Eskulan tailerran, bi aldiz astean, hamar bat ikasle izan gara Zanpantzar biziarazteko.

Hasi gara gorputza eraikitzen kartoin zahar eta papera berziklatuz. Dena ttiki egin eta Zanpantzarren gorputza bete dugu etxetik ekarritako "jean" eta jantzi zaharrak baliatuz. Peruka argi bat erabili dugu ileak egiteko eta begi urdinak egin dizkiogu. Hortik, Zanpantrum egiteko ideia polita etorri zaigu : bere aberastasuna agerian eman dugu diru billetaz bere txapela osatuz. Urrezko bi eraztun ere behatzetan gehituz. Bere araberako jar leku tronoa egin diogu ere. Espero dugu sua bera bezain handia agertuko dela !

Heriotz ona desiratzen diogu !

Zanpantrum taldea

Otsailaren 10ean, ostiralez, abokatua den Amaia Recarte, 4. eta 3.eko ikasleendako kolegiora ekarrarazi dugu.

Lehenik, jazarpena gaia gizartean kokatzen saiatu da, eskolako jazarpena kasu bat eman du segitzeko eta azkenik, jazarpena egoeran diren protagonistak zerrendatu ditu :

- biktima : jazartua dena

- jazartzailea : jazartzen duena

- lekukoa : ikusten duena, entzuten duena

- kuadro eskolarra

Duela gutti telebistan pasa den "Marion 13 ans pour toujours" filmatik abiatuz, jazarpena adibidea kondatu du, ikasleek asma dezaten hitz horren definizio bat : pertsona bat erregularki, etengabe nardatzea, jarrera eta hitzak desegokiak erabiliz. Ikasleek jarrera horiek zerrendatzen saiatu dira : irainak, despreziatzeko hitzak, mezuak, sare sozialak (facebook, instagram...), telefonoak (snapchat, whatsApp...), bortizkeria, jotzea, mehatsuak, izengoitiak, norbait baztertzea...

Amaia abokatuak galdetu die zein errekurtso ezagutzen dituzten laguntza eskatzeko : lagunak, kolegioko pertsona desberdinak, familia, justizia, polizia...

Egoera epaitu ondoren, zein zigorrak arriskatzen diren azaldu die : ixuna eta presondegia, zigor apalena izanez : urte bateko presondegia eta 15 000€. Adibidetzat, lizeo batean gertatu zena hartu du : biktima zen ile gorridun ikasle batek bukatu zuela 40 egunez hospitale psikiatrikoan eta jartzaileak 3 hilabete espetxea.

Lekukoen presentzia beharrezkoa eta garrantzitsua da, egoera bat ikusten delarik ez dela "salatzen" baizik eta biktima laguntzen erranez bukatu du.

Jazarpena ? Deitu 3020era.

Haurrak lanjeran ? deitu 119ra

Otsailaren 9an, ostegunez, Etxepare lizeoaren alde landatuko dugun sagarrondoarendako ziloa egin dute IEPeko ikasleek.

Pikotxa eta sardeari esker, lurra zilatu dute eta palarekin atera.

80 zentimetro zabalera eta 60 zentimetro sakonerako ziloa lortu dute.

Bere inguruan, banda txuri eta gorria ezarri diote babesteko.

Aste baten buruan, ihauteriak ospatuko ditugularik, euskararen arbola landatuko dugu....

Biba zuek !! Txalo bero bat Teo, Unai R, Unai M, Peio S, Gexan, Oier, Zuhain, Yon, Iban eta Xarles-i !!

Urtarrilatik landa, eguerdiko jolas garaietan, astelehen eta ostegunetan bereziki, baloi preso txapelketa antolatu du Olagarroa kirol elkarteak.

Eremu zehatz definitu batean baloia jaurtiz aurkako taldeko kide guziak hunkitzea da helburua.

Jokalariak jaurtitzen, pasea egiten, saihesten eta taldean estrategiak eraikitzen ahalegintzen dira.

