Elkartasun ederra izan da !!

Abenduaren 13an, ostiralez, arratsaldeko 1:00etan, denok genuen hitzordua kolegioaren aitzinean, Madag'Azkar elkarteko Ione Lopez Manterola berriz komitatua izan baitzen...

Lehenik, seigarreneko ikasleek hitza hartu dute esplikatzeko nola abiatu zen proiektua, joan den urriaren 17an elkartearen aurkezpen mintzaldia antolatua izan zelarik... Joan den apirilan hara joan zirelarik, zein ibilbidea egin zuten eta zein laguntza eman zieten...

Ondotik bosgarrenekoek azaldu dute biharramuneko bilkuratik zer erabaki zen kolegioko ikasleen artean : Elkartasun hilabete batez gosari salmenta bat eta materiala bilketa bat antolatzea : kazketak, eskolako materiala (ztiloak, arkatzak, margoak, gomak....). Nahi zutenek parte hartzen ahalko zutela azpimarratuz.

Segitzeko, laugarrenekoek dute zerrendatu bildutako zama guztiak.... 135 kazketa, 105 goma, 70 erregela, 16 kola, 77 luma zorro eta ztilo - margo - arkatz - arkatz margo pila bat !!!!!

Azkenik, hirugarrenekoek eskertu dituzte kolegioko parte hartzaile guztiak, erosleak, saltzaileak, materiala ekarri dutenek eta bide batez lagundu duten guztiak denak txalokaraziz....

Bukatzeko, Ioneren eskertze hitzen aitzin, ozenki eta zuzenean eman da bildutako diruzama : 1625,42€ irabazi dute gosari salmentari esker !!! Orain, heldu den 2025eko apirilan, Ione eta bere laguna joango direlarik berriz, materiala, kazketak eta diruari esker, segur hango haurrak eta haien familiak poztuko dituztela ! Ea zenbat berri eta argazkiak jasotzen ditugun ondotik....

Zinez txalo beroenak lagundu duten guztiei ! Elkartasun ederra erakutsia izan da !!!

Txalo ikasle antolatzaile guztiei ere bai !

Eta ez ahantz : "Eguberrin jaso aitzin, beharretan direnei ematen ikas dezagun....."

Kolegio guztia zinemara #1 !!

Urtero bezala, "Kolegio guztia zinemara"-ren lehen saioa iragan da abenduaren 11an, asteazkenez, komedia gai nagusia izanez.

Alde batetik, txirrina jo bezain orduko, sei eta bosgarreneko ikasleak taldeka bildu dira berehala otobusa hartzeko Donibane Lohizuneko Le Select zinemara joateko, 2000. urtean Peter Lord eta Nick Parkek egindako "Chicken Run" filma ikustera.

Bilduma : "1950ean, Ingaleterran, Yorkshiren, Tweedy etxaldeko oilategiko bizimodu lasai atsegin zaie maizterrei. Jana ugaria da, eta lekua beroa. Ginger oiloa, ordea, urrun da bere lagunen iritzia partekatzetik : espazio eta askatasun handiarekin egiten du amets. Egunero saiatzen da atzeko patiotik ihes egiten, arrakastarik gabe. Ginger ausartak pazientzia hartu du bere lagun hegazkorrei ulertarazteko alanbrezko sarea ez dagoela etxaldearen inguruan, buruan baizik.

Rocky coq-boy libre eta bakartia da, eta atzeko patioan lur hartu du. Orduan, Gingerrek oilo guztien salbatzailea ikusten du harengan. Hegaz egiten irakatsiko banie, ihes egiteko gai izango lirateke. Izan ere, ez dute aukerarik : Tweedy jaunak, etxealdearen jabeak, egun batean edo bestean lapikora aldatzea erabaki zuen."

Ongi irri egin eta gero, azken kurtsoa egiteko kolegiora itzuli dira.

Bestalde, lehen orduko kurtsoaren ondotik, lau eta hirugarreneko ikasleak otobusean sartu dira Donibane Lohizuneko Le Select zinemara joateko besteak bezala baina 1993an Joe Dantek egindako "Panic sur Florida Beach" filma ikusteko.

Bilduma : "Key West, Florida, 1962. Mundua desagertzeko zorian dagoen bitartean, Lawrence Woosleyk beldurrezko film berria aurkeztuko du lehen lerroan. Key Westeko biztanleak, Gene eta bere lagunak presaka doaz ahaztuko ez duten larunbat eguerdi bat ikastera."

Filma ondotik, kolegiora itzuli dira.

Milesker Xabi eta Le Select zinemako ekipa guztiari haien harrerarendako !

Oiartzungo Soinuenea museoan ziren bosgarrenak !!

Abenduaren 10an, asteartez,  bosgarreneko ikasleek Oiartzungo Soinuenea-Herri Musikaren Txokoa bisitatu zuten.

