Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Irailaren 3an, ostiralez, txirrina jo duelarik, 342 ikasleak kanpoko eremuan ziren.

Alde batetik, seigarreneko ikasleak haien kurtsoetara joan dira.

Bestalde, besteek, bost, lau eta hirugarrenek haien sartzea egin dute.

Zuzendaria den Iñaki Lecuonaren hitzaren ondotik, irakasle arduradunek haien ikasleak deitu dituzte. Bi orduz, harekin egon dira aurtengo plangintza ulertzeko. Beste orduetan, lanean berehala hasi dira.

Giro onean eta eguzkipean iragan dira jolas garaiak !

Kolegioa betea da ! Sartze on deneri ! Bihar asteburuan izango dira !

Irailaren 2an, ostegunez, seigarreneko ikasleen sartzea iragan da.

Kolegioko zuzendaria den Iñaki Lecuonaren harreraren ondotik, irakasle arduradunek gelako ikasleak izendatu dituzte eta haiekin ikusi ordutegia, zein irakasleak ukango dituzten, barne araudia ezagutu, kolegioa bisitatu, kutxan gunea deskubritu etabar...

Anartean, burasoei kafetxo bat eskainia izan zaie, haien arteko solasak trukatzeko eta barneko kezkak desagertzeko....

Goizeko 11:30ak alde, euskal musikaren giroan, kanpoan jolastuz harreman berriak egin dituzte.

Eguerdiko jolas garaian, kolegioko jantegiko sistema ezagutu dute eta lehen bazkaria partekatu.

Arratsaldean, hiru ordu kurtso ukan dituzte.

Sarrera on opatzen dugu kolegioko 85 ikasleei !!

Irailaren 2an, ostegunez, seigarreneko ikasleei berriei ateak idekiko ditu Ziburuko Piarres Larzabal kolegioak !!

Biharramunean bostgarren, laugarren eta hirugarreneko ikasleei ere ongi etorria emanen zaie !!

Mementuz, bazterrak lasaiak dira....

Uztailaren 9an, ostiralez, Brebetako emaitzak agertu dira : PLK ikasle guziek gainditu dute ! Zorionak !

21 ikasleek bikain aipamenarekin lortu dute !

21 ikasleek ontsa aipamenarekin !

13-k aski ongi aipamenarekin !

Batek aipamenik gabe !

Txalo bero bat deneri !

Uztailaren 2an, ostiralez, udako oporrak aitzineko eguna hirugarrenendako ikasle boluntarioentzat, Bigarren Mundu Gerra garaira bidaiatzeko aukera izan zuten Comete sarearen bidezidorretik ibiliz. Mendian ibiliz, Xan Berasategi HG irakaslearen hitzetan historia landu zuten naturan zuzenean.

1941 eta 1944 urteen artean, Belgikako nazien aurkako erresistentziak sortutako Comet sareak 800 bat hegazkin pilotu Pirirnoetako mugaren bestaldera eramatea lortu zuen, Bidasoa ibaia zeharkatuz.

Muga pasa eta, britainia kontsultatuak bidalitako taxi baten bitartez, pilotuak lehengo Madril eta gero Gibraltarrera eramanak ziren, handik hegazkinez Londresera itzul arazteko.

Parte hartu duten 42 kolegioko ikasleek pilotuek egindako ibilbide honen zati bat bete zuten, Urruñatik Bidasoaraino....

Eguraldia lagun, 14 kilometroko mendi ibilaldi eder honen ondotik, Pausuko Xaia ostatuan eskainia izan zaie bazkari goxo bat.

Azken egun hori ikasle horien memorioan egongo da segur ! Baita ere haiekin ziren helduendako !

Opor onak pasa eta bide on zuei !

Covid egoera horrekin, Kolegioko hirugarrenek ez dute hainbeste ateraldi edota bidaiak egin bai urte hauetan.

Brebeta froga pasa eta, bi egun berezietan parte hartzea proposatua izan zaie.

Uztailaren 1ean, ostegunez, UDPS64 elkarteari esker, PSC1 lehen sorrospenetako formakuntza eskainia izan zaie kolegioko hirugarreneko ikasleei egun osoan.

Talde handian, euskarazko teoria entzun dute eta talde ttikitan, pratika ariketak landu.

Gai desberdinak aipatuak izan zaizkie : biktimaren babesa, urjentziako telefono zenbakiak, nola segurtatu telefono dei baten informazio guztiak, itotzearen egoera, hemorragiarena, PLS postura, bihotz masajea, defebrilatorearen tresnaren erabipena eta beste !

Ikasleak adi egon dira, biziki informazio hartzaile, biziki baikor eta parte hartzaile ! Zinez !

Bihotzetik eskertzen ditugu Daniel, Andde, Ramuntxo eta Patrick !!!!

Azterketak euskaraz pasatzeko kanpaina erdian, murgiltze sistemaren aurkako Kontseilu Konstituzionalaren erabakia jakin eta, brebetako froga pasa ondoren, gure ikasleen zientzi kopiak baztertuak eta eramanak izan dira, euskaraz idatziak izan baitira.

Horren salatzeko, elkarretaratzeak antolatuak izan dira :

- Hiru egunetako blokeoa Donapauleko Amikuzeko kolegioaren aitzinean

- Uztailaren 1ean, manifestaldia Donapaulen.

