxetako mezuak irakurtzeko parada ukan dute, zein tokian izaten ahal diren pentsatuz, nola portatu behar diren jazarpen kasu batean, zein aholkuak eta laguntzak ematen diren hortik pasatzen badira....

Azaroa gogoeta hilabetea baldin bada ere, urte osoan kondutan hartzekoa da...

Azaroaren 4ean, astelehen arratsaldez, kolegioko hirugarrenak Hendaian kokatua den Mendi Zolan gelara joan dira, bertan Artedrama antzerki taldeak eman duen Miñan antzerkiaren ikusteko.

Antzerki honen abiapuntua, Amets Arzallus eta Ibrahima Baldek idatzitako liburua izan da, ikasleekin aitzinetik landua izan zena. Liburuan bertan, Ibrahimak Europara iristeko bizi izan duena kondatua da.

12 urtetik goiti, Ibrahima kamioi batean zebilen aprendiz Ginean, amak deitu zuen arte: anaia txikia falta zen etxean. Haren bila abiatu zen. Basamortua gurutzatu; pasatzaile, polizia, bahitzaileekin topo egin; egarria, gosea, mina ezagutu. Afrikatik Europarako bidea.

Mediterraneoa zeharkatzen dutenak deshumanizatzea ezinbestekoa da haien heriotzen, kanporatzeen, ilegalizatutako bizitzen gaineko ezaxola zabaltzeko.

Baina bizitza horietako bakoitza bakarra da eta, beraz, unibertsala.

Antzerki hunkigarria eta biziki erreala izan da, ikasleek anitz gozatu dutena.

Milesker eta zorionak Artedrama antzerki taldeari !!

Urtero bezala, eguberri aitzin, gure inguran den elkarte bat laguntzen dugu elkartasunezko mintzaldi bat eta ekintzak antolatuz Ziburuko Piarres Larzabal kolegioan. Beste urteetan, "etorkinak", "suhiltzaile solidarioak", "Integrazio Batzordea", "Haur eri" eta "Nesk'à'paillettes" bezalako elkarteak lagundu ditugu.
Oporrak aitzin, urriaren 17an, ostegunez, mintzaldi batekin elkartu gara kolegioko IDZtan, eguerdiko pausan.
Ikuspegi humanitarioan oinarritzen eta eskola gazteentzat helburutzat duen "MADAG'AZKAR" elkarteko Ione Lopez Manterola kidea (eta ikasle ohia) etorri da haien lana eta proiektua aurkeztera, batez ere zein beharrak ukango dituzten, Madagazkar, munduko bosgarren herri pobreena baita...
Lehen mintzaldian, 6./5.eko 46 ikasle hurbildu dira eta bigarrenean, 4./3.eko 18 ikasle.
Hasteko, gaur egun kirol irakaslea den Ione Lopez Manterola aurkeztu du bere burua, kirol ikasketak eta kirol kudeaketa mazterra ukan duela eta, "kirola eta hezkuntza" gaiaren inguruan aritzea erabaki zuela, elkartasunez bere lagun batekin batera.
Lehenik, Hendaiako Planete'école elkartea lagundu zuten, bazkideak aurkituz, materiala bilduz (100 kilo !! 1000 ztilo, 300 zirriborroak...), eta dirua xerkatuz han bertan ere janaria erosteko eta banatzeko (olioa, azukrea, irriza), jantziak eskaintzeko (kazketak barne), eskoletan materiala (liburu pedagogikoak, baloiak / pilotak) eta kirol jarduerak proposatzeko (errugbia...) eta materiala farmazeutikoa erizain batek banatzeko...
Bestalde, egin dituzten abentura desberdinen lekukotasunak eman dizkie :
- Belinta eskola publikoan eskolako materiala eta kirol jarduerak eskaini dituzte baldintza biziki txarrak baitituzte (Malgacha hizkuntzan ari dira han, guttik frantsesez baitakite),
- Basamortuan kokatzen den "Brousse"-n egonaldi bat egin dute janaria eta arropak banatuz, 
- Dolto kolegio pribatua bisitatu dute, Frantziako laguntzarekin baldintza onetan dira haiek, %20a bezala "aberatsak" direla erran daiteke...
- Umezurtzegi batetik pasa dira ere bai, emazte bakar batek kudeatutako hogei bat haurrekin ibili dira, saboia, olioa eta kazketak eskainiz....
Ionek dion bezala : "Haien egunerokoa hobetzen saiatzen gara, gure eheinean"...
2025eko apirilan berriz hara joateko xedea dute, dirua eta kirola - hezkuntzako materiala bildu ondoren...
Beharrak kondutan hartuz, kolegioko ikasle boluntarioek elkartasun ekintza bat antolatzeko bildu dira biharramunean, urriaren 18ko eguerdiko pausan.
Oporretatik landa, azaroa elkartasun hilabetea bilakatuko da kolegioan : "Eguberrin jaso aitzin, beharretan direnei ematen ikas dezagun !"
Milesker ainitz Ione kolegiora etortzeagatik eta txalo bero bat parte hartu eta parte hartuko duten ikasle guztiei !!!!