Bisita gidatuan, soinu-tresnen funtzionamenduaz gain, nork, non, noiz eta zein funtziorekin erabili diren jakiteko aukera izan zuten. Ikasleak erakusketaren 400 soinu-tresna horietako batzuk zuzenean entzuteko eta jotzeko aukera izan zuten. 

Bisita hots-jostailuen tailer batekin osatu genuen, kasu honetan burrunarekin. Burruna eraikitzeko egur xafla bat zizelkatu eta apaindu zuten. Ondoren, soka bat lotu eta hau bihurrituz, airean bueltak eman zizkioten taulak haizea moztu eta hotsa atera arte. Intentsitate ezberdinarekin eraginez hots grabe eta garaiak lortu zituzten. 

Egun bikaina pasa zuten soinu eta musika artean!

Sare sozialak 5.eko ikasleei aipatuak !

Abenduaren 4 eta 6an, Andrea Aranguren pzikologoa komitatua izan da gure kolegiora 5.eko ikasleei "sare sozialei" buruzko sensibilizazio bat animatzera, bi orduz gelaka.

Lehen parte batean, joko baten bidez, ikasleek telefonoa zutenez, i-phone-a, logeletan uzten duten, zenbat "ztory" igotzen dituzten, bikote bat dutenez, telefonoaren erabilpena burasoekin aipatzen dutenez, snapchaten erabilpena, youtuben jarraitzen dutenek, ordutegi bat dutenez eta beste eskatua izan zaie.

Ondotik, bostpasei egoera aztertu dituzte talde ttipika eta talde handian aipatu eta gogoetatu.

Solasa denboran, egoera bakoitzean biktimaren sentimenduak zerrendatu dituzte : baztertua senditzea, triste, haserrea, amorratua, desepzioa, mendekatzeko gogoa, lotsa, harridura, beldurra.... Bestalde, zer egin dezaken pentsatzen aritu izan dira : heldu batekin arazoak aipatu nahiz eta ez den errex, igotako argazkiak kentzea, bi pertsonen arteko solasa, bideo bat igotzen denean ezin dela neurtu zenbat aldiz partekatua izan den, norbaiten biluztearen grabatzea delitu bat dela...

Bukatzeko, zein diren egoera baten arriskuak entzun dituzte eta legediak nola zigortzen dituen :

- ez dakigu sekulan nor den pantailaren gibelean !

- ziber jazarpena, ziber indarkeria

- buruko minak, adikzio sortzea, droga bezala

- ez da beti egiazkoa erakusten

- xehetasun pribatuak gehiegi ezarriak dira

- klik batekin gauza asko, gehiegi ?

"Arau hauste bat eta salatu daiteke !"

Mintzaldia interaktibo honetan, ikasleen parte hartzea baikorra azpimarratzekoa da !

Milesker Andrea !

Lagungarriak diren kontaktuak : www.e-enfance.org / Urririk den telefono zenbakia : 3018 / www.promeneursdunet.fr

"Denak gara arduradun, kontuz egin aitzin !"

Ziburutik Bilbora Durangotik pasatuz !

Abenduaren 4tik 6ra, hirugarreneko ikasleek ateraldia egin dute Gernika, Bilbo eta Durangora.

Bidaia honen helburu nagusiak ikasleen nahietatik abiatuz, Gernika eta Bilboren historia eta bere garrantzia Euskal Herriko ekonomian eta garapenean ezagutzea izan dira batetik, eta bestetik, Durangoko historia eta bertan ospatzen den euskal kultur azoka bisitatzea.

Lehen egunean, Bermeora iritsi ginen lehenik kolegiotik, bertan, ikasleek eskatutako Gaztelugatxeren bisita egiteko itsasuntziz. Bermeon piknikatu ondoren, Gernikara hurbildu ginen, bertan Bakearen museoa, Picassoren "Gernika"-ren murala eta Gernikako Arbola bisitatzeko besteak beste.

Bigarren egunean, Bilboko Guggenheim eta San Mames Athleticen futbol zelaia bisitatu dute. Bisitak amaitzean, denak Doña Kasilda parkean elkartu ginen eta bertan bazkaldu genuen. Arratsaldean, eguraldia ez bazen lagun ere, oinez, Ibaiazabal ibaian kokatzen diren garai eta teknika ezberdinetako zubi eta eraikinak ikusi genituen Zazpi kaleetara heldu arte. Ilunabarrean, Bilboko alde zaharretik ibili ginen. 

Lehen bi egunetan ikasleek zituzten denbora libreak baliatzeko argazki lehiaketa bat proposatua izan zitzaien taldeka, gauean denak elkartu eta argazki irringarriena, argazki historikoa eta artistikoena saritzeko gaubela goxo baten bidez.

Azken egunean, Durango eta Durangoko azoka bisitatu ditugu. Bertan piknikatu eta kolegiora sartu gira ondotik.