Ikasleek azterketak euskaraz pasatzeko eta haien kopiak euskaraz zuzenduak izateko eskubidea aldarrikatzeko, 1500 pertsona inguru bildu da karriketan !!!

Kolegiotik ere otobus batekin, ikasleak, irakasle eta langileak baita ere famili batzuk parte hartu dute.

Borroka ez da bukatua, segi dezagun : Azterketak euskaraz !

Ekainaren 28a eta 29an, astelehen eta asteartez, kolegioko hirugarren guztiek haien DNB brebeta azterketa ofiziala pasa dute gure kolegioan.

Astelehenez, goizean ukan dute frantsesa : testu ulermena, berridazketa, diktaketa eta idazlana.

Arratsaldez, bi orduko matematiken froga.

Eguerdiko pausan, hirugarreneko ikasleak bilduak izan dira opari batzuen ukaiteko : lau urteko argazkien oroitzapen orri marka bat, bitaminak ukaiteko laranja jusa bat, euskarazko liburu bat eta lortu duten ASSR2 bide sekuritateko diploma !

Asteartez, goizean ukan dute Historia - Geografia - herritar heziketa azterketa.

Arratsaldez, zientziena.

Zientzi froga aitzin, hirugarreneko ikasleak eta ekipako kideak bildu dira azterketaren egoera salatzeko eta aldarrikatzeko.

Orain, ikasleek brebeta bukatua dute. Azken hitzorduak ostegun eta ostiralean finkatuak izan zaikie : PSC1 sorrospen formakuntza, mintzaldi bat eta biharramunean, Comete sareko mendi ibilaldia.

Bide on deneri, burua husten ahalko dute orain !

IEP gelako taldeak 2020 - 2021 ikasturte bereziari amaiera goxo bat emateko ateraldi polita antolatu nahi izan zuten.

Helburuen artean, heldu den ikasturtean kolegioa utziko duten ikasleei agurra ematea, IEP dispositiboa baliatzen duten ikasleen arteko harremanak indartzea, eta gure ingurunean diren baliabide naturalen ezagutza euskaraz egitea ziren ; horretarako proposamena Amaiur Alfarorekin itsasontzi ateraldia Hendaiatik egitea izan zen.

Ekainaren 25ean, ostiralez, eta eguraldia lagundurik, Miren, Larraitz eta Helenaren autoetan abiatu ziren Hendaiako portura Eneko, Iban, Patxi, Miguel, Enzo, Aiur, Aingeru, Martxel eta Jokin ikasleekin.

Hantxe zuten katamaran ederra zain, eta Amaiur Alfaro marinelak goxoki errezibitu zituen. Ontziari buruzko xehetasunak eta haien ibilaldiaren berri eman ondoren abiatu ziren.

Abiatu eta berehala Iban izan zuten lehen gidaria, eta banan banan, denek hartu zuten lema tarte batez.

Itsasontziaren aitzineko aldean sareetan etzanik, Miguelek eramandako kainaberarekin arrantzan, Amaiurren azalpen eta ezagutza interesgarriekin, kostaldeko paisai ederrekin eta denen umore onarekin loriatu ziren.

Bi oren et'erdiko itzulia egin ondotik eta Amaiur eskertu eta, Hendaiako hondartzara joan ziren piknikatzera. Errugbian aritu ziren ikasleak eta partitu aitzin, uretan sartu ziren bainualdia hartzera.

Kolegiora itzuli eta IEP gelan antolatu zuten bestaren azken prestaketak egin zituzten. Ikasturtean lagundu ztiuztenak eskertzeko gomitatuak ziren, eta bezperan ikasleekin egindako bixkotxak, matahamiak eta pastiza eskaini zituzten. Aiurren urtebetetzea ospatzeko aukera izan zuten, eta Martxel, Jokin, Maitena, Iban eta Patxi agurtzeko oparitto batzuk eskainiak izan zitzaizkien. 

Bukatzeko, 5.eko ikasleek beren ASSR1 diploma ukan zuten, eta kanpora jautsi ziren beste ikasleekin batera ikasturteari amaiera ematera.

Urtero, Surf Rider Foundation elkarteak "initiatives océanes" deitutako ekintza antolatzen du eta urtero, kolegioko ikasleek parte hartzen dute.

Ekainaren 25ean, ostiralez, haien azken egunean, bosgarreneko ikasleek Zokoako hondartzako bidea hartu dute.

Bertan, eskularruak ezarri eta, arroketan ala arean itsas bazterretako hondakinak aurkitu dituzte : gurpilak, gurpil uztaiak, arrantzarako sareak, botak, zigarreta mutturrak eta plastikoa orokorrean. Gero, denak elkartu dira kutxaduraren aztarna horiek aztertzeko, hondakinak sailkatzeko eta Surf Rider Foundation-ek egindako galdezketa betetzeko. Zabor guztiak Herriko Etxeko zikinontzi berezi batean ezarriak izan dira. Ingurumenaren aldeko ekintza hori betetzeagatik bosgarren guztiak zoriontzekoak dira !

Ondotik, hondartzan taldeak osatu dira jokoak egiteko (errugbia, futbola...) eta Untxin bazterrera hurbildu eta, lagunen artean piknikatu dute. Jolastu dira ere bai.

Kolegiora iritsi eta, ASSR1 bide sekuritateko diploma banatua izan zaie ikasle bakoitzari.

Azken eguna koloretsua eta eguzkitsua ukan dute ikasleek ! Prest dira oporretara joateko ! Txalo !!