Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Ekainaren  26an, asteazkenez, ikasturteko eta funtsean lau urteetako azken eguna zuten hirugarreneko ikasleek.

Goizeko lehen bi orduetan, azken berrikuspenak egin zituzten gaika eta talde ttipika.

Ondotik, haien kutxak hustu eta garbitu kirol gelan elkartu aitzin.

Gelaka irakasle arduradunek haien ASSR2 diploma, PIX zertifikazioa eta haien nahien erantzun ofiziala banatu dizkiete. Ondotik, lau urteetako sartze argazkiekin personalizatua izan zaien orri marka bat eskainia izan zaie. Bukatu aitzin, zuzendariak agur hitza eman die hiru geletako ikasleei.

Azkenik, krakada bat eskainia izan zaie eta oroitzapen argazkiak egin.

Orain, lau egunez etxean egongo dira azterketa ofiziala aitzin azken berrikuspenak egiten eta pausatzeko.

Uztailaren 1 eta 2an berriz ikusiko ditugu kolegioan, azterketa zentroa bilakatuko baita.. Ez ahantz nortasun agiria, konbokazioa eta beharko den materiala guztia ! Xantza on, bide on eta euskara on deneri !!!!!!!!!!!!!!!!!

Ekainaren 24an, astelehenez, hirugarren eta azken nahiera eguna antolatua izan zaitzaien, kolegioko 6., 5. eta 4.eko ikasleei, hirugarrenekoak berrikuspenetan zirelarik.

Hona hemen proposatuak izan ziren tailerrak :

- 6.ean : Gueoguesser, kantu loto, aire baloia, numbers and games !, astothitz orri markak, landare bilduma

- 5.ean : Power pointen sekretuak, erlaxazioa 2 x 2, poesiarekin jolastea, zure etxebizitza ideala

- 4.ean : Escape game : escapate de la casa del terror, euskarari buruzko orientazio lasterketa, descubre America con equipos

Goizean, haiek hautatutako bi orduko bi tailerretan parte hartu dute ikasleek, eta piknika erraldoi ondotik, arratsaldean 2 orduko tailer batean. Eguerdiko pausan gainera, 4 / 3.en futbito finala iragan zen ikasle finalistak eta kolegioko PLK team ekipen artean.

Ekainaren 21etik 26era, goizero, hirugarreneko ikasleendako brebetako berrikuspenak antolatuak izan zaizkie : 5 orduz frantsesa, 5 orduz matematikak, 2 orduz HG eta 2 orduz zientziak landu dituzte talde ttipitan, arlo bakoitzeko irakasleekin. 

Arratsaldero aldiz, kirol eta atseden mementuak ukan dituzte :

Ekainaren 21ean ostiralez, Zokoako ezker paretan Euskaraz Bizi taldeak antolatutako Olinpiadetan parte hartu dute.

Ekainaren 24an, astelehenez, kolegioko kanpoko eremuan kirol jokoak egin dituzte.

Ekainaren 25ean, asteartez, Zokoako Untxin bazterrean, elkartu dira atseden mementu baten partekatzeko : kalakak, frisbee, futbola, errugbia, kartetan...

Ekainaren 20 eta 21ean, kolegioko 5.eko ikasleak Nafarrora joan ziren bi egunendako.

Goizeko 9:15etan kolegiotik abiatuz, 11:00ak aldera Leireko monastegia bisitatu zuten eta han bazkaldu. Arratsaldean, 15:00etatik landa, Erriberri deskubritu zuten Karlos III.aren jauregiaren bisitaren eta joko pista baten bitartez. Erreberriko alde zaharreko karriketan zehar ibili ziren eta Andra Mariko elizaren tinpanoa aztertu zuten joko pistari esker.

Erriberritik Artaxoara joan ziren hango harresien bisita labur bat eginez. Nahiz eta abiatzean eguraldia ez genuen lagun, bisitetan zehar zorionez ateri eutsi zion. Arratsaldeko 18:00ak aldera, Mendigorriako Errota akanpalekura iritsi ziren; han igerilekuan freskatzeko, errugbian, futbolean eta tenisean aritzeko parada izan zuten lagunen artean, nahiz eta euri tantak izan.

Biharamunean, Jondoni Jakobeko bidea izan zen gai nagusia. Gosaldu ondotik, Eunate eliza bisitatu zuten eta Garesera hurbildu ziren erromesen oroitarritik oinez eginez hirian sarrera eta hiria zeharkatuz zubia ospetsura iritsi arte.

Piknika egin eta, Nafarrotik Ziburura sartu ziren, biziki pozik !

Ekainaren 21ean, ostiralez, 3.entzat Olinpiadak antolatu zituen Euskaraz Bizik.
Goizean Brebeta prestatzeko berrikuspenen lehen goiza izan zuten ikasleek, eta bazkaldu ondoren burua iratzartzeko herri kirol batzuk egin zituzten Zokoako ezker paretan.
Giro biziki goxoa pasa zuten umore onez eta laguntasunez.
Biba zuek gutxi falta zaizue!!
Eskerrak bihotzez Euskaraz Bizitik eta bide on deneri!!