Sei - bostgarreneko 10 talde eta lau - hirugarreneko 5 talde lehiatzen ari dira.

Kolegioko kirol gelan, elkartzen diren beste ikasleak, txaloka, sustengatzen dituzte haien lagunak.

Giro polita, xantza on zuei !!

Otsailaren 6etik 10era, aste berezia bizitzen dute IEP gelako 3.eko ikasleek... brebeta profesionala xuria pasatzen baitute...

Astelehen goizean, 3 ordu historia ukan dute eta arratsaldean bi ordu frantsesa.

Astearte goizean, 3 ordu matematika eta arratsaldean, 2 ordu zientziak.

Azken eguna dute bihar goizean, diktaketa ordu bat eta bi orduko idazlana.

Ikasleka irakurle eta idakari bat izendatuak izan dira, azterketa denboran segituak izateko.

Denek lortzea opatzen diegu ! Kuraia on !!

Aurten, 4.eko ikasleek "transmizioa" gaiaren inguruan proiektu bat eremanen dute kanpoko eragileen laguntzarekin. Joan den urtarrilaren 27an, Senpereko Larreko Kultur Zentrora joan dira, ikusgarri hau proiektuaren abiapundua izanen baita, Rouge Elea konpainiak emanik.

"Hau da nire ametsen kolorea / Ceci est la couleur de mes rêves" hildakoei eskainitako dantza bat da. Abiapuntu hori hartuta, emakume batek bizirauteko egiten du dantza. Bere oinordezkotza kulturala deitzen du bizitza ospatu eta dantzatzeko. berarentzat handiegia den jaka bat, sokak eta oihalak, arbasoetatik jasotako objetuez baliatuta irauteko dantza bat abiatzen du, instintuz egindakoa, gorputzak oroitzen dituen mugimenduez. Desagertutakoen memoria bizi dadin egindako dantza euforikoa.

Proeiktu honetan, gure arbasoek guregan utzitako arrastoak xerkatu nahi dituzte, eta ikusezinak diren trazek nola eragiten duten gure gorpuzkeran. Gordetzen al du gorputzak oinordezkotza basati bat, natura eta materiarekiko sakoneko eralzioa bat ? 

Apirila inguruan, Konpainiako Corinnen laguntzarekin, zirkoa eta dantza arloko ikusgarritxo bat sortuko dute 4Ako ikasleek. bestalde, martxoa eta ekainan, haiek idatzitako testuak antzeztuko dituzte 4B eta 4Dko ikasleek, Chimères (4B) eta Nanoua (4D) konpainiek kudeatutako dituzten tailerretan parte hartuz.

Azken bi aste horietan, tailer berri bat proposatua izan zaie eguerdiko jolas garaian, parte hartu nahi zuten ikasle guztiei : Hip Hop ikastaldia euskaraz !

Lau astez, astearte eta ostiraletan, 28 ikasle biltzen dira kirol gelan, Dantz'ani elkarteko Ani koregrafoarekin hip hop urratsak eta mugimenduak lantzeko.

"Top rock" eta "six step" urratsak jada landu eta menperatzen dituzte, rap dantzarien estiloa hartuz.

Gorputz adierazpena lantzeko helburuarekin, motibatu diren 25 seigarren eta 3 hirugarrenak biziki baikor, dinamiko eta interesatuak agertzen dira, biziki errexki lortzen dituzte mugimendu guztiak. Hau talentua !

Segi ezazue horrela eta biba zuek !!

Joan den urtarrilaren 17an, astearte arratsaldeko 7. orduan, kolegioko IDZtan, Seaskako bi ikasle ohiek beren lanbideak aurkeztu dizkiete 3.eko ikasleei :

1/ Goizeder Taberna : Mediabaskeko kazetaria :

Hedabidearen aurkezpena egin du, sareetan izateko berezitasuna azaldu, euskal hedabideen arteko lortura erakutsi (Naiz, Kazeta...) eta Euskal Herritik ari direla azpimarratu. Idazteko eta Euskal Herrian aritzeko gogoa delarik, egokia den lanbidea dela zion.

