Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Joan den abenduaren 8an, asteazkenez, Odon Noblia irakasle, artista eta idazle Baionarra kolegiora etorri da berriki plazaratu duen Ikastola nire saloinean. Argitxu Noblia liburua 3.eko ikasleei aurkeztera ; obra hori irakurtzen baitute euskara kurtsoan.

Egiazko gertakarietan oinarritzen den narrazio horrek Argitxu Nobliaren bizia kontatzen du, lehen ikastola sortu zuen emaztearen ibilbidea. Odon Nobliak erakutsi nahi izan du zein handia izan den bere amak sortu duen mugimendua gaur egungo gazteak ohar daitezen nola hasi zen dena.

Ikastola Argitxuk hasi zuen arren, laster beste buraso zenbaitek lotu ziren proiektu honi behar bati erantzuten baitzuen : beren haurrei euskara erakastea. Borroka batzuk eraman ondoren, Seaska handitu da eta ama ikastolak eta lehen mailako gelak emendatu dira.

Odon Noblia pozten da amari eginiko omendaldi horretaz. Aitortzen du nahiko lukeela liburu horrek oihartzuna izan dezan, eta beste ikasle batzuek irakur dezaten, beretzat inportanteena jendearekin eta bereziki gazteekin partekatzea baita.

Milesker Odon eta Argitxu !

Joan den azaroaren 15ean, Integrazio Batzordea elkarteko kideak komitatu genituen haien elkartea aurkeztera eta haien beharrak azaltzeko.

Ondotik, maila guzietako 55 ikasle motibatu dira gosari salmenta bat antolatzeko.

Azaroaren 21 etik abenduaren 9a arte, talde ttipika aritu dira kanpoko eremuan ziren ikasleei gosariak saltzen : xokolatinak, zerealak, brioxak, txokolot'esnea, sagar edo laranja jusa.... Saltzaile ala erosleendako dinamika polita piztu da gure kolegioan goizero, bi jolas garai denboran !

Konduak egiten diren bitartean, gosari salmenta hontan parte hartu duten guztiak eskertzekoak dira ! Biba zuek !

Mokofina izanez, elkartasunez lagundu duzue Integrazio Batzordea !

Txekearen emaitza abenduaren 17an, ostiralez iraganen da 13:00tan kanpoko jolas eremuan !

Abenduaren 3an, ostiral goizez, "Nahiera eguna" deitutako egun berezian parte hartu dute kolegioko ikasleek.

Mailaka eta talde ttipika protokoloa errespetatuz, ikasleek hautatutako tailerretan ibili dira, 4 orduz.

Hala nola :

- seigarrenendako : Numbers : bingo ! Arrauna, blobosferoa, ipuin audio liburuak (klikatu hemen entzuteko) eta solidoekin eraikuntzak

- bosgarrenendako : zenbaki erromatarrak, xake jokoa eta nor da izan hiltzailea ?

- laugarrenendako : sasoineko pastiza eta geoguessr

- hirugarrenendako : orientazioa eta sofrologia

Eguerditan mailaka piknikatu eta, arratsaldeko "Egunean Behin jokoan" parte hartu dute kolegioko ikasle guztiek, jokoa sarean ezarriz.

Gai desberdinei buruzko galderei erantzun behar zuten aski fite, ahal bezain punttuak irabazteko !

Giro izigarri on batean iragan da eta ikasleak euskaraz gozatu dira Euskara Nazioarteko egun horretan !

Gora euskara !

Azaroaren 30ean, asteartearekin, Asisko Urmeneta komikilaria gure kolegiora etorri da laugarreneko ikasleekin hitz egitera.

Azken hilabetean, arte plastikazko kurtsoetan, komikia landu dute laugarreneko ikasleek. Sekuentzia bururatzeko, Asiskok bere komikilari lana aurkeztu die.

Iaz, bostgarrenean zirelarik, "Gartxot" komikia landu zuten ber ikasleek euskara kurtsoetan

Asisko historia tratatzen duten komikietan berezitua da. Bere lanen artean, "Sugarren mende", sorginkeriaz lotutako azken komikia aurkeztu du. "Gartxot", XII. mendean Orbaizetan gertatu zen tragediari buruzko lana aipatu du ere bai.

Ordu bat eta erdiz, ikasleen galderei erantzun du. Bere komikietaz gehiago jakin nahi zuten baita ere bere marrazkilari ibilbideaz edota marrazteko usaietaz. Elgarrizketa denboran, Asiskok bere erranak zuzenean ilustratzen zituen. Ikasleak zein erreski eta fite marrazten duen, harritu dira : Allende : "Marraztean harrigarria zen", Naiara : "Sobera irringarria zen".

Bururatzeko, Asiskok bere burua proposatu du karikatura tailer baten animatzeko. Ea ondoko hilabeteetan edo ondoko urtean tarte bat atzematen dugun....

Milesker Asisko !