Urriaren 11an, ostiral goizez, PLK kolegioko 3. guztiek, FFBTP*k antolatutako "Les coulisses du bâtiment" ekimenean parte hartu dute, Angeluko El Hogar igerilekuaren eraikuntza berria bisitatzera joanez.

Lantokiaren bisita teknikoaz gain, eraikuntzari lotuak diren lanbide ezberdinetako tailerretan parte hartu dute ikasleek. Hor lanbide edo formakuntza ezberdinei buruzko informazioak eta enplegatu batzuen lekukotasunak bildu dituzte, baita aktibitate praktikoak egin ere.

Bisita ederki pasatu zen eta antolatzaileek PLK-ko ikasleen jarrera ona txalokatu dute.

*FFBTP = Fédération Française du Bâtiment et des Travaux Publics

Hilabete honetan, orri markak bukatu ondoren, denen artean, tximeletaz beteriko bi mural egiten aritu gera.
Kartulinazko erliebedun, tamaina ezberdinetako tximeleta koloretsuak sortu ditugu.
Muralak, material ezberdinak erabiliz loreak marraztuz koloreztatu ditugu.
Hona hemen proiektuan lan egin duten ikasleak, bere lana kolegioaren sarreran zintzilikatzen.
Eta orain, oporretara abiatu aurretik, karratuak erabiliz, irudi ezberdinak marrazten hasi gara.
Bakoitzak bere trebetasuna adieraziz. 
Txalo artista guztiei !

Urriaren 11an, ostiralez, udazkeneko eguzki izpien artean, kolegioko seigarrenak Sarako “Ikusi Mikusi” haur eta gazteendako liburu azokara joan dira. Sarako karrikak liburuz apainduak ziren eta gure ikasleak haien artean pasa dira giroan murgiltzeko… Xoko desberdinetan, Baionako Etxepare Lizeoko pro sailako ikasleek digute harrera eman eta gidatu.

Talde handia bitan banatu da egunean zehar....

Bi tailerrak proposatuak izan zaizkie :

- Komikigintza tailerra, bi ahizpek animaturik, bat idazlea eta bestea marrazkilaria, sortu duten "Xan" komikiaren sorkuntza urratsez urrats azalduz.

- Maialen Alfarok animatutako "Mikel Laboa kantuz" tailerra, artista eta bere obrak hurbiletik deskubritzeko aukera emanez, kantua, musika eta indizeei esker.

Piknikatu aitzin edo ondotik, bi taldeak azokaren bisita egitera gonbidatuak izan dira eta liburu bat erosteko parada eskainia izan zaie 15€ko bono bati esker …. Liburu guztiak euskara gelan atxikiak izanen dira apirila arte, ikasle bakoitzak irakurtzeko aukera ukaiteko eta ondotik ikasle bakoitzari itzulia izango zaio, JUUL kanpainaren ondotik.

