Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Ekainaren 5an, asteazken goizez, maila guzietako ikasleak Donibane Le Select zinemara joan dira ber filma ikustera : 2006an ateraia eta Hayao Miyazakik egindako "Nausicaä" filma.

Sinopsia : "Zazpi eguneko sutan" gizakien erokeriak suntsitutako Lurralde batean, gizaki eskubada batek haizeak babestutako haran batean bizirautea lortu zuen. Hala ere nekazaritza-herri hori arriskuan da etengabe hazten ari den baso toxiko baten ondorioz. Baso horretan intsektu erraldoi eta mutanteak bakarrik bizi dira. Bizirik atera diren gutxi horiek, eguna batean, errege maitea eta Nausicaä preso pzintzesa ikusi dituzte. Azken hori, ordea, naturarekiko eta ekosistemarekiko sentikorra da, eta mutanteekin komunikatzeko gai den bakarra da...."

Ondotik, berriz kolegiora itzuli dira azken orduko kurtsoa egiteko.

Ekainaren 1ean, larunbatez, aldarrikapen eguna izanez, euskara oholtzara eramana izan da bertsutan bai Ziburuko Liburu eta Disko azokan baita ere Itsasun iragan den Xilaba bertsulari gazteen finalan. Biba zuek gazteak, batzuk kolegioko ikasle eta ikasle ohiak izanez !
Bestalde, Euskal Konfederazioak bultzatutako elgarretaratzeak iragan dira tokika argazki erraldoien egiteko eta Frantses konstituzioko bigarren artikulua aldatzea eskatzeko.
Mila esker hurbildu diren guztiei !
Konstituzio aldaketa ! Hizkuntza babestu ! Brebeta euskaraz ! Baxoa euskaraz ! Azterketak euskaraz !

“Aldaketa klimatikoaren” proiektua, abiatu zen Seaskako 4 kolegioetako fisika  eta zientzia erakasleengandik:  4. mailako ikasleak gai horren inguruan lan araztea zen asmoa, gaur egunko ingurugiro arazoen larritasunari begira. 

Tematika horren inguruko lanketa ikastetxeka ezberdinki landu arren, 4 kolegioen arteko ardatz komun gisa hartzea erabaki zen. Eta PLK kolegioan, drive dokumentuak erabiliz taldekako joan jineko lan bat bezala landua izan da 4. mailan fisikan , bainan baita ere beste hainbat gaietan (biologia, ingelesa, historia, española, euskara…). Ikerketa lan horrekin, aurkezpen dokumentu bat sortu dute ikasleek, ondotik ahozko batean aurkeztua izateko xedearekin (Brebetari begira, entrenamendu gisa)

Ikasturte osoan zehar, 4. mailako seaskako gure ikasleak harremanetan izan dira: 

Lehen trukaketa birtuala izan zen abenduaren 5 ean, nortasun agiri amankomun moduko bat sortzea zen helburu drive dokumentu partekatu batean.

Bigarren trukaketa: “Egunean behin” jokoa aldaketa klimatikoaren inguruko galderekin egokiturik, 4 kolegioen artean osaturiko taldeekin jostatu ziren ikasleak. Hau ere, drive sistema bidez, iragan martxoaren 14ean izan zen.

Hirugarren trukaketa, birtuala izan da: bideo dei baten bidez elkar ikusi eta trukatu ahal izan dute iragan den maiatzaren 21ean.

Azkenik, maiatzaren 28an, Baionan lau 4 ikastetxeen arteko topaketa: erakusketa, tailer, mintzaldiak antolatuko dituzte elkarte ezberdinek (Bil ta garbi, Enargia,  Itsas arima, Laborantza ganbara, I-ener, Kanaldude,  Enargia…), urtean zehar osatutako kolegioen arteko taldeekin.

Egun polita izan zen, tailerretan ikasleek parte hartu ondotik, elkarrekin piknikatu eta azkenik aldaketa klimatikoaren inguruko konferentzia batean parte hartu zuten gure ikasleek, Kanaldudek dena filmaturik.