Azaroaren 29an, astelehenez, hirugarreneko ikasleek zuten orientazioarko hitzordu bat : Baionako Etxepare lizeoaren bisita !

Lehen parte batean, lizeoa bisitatu dute ikasle ohiei esker : jantegia, barnetegia, kirol eremuak, biltoki nagusia, IDZ, sartze nagusia, HAN eta hezitzaileen bulegoak, estudio gela, administrazioa, irakasle gunea, orientazio bulegoa, mendi eta erreken izenak dituzten ikasgelak, 3.pro eremua, alda gelak, kiroldegia eta bil txokoa, ikasle horiek lizeoan duten ardura eta autonomia inportanteak zirela azpimarratu dute.

Bestalde, talde ttipika, irakasle eta ikasle ohien bitartez, hainbat xehetasunak emanak izan zaizkie : ordutegia, gai berriak, jantegiko antolaketa, askatasun berriak, une inportanteak, barnetegia, ikasketa motak eta bereziki erreforma berria, animazio talde desberdinak eta kanpoko aktibitateak.

Bukatzeko, kolegioko bidea hartu aitzin, lizeoko jantegian bazkaldu dute !

Euskarazko irakaskuntzaren onarpenerako borrokan momentu erabakigarria bizitzen ari gara. Dakizuen bezalan joan den maiatzean, Frantses Parlamentuak murgiltze sistema anti konstituzionala deklaratu zuen.

Geroztik, Historia eta Geografia frogak brebeta eta baxoan "tokiko hizkuntzan" pasatzea onartzen zuen 2017ko zirkularra berrikustea erabaki du frantses minizteritzak. Halaber, euskara irakasteko emana zen dotazioa kendua izan da.

Zirkular berriaren zirriborroak bi puntu hauek desagertarazi dituenez, frantziar estatuan murgiltze sistemab irakasten duen hizkuntza gutxituen Eskolim elkarteak alarma jo du.

Seaska bere baitan hartzen duen Elkarte honek zirkularrean agertarazi nahi dituen puntuak helarazi dizkio Hezkuntza ministeritzari. Azaroaren bukaeran edo abenduaren hastapenean izan beharko genuke zirkular horren behin betiko bertsioaren berri.

Erne egon behar dugu eta mobilizatzeko prest izan, gure federazioak deitzen gaituenerako, abenduaren 10etik goiti, Giza eskubideen eguna.

Azken 50 urteotako borroka gogorraren ondorioz lortu dena, ez diezaguleta golpe batez marratu !

"Azterketak euskaraz" gaiaren inguruko bilkura publikoak hasi dira, Piarres Larzabal kolegioko Euskaraz izi taldeak kudeaturik.

Lehena abenduaren 1ean, asteazkenez, iragan da Saran 19:00tan.

Beste hitzordurik antolatua da ere bai abenduaren 8an, Hendaian, abenduaren 15ean Azkainen eta laster Ziburun.

Beraz zure herrian edo herritik hurbil den hitzordua ez huts egin ! Denen beharra baita !

Azaroaren 25 eta 26an, ostegun eta ostiralez, Andrea Aranguren pzikologoa komitatua izan da gure kolegiora 5.eko ikasleei "sare sozialei" buruzko sensibilizazio bat animatzera, bi orduz gelaka.

Lehen parte batean, joko baten bidez, ikasleek telefonoa zutenez, i-phone-a, logeletan uzten duten, zenbat "ztory" igotzen dituzten, bikote bat dutenez, telefonoaren erabilpena burasoekin aipatzen dutenez, snapchaten erabilpena, youtuben jarraitzen dutenek, ordutegi bat dutenez eta beste eskatua izan zaie.

Ondotik, bostpasei egoerak aztertu dituzte talde ttipika eta talde handian aipatu eta gogoetatu.

Solasa denboran, egoera bakoitzean biktimaren sentimenduak zerrendatu dituzte : baztertua senditzea, triste, haserrea, amorratua, desepzioa, mendekatzeko gogoa, lotsa, harridura, beldurra.... Bestalde, zer egin dezaken pentsatzen aritu izan dira : heldu batekin arazoak aipatu nahiz eta ez den errex, igotako argazkiak kentzea, bi pertsonen arteko solasa, bideo bat igotzen denean ezin dela neurtu zenbat adliz partekatua izan den, norbaiten biluztearen grabatzea delitu bat dela...

Bukatzeko, zein diren egoera baten arriskuak entzun dituzte eta legediak nola zigortzen dituen :

- ez dakigu sekulan nor den pantailaren gibelean !

- zyber jazarpena, ziber indarkeria

- buruko minak, adikzio sortzea, droga bezala

- ez da beti egiazkoa erakusten

- xehetasun pribatuak gehiegi ezarriak dira

- klik batekin gauza asko, gehiegi ?

"Arau hauste bat eta salatu daiteke !"

Mintzaldia interaktibo honetan, ikasleen parte hartzea baikorra azpimarratzekoa da !

Milesker Andrea !