Nahiera eguna #1....

Abenduaren 3an, asteart goizez, urteko lehen "Nahiera eguna" deitutako egun berezian parte hartu dute kolegioko ikasleek. 

Mailaka eta talde ttipika ezarriz, ikasleek hautatutako tailerretan ibili dira, 4 orduz.

Hala nola :  

- seigarrenendako : Arnasa hartu, Geoguesser, Herriak ezagutu jokoen bidez, matematikako astearen afitxa egin, nire ametsetako herria.

- bosgarrenendako : Arnasa hartu, Geoguesser, Herriak ezagutu jokoen bidez, nire ametsetako herria, Orientazio lasterketa euskaraz,"Dixit" kartekin ipuinak asmatu, zure etxebizitza ideala,zu ere idazle !, Txapelketa : zubi bat eraiki !

- laugarrenendako : "Dixit" kartekin ipuinak asmatu, Zu ere idazle !, Txapelketa : zubi bat eraiki !, Zientzia tailerrak 

- hirugarrenendako : Zu ere idazle !, Abesbatza, Jungle Speed Euskal Herria

Goizeko pausa denboran, laugarreneko ikasleek bixkotxak saldu dituzte haien bidaia finantzatzeko.

Nazioarteko euskara eguna zela eta, arratsaldeko "PLK-n Behin jokoan" parte hartu dute kolegioko ikasle guztiek, jokoa sarean ezarriz.

Gai desberdinei buruzko galderei erantzun behar zuten aski fite, ahal bezain punttuak irabazteko !

Giro izigarri on batean iragan da eta ikasleak euskaraz gozatu dira !

Gora euskara !

Sexualitatea 3.eko ikasleei aipatua...

Aurten ere, hirugarreneko ikasleek sexualitateari buruzko prebentzio tailerra antolatua izan zaie Planifikazio Zentroaren eskutik.

Azaroaren 28an, ostegunarekin, 3A eta 3Bko ikasleekin hasi da....

Talde handian , iragan diren tailer horiei esker, gazteek informazioa lortzeko parada ukan dute, baita ere gai horri buruz dituzten galdera guztiak pausatzeko.

Planifikazio Zentroko profesionalen erranetan, gogotsu parte hartu dute ikasleek ; galderak pausatu eta solasaldi interesgarriak ukan dituzte. Besteak beste eritasunak, kontrazepzioa, babestea, errespetua, generoa, homosexualitatea eta bisexualitatea bezalako gaiak izan dituzte hizpide.

Esperientzia errepikatzekoa da 3Dko ikaslekin heldu den abenduaren 12an.

Tailer hauek bestalde osatzen dute biologia ikasgaian ikustekoak diren gaiak.

Elkartasun hilbetea aipagai irratian !

Azaroaren 22an, ostiralez, eguerdiko pausan, elkartasun hilabetea kudeatzen aritu izan diren maila guztietako 12 ikasle elkartu dira, Antxeta irratiako kazetaria eta ikasle ohia den Esteban Bastierekin elkarrikzeta baten egiteko.

Urriaren 17an, Madag'azkar elkarteko Ione Lopez Manterolarekin iragan zen mintzaldia aurkeztu dute, 65 ikasle bolondresak bildu zirelarik, eta biharramunean, 55 ikasle bildu zirela erabakitzeko zein ekintza antolatu.

Ondotik, azaroaren 4etik 29ra antolatu dituzten bilketak zerrendatu dituzte, hala nola, goizero gosari salmenta antolatua dela goizeko jolas garaian, talde ttipika salmenta segurtatuz, dena euro batean salduz eta kazketak / eskolako materiala gunea ezarria izan dela kolegioko sartze nagusian nahi dutenek parte hartzeko. Heldu den astean dena bukatuko da eta Eguberri aitzin elkarteko kideak berriz komitatuak izango dira haien oparien eskuratzeko, 2025eko apirilan Madagazkarrera beharretan direnei eramateko.

Ikasleak poz pozik eta argiki azaldu dute haien lana, gaia bikain ongi menperatzen baitute !

Zinez zorionak eta txaloak elkartasun hilabete honetan aktiboki parte hartzen duten ikasle guztiei !

Milesker Esteban ere bai kolegiora etortzeagatik !

Comete sarea dokumentala XXIV FICABen aurkeztua !

Azaroaren 13an, asteazken goizez, Irungo Mendibil zinemetan izan ginen 3.eko 12 neska-mutil Oiasso museoak urtero antolatzen duen Bidasoako Nazioarteko Zinemaldi Arkeologikoan.

Mintza'Goxo bitartekaritza formakuntza segitzen du....

Iaz bezala, Mintza Goxo segitzen dugu aurten eta bosgarreneko guztiek lehen formakuntza-saioa izan zuten azaroaren hasieran.