Ezin ahantziko irakurketaren inguruko jolas eguna bikaina ! Zorionak aktiboki parte hartu duten ikasleei ! Txalo bat antolatzaile guztiei eta milesker !

Urriaren 3 eta 4ean, laugarreneko ikasleak Oiartzungo Arditurriko Meategiak eta Luberri ikasgun Geogolikoa bisitatzera joan dira.

Taldea bitan banatuz, erdia meategian zen bitartean, beste erdia Ikasgune Geologikoan egon da eta ondoren trukatu dute.

Meategian zirelarik, interpretazioa zentroa ikusi dute lehenik eta ondoren meategia barrutik bizitatu, kaskoak ezarri eta.

Luberriko Ikasgune Geologikoan, Lurraren bilakaera aztertu dute bisita gidatu batean eta Euskal Herrian topatutako fosilak erabiliz ardatz kronologiko bat osatu dute.

Aldi oro bi taldeak elkar topatzeko parada izan dute piknika baten inguruan....

Zientzia eguna bikaina eta aberatsa !

Irailaren 25, 26 eta 27an, seigarrenko ikasleak Igantzin kokatzen den "IrriSarri Land"era joan dira integrazio ateraldi baten egitera.
Bertan, arborismoa, tirolinak, zentzumenen ibilaldia, disc golfa edota diskofesta egiteko parada izan dute.
Gune miresgarri honi esker, gure ikasleak naturan murgildu dira, euskaraz eta umero onean.
Egonaldi bikaina baina doi bat motzegi batzuentzat !

Irailaren 17an, asteartez, arratseko 7etan, burasoen sartze bilkurara etortzeko komita ukan dute kolegioko familiek.

Lehen parte batean, denak kolegioko IDZtan elkarturik, burasoen elkarteko bi lehendakariek hitza hartu dute urteko lana eta inplikazioa azpimarratzeko eta lantalde komisioetan parte hartzeko deialdia egiteko.

Ondotik, zuzendariak hitza hartu du eta mailaka familiak geletara joateko komita bultzatu.

Geletan banatu eta, haien haurraren irakasle arduradunek aurtengo ikasturteko helburuak, ibilmoldea eta proiektuak aurkeztu dituzte, buraso arduradunen izendatzearekin bukatzeko.

Etorri diren familiei milesker.

Ikasturte hastapen honetan, bazkaltzeko denboran, kolegioko ikasle guziei proposatuak dira aktibitate desberdinak :

Eskulanak : Astelehen eta ostegunetan : 

Beatriz eta Anerekin, eskulan tailerran, haien gustuko orri markak sortuko dituzte ikasleek lehen denboraldi honetan, eskuak erabiltzen trebatuz, irudimena landuz, plazerra hartuz, lagun berriak eginez eta giro onean denbora pasatuz. Ez ahantz izenak ematea...

Mahai jokoak : Astearte eta ostiraletan :  

Garai honetan, animazio gelan, mahai joko desberdinak proposatuak zaizkie ! Nahi dutenek heldu dira nahi duten lagunekin nahi duten denbora : Uno, nor da nor ? Mastermind, zaldi ttipiak, mus kartak, Jungle Speed, damak, Monopoly, Gizotxo.... Ez da izenik aitzinetik eman beharko. Lagun berriak egiteko eta euskaraz gozatzeko parada paregabea.

Olagarroa kirol elkartea : Astelehenetan eta ostiraletan : 

Astelehenetan, nahi duten ikasleek ping pong jokoan aritzeko aukera ukango dute kirol gelan Anderrekin, aldiz ostiraletan, izena ematen duten ikasleek PINFUVOTE (ping pong, futbola, volley ball, teniza) lehiaketan  parte hartzen ahalko dute.