Lagungarriak diren kontaktuak : www.e-enfance.org / Urririk den telefono zenbakia : 3018 / www.promeneursdunet.fr

"Denak gara arduradun, kontuz egin aitzin !"

Ziburun antolatzen duten Euskararen urtaroa kari, gure kolegioko ikasleek "Ene zuhaitza" proiektuan parte hartzera komitatuak izan dira.

Omiasainduko oporrak aitzin eta ondotik, euskara kurtsoetan edota jolas garaietan, seigarreneko ikasleek idatzi dituzte zuhaitzari lotutako olerki izigarri poetikoak eta Benito Lertxundik idatzitako "Kimua zuhaitzan "kantua ikasi.

Proiektua bukatzeko, azaroaren 27an, larunbatez, goizeko 10:30tan, seigarreneko 20 ikasle batzuk eta bost trikitilariek beste eskolekin batera, Gurutze Gorria auzoa animatu dute, bertako eskolan aterpetuz eguraldiagatik.

Trikitilariek giroa berotu dute haien birbilketekin, jendea ikasgelan elkartzen zen bitartean... Bertan, Maddi Zubeldiaren hitzetan harrera eta eskerrak emanak izan zaizkie, bihotzeko keinu bat bidaliz falta zen Michel Claudio gitarra joleari. Banan banan, eskola desberdinetako haur eta gazteek idatzitako olerki gehienak irakurriak izan dira, ozen, Ziburuko Herriko Etxeak egindako egurrezko zuhaitzan kolatu aitzin.

Amaitzeko, haur eta gazte guztiak bildu dira elgarrekin kantatzeko "Kimua zuhaitzan "abestia, Elaia Biscay akordeoi jolea eta Txomin Arizsaga gitarra joleari esker. Publikoaren txaloen ondotik, trikitilariek eta bertsulariek segitu dute haien bidea Baltsan elkarteraino bertso pote moduan.

Mementu zinez atsegina, euskal zuhaitzak gure etorkizuneko haurren hitzezko hostoekin beztitu da negu eder honetan !

Txalo bero bat parte hartzaile guztiei !

Azaroaren 23an, asteartez, kolegioko bosgarreneko ikasle guztiak joan dira antzerki baten ikustera, Sarako lur Berri gelara.

Frantses kurtsoetan, ikusgarriaren afitxa eta bilduma landu zituetzn irakaslearekin joan aitzin.

"K printzesa / Princesse K" deitzen da antzerki saioa eta ikasgelan lantzen duten zaldunen gaiarekin lotua da (Arthur eta bere lagunek ez dute sekreturik uakngo haiendako !).

Gizon bat, bakarrik ezenatokia gainean, sorpresez beteriko bulego batekin, mendekatu nahi duen eta haserretua den printzesa banten historia, harrigarriak diren pertsonaiak, Maître Koala bezala, borroka eta karate hartzeak, horixe da bizi izan duten abentura 50 minutuz.

Artistak historia kondatzen du, errola guztiak jokatzen ditu (printzesatik erregera borroka maisuatik pasatuz). Musika, argia eta arrabotsek dira nagusi emanaldi horretan; Irri egiten da, jostatzen da eta zinez artista honen talentua estimatzen da.

Hau lana ! Hau mementu ona !

Ikusgarriaren bukaeran, ikesleek galderak pausatu dituzte antzezlariari.

Milesker Bob théâtre ! Ongi pasa dugu !

Azaroaren 17an, Jean-François Lefort, Mediabaskeko zuzendaria eta Iurre Bidegain kazetaria gure 3. mailako ikasleekin bildu ziren ikastetxeko IDZtan. Gonbidapen hori, bereziki, euskarako irakasleekin eta dokumentalisatrekin egindako prentsari buruzko sekuentzia baten amaieran egin da.

Mediabaskeko kudeatzaileak lehenik, gaur egun sare sozialek kazetaritzarengan sortzen dituzten erronkak aipatu ditu, prentsarengan duten eragina. Izan ere, kazetarien lan pedagogikoa eta gogoetak murriztea dakar. Horrezgain, komunikabideen eredu ekonomikoak berriz pentsatu beharko liratekela adierazi du. Hau da, komunikabideek askatasunez hitz egin eta finantza-talde handien esku dauden komunikabide gehienen eredu ekonomikoetatik ihes egitea nahi badugu, irakurleen babesa ezinbestekoa dela oraindik.

Iurre Bidegainek, ondoren, kazetari gisa bere prestakuntza ibilbidea azaldu du. Lan honetan zer gustatzen zaion aipatu du, astegin du gertakarien muina izatea, horrek sortzen duen kitzikadura eta kuriositatea.

Horrela, Piarres Larzabal kolegioko ikasleek molde zuzen eta argi batez borobildu dute kurtso denboran landutako gaia eta prentsari buruz zituzten ezagutzak hobeto barneratu dituzte.

Milesker Jean-François eta Iurreri !