Egun horren arrakastatsua beraz, ondoko ikasturtean agian errepikatzekoa izanen dena!

Maiatzaren 27an, astelehen goizez, kolegioko ikasle guztiak joan dira Donibane Lohizuneko Le Select zinemara euskarazko filma baten ikustera.

Alde batetik, 6. eta 5.eko ikasleek, 2020an Lara Izagirre Garizrietak zuzendutako "Nora" filma obra deskubritu dute.

Sinopsia : Norak 30 urte ditu, Nicolás aitite argentinarrarekin bizi da eta Meri lagunaren seme-alabak zaindu ohi ditu. Herriko aldizkariaren horoskopoa idazten du, baina bere ametsa bidaia-idazle izatea da.

Aitatxiren heriotzak Dyane 6 zahar bat utziko dio herentzian. Norak gaizki gidatzen badu ere, noraezeko road trip-a egingo du Euskal Herriko kostaldean zehar, aititxiren errautsak amatxiren errautsen ondora eramateko.

Bideak laster erakutsiko dio ez dela bidaiari izateko jaio, eta bere ametsak ez zuela zerikusirik berarekin, baizik eta libre izateko, hazteko, zauriak ixteko eta lehenengo aldiz bere buruari zoriontsu izateko aukera emateko aitzakia besterik ez zela.

Bestalde, 4. eta 3.eko ikasleek, 2011an Asier Altunak egindako "Bertsolari" dokumentala ikusi dute.

Sinopsia : "Bertsolariak euskaraz abestutako bat-bateko bertsoak sortzen ditu. Ahozko tradizio hau denborarekin aldatu eta garaietara egokitu da. Hala, belaunaldi gazteenekin ere konektatu du, milaka ikusle bilduz… Bidai bat, bat-bateko poesian, isiltasunean eta arte biluzian barrena."

Ondotik, kolegiora itzuli ziren kurtsoekin segitzeko.

Milesker Le Select zinemako ekipa euskarazko bi filmak proiektatzeagatik.

Urte osoan haien zientzia problematikak landu ondoren eta kolegioko zientzia azokan parte hartu ondoren, 4. eta 3.eko 28 ikasle Bilbora joan dira maiatzaren 23an, ostegunez.
Bertan Elhuyar zientzia azokan parte hartu dute.
Esperientzia aberasgarria izan da haientzat eta gainera Xalbador kolegioko ikasle batzuen ezagutza egiteko parada izan dute ere, ber autobusa partekatu baitute.

Pasa den maiatzaren 21ean, "Aldaketa klimatikoaren" proiektuaren barne, gure 4.eko ikasleek beste 3 kolegioetako ikasleekin bideo deia egiteko aukera izan zuten elkar piska bat gehiago ezagutzeko.
Hau, 3. hartu emana izan da beste kolegioetako ikasleekin, eta aukera ere elkar ikusteko lehen aldiz!
Ikasleak gogotsu aritu dira, haien adinarekin lotua den grina handiarekin, taldekideak ezagutzeko eta batez ere ikusteko....
Proiektu honen segida orain, heldu den maiatzaren 28an izanen da Baionan : bertan errealki elkartuko baitira Manex Erdozaintzi, Xalbador eta Eztitxu Robles-eko ikasleekin, taldeka tailerretan arituz.

Maiatzaren 22an, asteazkenean, 6., 5. eta 4.eko ikasleak etxean zirelarik, gure kolegioko 3.eko ikasleek azterketa goiza zuten...

Alde batetik, brebetarako ahozko ofiziala pasa dute banan banan, epaimahai baten aitzinean, GIP (Gernika, "l'affiche rouge" lana ala hizkuntz minorizatuak), edo ikastaldiaren ahozkoa edo gai librea aurkezten hautatu zutelarik. Bost minutu prestakuntza ukan eta, 5 minutu zuten haien lana presentatzeko eta beste 10 minuta batzuk epaimahainatik egindako galderei erantzuteko.

