Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Maiatzaren 17 eta 18an, "Ma langue au chat" konpainiako hiru ingles antzezle ordezkariei harrera egiteko plazerra ukan du Piarres Larzabal kolegioak.

Bosgarren, laugarren eta hirugarreneko ikasle guztiek ingelesez osoko landurik eta eguneroko bizitzako gaiak lantzen zituzten tailerretan parte hartu zuten.

Murgiltze dibertigarri baina zorrotza, ikasleei bi orduz baino gehiago ingelesez trukatzeko parada eman duena.

Gure ikasleak liluratu duen esperientzia aberasgarria izan da eta ziur, datorren urtean errepikatuko dena.

Thanks / milesker Bu, Peter eta Kirstyri !

Piarres Larzabal kolegioko Euskaraz bizi ikasle taldeak "PLK olinpiadak" antolatu ditu.

Haien helburua ikastetxearen aire hartzeetan euskara hedatzea da eta elkarrekin ondo pasatzea euskaraz jolastuz.

Laugarren eta hirugarreneko sei taldeek parte hartzen dute eta froga ezberdinak egingo dituzte astez-aste : zaku lasterketak, lokotx bilketak, zapi-zapi...).

Ostegunetan, bazkal ostean, jokatzen dute.

Bi sari banatuako dituzte  : bi talde txapeldunari eta bestea talde "ahobizienari".

Haien asmoa urtero egitea sa, 6-5 eta 4-3 mailekin. helduek ere parte har dezakete.

Euskarak 365 egun

"Zer gertatuko litzateke... mundua aldatuko balitz.

Zer gertatzen da, haiek babesteko, emakumeei lagundu gabe ateratzea eragotziko balute ? Gizonak eta eazteak bereizten baditugu.

Zer gertatzen da, hiru neska dituen familia batean, karrikara ateratzeko, erosketak egiteko... nesketatik bat, Printzesa, muttikoz mozorrotuko balitz, besteentzat muttikoa bihurutko balitz. Jimmy Fisher bihurtuz gero. Zer gertatzen da Printzesa Jimmy izatea gustuko izango balu ? Ematen dion askatasuna ?

Nola aurkituko dute lekua beste bi ahizpek, Regina eta Stellak, txandaka ?"

Hona hemen gure seigarreneko ikasleek Luhosoko Harri Xuri gelan, maiatzaren 10ean, asteartez, ukan zuten ikuskizuna zorrotz honengatik, zeinaren gaia hurrengo klaseko saioetan eztabaidatuko dena.

Maiatzaren 8an iragan den Herri Urratsen, pegatinak saltzeko motibatu dira kolegioko 117 ikasle !!!! Bikain !

Goizeko 9:30 eta 13:30ak artean, pegatinak eta kutxak eskuetan jaso eta, lakuaren itzulia egin dute lagunen artean, haiek finkatutako kuadrila eta ordutegia errespetatuz, jendeari pegatinak proposatuz eta diru kutxak betetzen saiatuz.

Bestalde, ikasle batzuk "brebeta euskaraz" tixertak saltzen aritu dira, gure borroka eta aldarrikapenak aitziraren inguruean agertzeko !

Maila guztietako ikasleek parte hartu dute, giro onean, motibaturik eta lagunen artean elkartuz !

Txalo bero bat zinez ikasle guzti horiei !

Seigarren eta bosgarreneko ikasleek bertso saio baten ukateko parada izan dute lizeotik etorritako hiru bertsolariekin : Haize Lecuona Blanco, Haira Aizpurua Ibargarai eta Irantzu Idoate Funosas, eta gure kolegioko Unax Aizpurua Ibargariekin. Aimar Karrika animatzaile paregabeak giroturik !

Urtarriletik landa, gela bakoitzak bertsolaritzako 6 saio ukan ditu euskara klaseetan Aimarrekin eta apirileko saio hau lanketa baten fruitua izan da. Ikasleak ikusle bilakatu dira, tarteka bertan parte hartuz.

Mementu goxo eta alaia izan da bertsolari gazte hauen umoreari esker eta hitz jokoek alaiturik !

Milesker gure bertsolari komitei !!

Maiatzaren 3ko astean, kolegioko ikasleak elkartu dira IDZtan ala kanpoan goizeko jolas garaian....

Herri Urrats aitzin, joko desberdinak antolatuak izan zaizkie : karaokea, "blind test" gisako jokoa, urte desberdinetako herri urrats kantuen inguruan...

Ikasleak pozik hurbildu dira eta parte hartuz, KD-ak eta txapelak irabazi dituzte !

Txalo bero bat hurbildu diren guztiei !

Apirilaren 13an, asteazken gauez, burasoei bigarren mintzaldi bat antolatua izan zaie kolegioko IDZtan. Andrea Aranguren pzikologoak du kudeatu bigarren gai hori : "Burasoak - Seme/alabak - Telefonoa : nola elkar ulertu ?", lehen gaia zelarik : "Telefonoa bai / ez ? Noiz ? Nola ? Telefonoaren erabilera sustatzen".