Formakuntza aldetik, eskolabereziak badira Leioan, Bordalen, Tolosan, Tours-en edo Parisen. Horrez gain, literatura lizentzia - mazterra pasatzen ahal da, eguneroko pratikan ikasten da edo posible da alternantzian aritzea (bi aste eskolan eta 6 egunkarian).

Behin baino gehiagotan, euskaldun kazetariak eskas direla Euskal Herrian eta lana bdela azaldu die Goizederrek. Ikasleek galdetu diote hilabete sari mailan ainitz irabazten zenez. Bere erantzuna : "Le Monde"-en aritzen bazara bai, aldiz, lanbide hori gustukoa duzularik, egia da Euskal Herrian minimoarekin bizitzeko aski dela."

2/ Iban Ithurbide : iturgina :

Etxegintzan diren arlo desberdinak zerrendatu ditu : berogintza, iturgintza, energiak, eguzki panelak.... Egunerokoan, hortzak garbitzen ditugularik edo dutxa hartzen, ez dugu baitezpada konzientzia hartzen eramana den urari esker dela, funtsean horrelako lanbideei esker.

Alde batetik, egin dituen lan batzuen argazkiak erakutsi dizkie baita ere formakuntzarik gabekoa izanez, ze nolako "petto" lanak egiten ahal diren.

Formakuntza aldetik, eskuekin trebe izan behar da, bulegoetan ere lan egin daiteke. Bestalde, CAP - BEP bat Hazparnen edo Cantaun egiten ahal da, BAC-Pro bat, BTS bat, Unibersitatean segitzen ahal liteke ere "energi" arloan, Paueko IUTen.

Esperientziari esker, iturgin euskaldunak eskatuak direla hemengo ingurumenean eta lana badela, dirua irabazten ahal dela erran die Ibanek. Berak zuen xantza gehitu du : familia, transmizioa izan duela berak, Euskal Herrian bizitzeko eta lan egiteko aukera eta gozatzen dela.

Milesker Goizeder eta Iban !!

Urtarrilaren 23an, astelehen arratsean, heldu den irailan izango diren burasoendako bilkura antolatua zen gure kolegioan.

Berrogoit'hamar buraso hurbildu dira.

Edurne Manterola den zuzendari berriaren harrera hitza ondoren, besta taldeko Jean François Mercierk hitza hartu du, azpimarratzeko burasoen inplikazioa kolegioan ere beharrezkoa dela. Ondotik, Maritxu Larzabal animatzaileak erakutsi die kolegioa aurkezteko filmatxo bat. Horren ondotik, burasoen galderei erantzun dute Iñaki Lecuona, Karmele Sorrondo, aurtengo 6.eko irakasle arduradunek eta Ttoni Basurco, Hezkuntz Aholkulariak. Mintzaldi guztia euskaraz eramana izan da, eta frantsesezko itzulpen osoa kaskoetan aseguratua izan da Mathilde Etxart Gracyri esker.

Bilkura bukatzeko, buraso guztiek kolegioko bisita egin dute : gela bat, laborategiak, jantegia..etabar... eta etxera joan dira eskainia izan zaien liburuxka batekin.

Haiei ere, opatzen diegu ongi bukatzea lehen mailan eta haien haurra sustengatzea heldu den irailaren sartzerako !

Joan den astean eta aste hontan, lehen mailetako azken bisitak antolatuak ziren gure kolegioan...

Senpere, Sara, Azkaine eta Urruñako ikasleen txanda zen.

Haiek ere aurkezpen filma ikusi eta, kolegioko eremu desberdinak bisitatu dituzte Ttoni Hezkuntz Aholkulariarekin.

Bukaeran liburuxka ttipi bat eskainia izan zaie eta haien galderak edo kezkei erantzunak emanak izan zaizkie.

Ikasturte hori ongi bukatzea eta motibaturik etortzea opatzen diegu !