Ekainan erditsutik, kolegioko sartze nagusian, Xabi Tapiak, "Xab Xab" ezizena duen artistak, fresko  handi bati hasiera eman dio. Bere lan osoa xuri beltzez gauzatuz eta bere lan teknika ikasleekin partekatuz.

Ikastetxeko maila bakoitzak,  Xabirekin trukatzeko parada ukan du, pertsonaren, artistaren eta bere unibertsoaren ezagutzeko. Saioa Xabiren lana aurkezten zuten bideo batzuekin hasi dira, hala nola bere obrak aurkeztuz eta baloratuz. Bideo hauen ondotik, ikasleek aitzinetik prestatutako galderen pausatzeko aukera izan dute. Galderak ugariak eta biziki interesgarriak izan dira mundu artistikoari idekiz.

Momentu goxoa eta aberatsa  eta artistikoa izan da denentzat !

Ekainaren 17 eta 18 an, astelehen eta asteartez, 5. mailako ikasleak Miramon Zientzia kutxagunera joan ziren egun pasa Donostira.

Goizean bertan, hiru tailerretan parte hartu zuten : Astronomia tailerra, elektrizitatea eta plastinazioa tailerrean.

Eguerditan, aroa lagun izanez, kanpoan piknikatu zuten denak elkarrekin.

Arratsaldean, bazen ere zer ikusi esperimentatu museo interaktiboan : ilusio optikoak, mekanika arloko moduloak, elektrizitatea hobekiago ulertzeko esperimentuak eta orohar inguratzen gaituen mundu honen sekretuak azaltzen zituzten moduloak.

Ikasle talde bakoitzak, bere erakaslearekin galdezketa liburuxka bat zuen betetzeko bisita mementuan, bertan ziren modulo batzuei buruz.

Egun goxo eta interesgarria pasa zuten, zientziei begira ikasleek, beti ere euskaraz, beste ikuspuntu bat izan zuten, eta arratsaldeko bisitarekin haiek izan ziren eragileak!

Ondoko ikasturtean ere azken aldikotz errepikatzekoa espero dugu ateraldia !

Ekainaren 18an, Itsaso Bikunaren bisita ukan dugu kolegioko IDZtan.

Iruneko Oiasso museoan lan egiten du Itsasok eta bere ezagutzak partekatu ditu seigarreneko ikasleekin.

Izan ere, Euskal Herriaren erromanizazioa lantzen dute seigarreneko ikasleek. 

Oiasso (Irun), erromatar inperioko toki estrategiko bat zenez, ikasleek Euskal Herriarren erromartartzea landu dute adibide honen bitartez.

Milesker Itxaso!

Ekainaren 17an, astelehenez, bazkaltzeko garaian, kanpoko eremuan iragan dira 4. / 3.eko finala, printzipala eta kontsolantea mailan, denen begipean... 

Printzipalan, 4.eko Eneka Chapelet eta Laia Doyenard aritu dira 4.eko Kamila Lagrange eta Munia Arizagaren aurka.... Lehena azkaindarrentzat izan da 40 - 36, bigarrena Arbonatarrendako 40- 35, eta azken mantxa Kamila eta Muniak dute irabazi 40 - 34 emaitzarekin bukatuz ! Irabazleek boina bat eta "accrobranche" egiteko bono bat ukan dute, besteek "accrobranche" egiteko bono bat eta mus kartak. Txalo bero bat lau jokalariei !

Kontsolantean, 3.eko Unax Aizpurua eta Unai Heredia elkartu dira 3.eko Idoia Etchegaray eta Laida Garayarren aurka.... Partida honetan, neskak nagusitu dira fite bi mantxak irabaziz : 40 - 38 / 40 - 0. Irabazleek dute "Accrobranche" bono bat eta zinema sartze bat eskuratu eta besteek karta pakete bat eta zinema sartze bat. Txalo bero bat lau jokalariei !

Txalo bero bat ere bai 4. / 3.eko txapelketan parte hartu duten guztiei !!! Bide on joaten direnei eta besteendako heldu den urte arte !

Aurten  laugarreneko ikasleak Zaragozan izan dira.

Ekainaren 10etik 14era handik ibili dira eta hizkuntza lantzeko aukera izan dute bertako familietan.

Nahiz eta 71 ikasleek ber herrira bidaiatu duten, zenbait aktibitateetan bi taldetan banatuak ziren.

Bisitak eta aktibitate ezberdinak (kirolak eta artea) egin dituzte, tokia eta bertako kultura ezagutzeko. Hoien artean, rapel inizioazioa Mallos de Agüeron, Ebro ibaiaren bazterretako historia bizikletez deskubritu, zeramika tailerra Muel herrian edo Goya museoa eta Aljaferia palazioa. Azken egunean, joko pista handi batean parte hartu ondoren, pizinetan eta atrakzio parkean loriatu dira ikasleak.

Dena oso ongi igaro da eta ikasle eta irakasleek asko gozatu dute!

Datorren ikasturterako motibatuak!!