Lehen parte batean, zuhaitz genealogiko baten bitartez, burasoek famili egoera desberdinak bizi izan dituztela zehaztu du Andreak : lehengo etxeko erritmoa, haurrek burasoak laguntzen zituztela... Gaur egun, burasoak lanean dira, aktibitateak dituzte eta beti eskuin ezker dira, ez dela batere ber bizi erritmoa. Bat batean, bikotearen krisia sortzen dela....Haien burasoak lagundu behar dituzte eta ber mementuan haur / nerabeen krisia bizitzen dela, eta hori bakarrik ikusten dutela. Telefonoa gaur egun denen eskuetan da, baina haurrena ikusten da bakarrik ere !

Bestalde, gaurko nerabeek noiz eta nola erabiltzen duten telefonoa oroitarazi die eta zein portaera erakusten duten : jarrera aldaketa, gorputza aldaketak, afirmazioak, esaldi motzak, isolamendua (ganbaran eta komunetan bereziki). Hiru dolu egin behar dituzte gazteek eta ber mementuan telefonoak berehalako erantzuna badu !

Ondotik, bi gai aipatu ditu :

- SHARENTING : burasoek seme/alaben irudiak igotzen dituzte noiztenka facebooken eta instagramen adibidez, baina adin batetik goiti, haurrek ez dute gehiago agertzeko gogorik burasoen sare sozialetan.

 -ESPIE : haurraren telefonoa klonatzeko aplikazio bat da, orain da bakoitzari ikustea zer den hoberena : dena jakitea ? konfiantsa galtzea ?

Segitzeko, bideo baten bitartez, nerabe baten telefono erabilpen abiadura azkarra ilustratu die, bi minututan 30 pertsonekin harremanetan jartzen ahal dela, edota denbora guztian dela harremanetan. Kasu, bada "sexting" fenomenoa ere bai : argazki intimoak bidaltzen dituzte elkarri (%93k egiten duela). Gaur egun, intimitateak balorea galdu du. Inportantea da gaztearekin hortaz hitz egitea (bideoen bitartez hobe). Gazteen arteko etengabeko elkarrizketa garrantzitsua da berarendako : fite erantzuten du, etengabeko harremana behar du. Burasoek zertan laguntzen ahal dute ? Aipatuz tresnaren balioa aipatuz, hiru babesak direla ikasketak - loaldia eta familiekiko harremanak eta inportanteena, gazteak senditu behar dute burasoen arteko adostasuna (arauak, konstante koeherentzia, kentzearen zigorra, ordu kopuruaren baimena, aplikazioen kargatzea...). Eta horrela, hastapeneko bikotearen krisia bilakatzen da bikotearen adostasuna, haurrarekin hitz eginez, nahiz eta noiztenka kataskak izan, noski.

Orokorki, berrogoi pertsona hurbildu ziren eta denak pozik atera ziren, haien galderak egiteko aukera ukan zuten ; interesgarria zen ! Milesker Andrea ! Eta milesker EEPri kaskoendako, horri esker, mintzaldiak euskaraz soilik iragan dira, bat bateko itzulpenari esker.

Oporretara joan aitzin, seigarreneko ikasleek pubertaroari buruzko saio berezia ukan zuten biologiako irakasleekin.

Neskak alde batetik eta mutilak bestetik lotsak bazter batera uzteko eta bururatzen zitzaizkien galderak lasai botatzeko, pubertaroa zer den eta eragiten dituen aldaketa fisiko eta pzikologikoei buruz hitzegiten aritu ziren.

Garai nahasiak gure nerabeentzat.... Eta gurasoentzat !

JUUL hauteskundeak iragan dira apirilaren 11, 12 eta 13an.

Hauek dira Euskal Herriko ikastoletan bozkatuen atera diren ipuinak edo liburuak, hala nola, bozktuen izan diren ilustratzaileak.

Informazio gehiago : www.juulkanpaina.eus.

Gure ikastetxeko emaitzak hemen klikatuz aurkituko dituzue.

Gomita luzatzen dizuegu zuen herrietako liburutegietara joatea.

Ea opor hauetan irakurtzen gozatzen duzuen....

Apirilaren 7 eta 14an, bi ostegunez, laugarren urtekoak baionako Euskal museora eramatea erabaki dute Arte eta Historia irakasleek.

Historian, programan sartzen den "Komertzio handia, esklabutza eta beltzen tratularitza XVIII. mendean" gaia aipatzeko aukera izan dute ikasleek. Izan ere, museoan, 1805an Baiona erakusten duen maketa bat bada.Horren inguruan, Baionako portuaren garrantzia zein izan den ikusi dute, baita komertzio handi eta beltzen tratularitzan izan duen errola ere.

historiaz gain, Euskal arteko bilduma aztertu nahi izan dute. Ondoko obrek bereziki haien arreta piztu dute : Marie Garay, Besta berriko prosezionea Bidarrain, 1899 - Perico Ribera, Fandango Donibane Lohitzunen, 1900 eta 1930 - Gustave Colin, Pilota partida Hondarribiko harresipean, 1863 - Jorge Oteiza, Espazio definitu baten antolaketa . Hiperspazial kontrola, 1957.

Horrela, euskal ondarea, immateriala (hutsa) edota inpresionismoa landu duten artista batzuen obra originalak ikusteko aukera ukan dute.

Bukatzeko, eskerrak Baionako Euskal Museoari eman diguten harreragatik baita kolegioko 4.eko ikasleei erakutsi duten interesagatik ! Milesker ateraldi hau posible egin duten guztiei !