Bestalde, PIX atzerketa pasatzeko aukera ukan dute ere bai.

Goiz osoa ongi iragan da, orain bigarren brebeta xuria prestatzen segituko dute 3.eko ikasleek....

Maiatzaren 16an, ostegun goizez, iragan da Mintza goxo PLK-ko bitartekaritza desmartxarako formakuntzaren azken saioa.
Lehen biak 5. zein 4.eko ikasle guzientzat antolatu ziren, hainbat helbururekin : norberaren eta besteen ezagutzara sentsibilizatzea, autoestimua eta bestearen errespetua bultzatzea, ikuspundu ezberdinak izatearen kontzientzia hartzea.
Hirugarren saioa bitartekari izateko prest motibatuak sentitzen direnendako antolatu da. Hiru oren, zeinetan ikasle horiek mediazio baten teknikak ikasi dituzten, baita rol-jokoen bidez esperimentatu ere. 34 ikasle beren burua bitartekari gisa ikusten dutenak ; zenbatek azken erabakia hartuko dute, heldu diren egunetan? Ez dakigu oraindik bainan kolegioko hezkuntza ekiparen ustez desmertxa jadanik arrakastatsua da : mediazioaren izpiritua gure pasabideetatik hasi da kurritzen, klaseetatik eta kanpoaldetik, aintzinapauso ikaragarria da !

Entzun dukezuen bezala, aurtengo Brebeta frogetako kontsignak euskaratuak izango direla segurtatu du Hezkunde Nazionaleko Marion Gallier Examen et concours buruzagiak. Baina datorren urterako oraindik dudak daude. Bitartean, Baxoko frogak hurbiltzen dira, aitzinamendurik ez da, horretarako Maiatzaren 17a ostiralan, azterketak euskaraz aldarrikatzeko mobilizazio orokor baten deialdi batera deituak izan gara gu euskaraz bizi nahi dugunok.

Beste herrietan edota ikastegietan bezala, PLK-ko irakasle, hezitzaile eta ikasleak elkartu dira kolegioko ezker paretan, "Bretea euskaraz / baxoa euskaraz / Azterketak kamisetaz jantzirik, argazki erraldoi bat eta oihu berezi baten botatzeko : "Azterketak euskaraz orain eta beti !"

Agian urrundik entzunak izan garela, segi dezagun aldarrikatzen eta borrokatzen denak elgarrekin ! Azterketak euskaraz !

Maiatzaren 12an iragan den Herri Urratsen, ikasleen inplikazioa eta laguntza eskertzekoa da !

Goizeko 9:30 eta 13:30ak artean, hiru tokietan agertu dira kolegioko ikasleak :

- Senpereko Kattalin Elizalde kolegioan, Euskal Selekzioko taldeak antolatutako esku huska lehiaketan, gure kolegioko bi bikoteek parte hartu dute, bat 6/5.ean izanez eta 4/3.ean bestea.

- Baxe Nafarroko hondartzan, kolegioko 12 hirugarreneko ikasleekin osatutako ekipak antolatutako kirol desafioetan parte hartu du beste 4 ikastegien aurka : Azpeitiko ikastola, Sangotzako ikastola, Getxoko ikastola eta Oingoarena.

- Pegatinak ! Pegatinak ! Kolegioko 90 ikasleek pegatinak eta kutxak eskuetan jaso eta, lakuaren itzulia egin dute lagunen artean, haiek finkatutako kuadrila eta ordutegia errespetatuz, jendeari pegatinak proposatuz eta diru kutxak betetzen saiatuz.

Bestalde, ber gunean "brebeta euskaraz / azterketak euskaraz" tixertak eta giltzeroak saltzen aritu dira, gure borroka eta aldarrikapenak aitziraren inguruan agertzeko !

Maila guztietako ikasleek parte hartu dute, giro onean, motibaturik eta lagunen artean elkartuz !

Txalo bero bat zinez ikasle guztiei ! Eta segi euskaraz gozatzen !