Urriaren 17an, ostegunez, kolegioko ikasle eta heldu guziendako egun berezia iragan da : Nahiera eguna #1 !!!

Osteguneko ordutegia guztia bermoldatua izan zaie !! Aste bat lehenago, ikasle bakoitzak hautatu zuen zein tailerran parte hartu.

Hona hemen zein aktibitateak proposatuak izan zaizkien : 

Goizeko lehen bi orduetan : 

Mus karten ikastaroa, enquête policière, xake mate, erromatar zenbakiak, kantu loto, karta mentalak, numbers, la escoba, deviens scénariste, ahozkotasuna, zifrak saltsan, esperientzia eroak, irrati tailerra, sorospen ikastaldia.

Goizeko azken bi orduetan : 

Enquête policière, numbers, esperientzia eroak, Xake mate, sorospen ikastaldia, desafioak, asesinato en la pizzeria, zifrak saltsan, kantu loto, deviens scénariste, karta mentalak, erromatar zenbakiak, ahozkotasuna.

Goiz osoko tailerra : josketa

Egun osoko tailerrak : arraunketa, elektronika, aniztasuna, arbol liburutegia

Arratsaldeko bi orduetan : 

Ezetz lortu ? numbers, deviens scénariste, xake mate, zifrak saltsan, origami, asesinato en la pizzeria, karta mentalak, sorospenak, desafioak, erromatar zenbakiak, esperientzia eroak, ahozkotasuna.

Egun berezia, dinamikoa eta aberatsa ! Kolegioak beste itxura bat hartu du eta ikasleak oroituko dira luzaz !!

Lehen saioko eskulan tailerra ongi abiatu da, arraskatatsua izan da, ondorioz hiru taldeetan ibili dira.

Tinta akrilikoa, feutra ezabaezinak, kortxoak, egur flotatuak izan dira erabilitako materialak...

Apaingarri ezberdinak ere gehituak izan dira, hala nola, sokak, perlak, hizkiak, etabar...

Argazkietan ikusiko duzue 6. eta 5.eko artista ttikien lan zati bat !

4. eta 3.eko gazteekin aldiz, kolegioaren onerako aritu dira...

Aulki berriak muntatzen eta zaharrak desmontatzen eta kolore urdinez tintatzen aritu dira...

Ikasleak motibatuak eta bide horretan segitzeko prest agertu dira.

AUPA IKASLE BRIKOLATZAILEAK !!

Urtero bezala, kolegioko ekipa pedagogikoak urte hastapeneko egonaldi bat proposatu kolegioko 97 seigarreneko ikasleei. Hiru egunez, Orioko Txurruka aterpean egon dira euskarazko giro batean murgildurik, elkar hobeki ezagutzeko helburua hartuz, ikastola desberdinetatik heldu baitira (Sara, Senpere, Azkaine, Bidarte, hendaia, Urruña...).

Urriaren 7an, astelehenez, txirrina jotzean, maletak elkartuz, deia egin ondoren, seigarreneko ikasleek Orioko bidea hartu dute. Orioko Txurruka aterpera sartu eta logelaka instalatu dira haien lagun berriekin, kirol eremu zabalean jokoetan aritu, eta bertan antolatutako elkar bizitza jokoetan parte hartu dute : xifumi lasterketa, ping pong, petanka - molky, marrazk'ipuin-gizotso, base futbola... Eguerdiko piknika partekatu ondoren, teniza pare on bat ezarri dute Orioko hirira oinez joateko. Portuaren bazterrean, talde ttipitan ezarri dira argazki ibilaldi baten egiteko eta bertako mounmentuak eta pertsona famatuen ezagutzeko : Jorge Oteiza, Benito Lertxundi, Endaia etxea, Orioko arraun klubaren logoa... Ondotik aterpera itzuli dira denbora librean jolastatzeko, dutxa hartzeko, gaubeila prestatzeko eta afaltzeko.

Biharramunean, urriaren 8an, asteartez, ongi gosaldu, teniza pare on bat ezarri eta, Oriotik Zarauzera oinez joan dira hondartzara iristeko. Bertan, talde ttipitan banaturik, "Zarauz'express" jokoa egin dute : mapa bati esker, orientazioa landu monumentu desberdinak aurkitu eta izendatu dituzte. Ibilaldi honen ondotik, elgarrekin piknika erraldoi bat partikatu dute. Arratsaldez, geltokira joan dira Eusko tren topoa hartzeko eta Oriora itzultzeko... Hau desafioa ! Gehiengo batek lehen aldikotz bere txartela konpostatu du eta treina hartu du ! Egun hori fisikoa izanki, aterpera itzuli dira jolastatzeko, pausatzeko, dutxa hartzeko, afaltzeko eta gaubeila antolatzeko.

Urriaren 9an, asteazken goizean, materiala bildu eta, Zestoako bidea hartu dute, bi taldeetan banatuak izan dira bi aktibitate desberdinetan aritzeko : Alde batetik, Erdi Aroko Lili jauregiaren bisita egin dute ANdere Madalenari esker. Antzerkitxo baten moduan aurkezturik, "zerbitzari berriak" deitutako ikasleak gelaz gela ibili dira bere familiako istorioa entzunez. Gaztelu honen inguruan den erreka eta oihanaren bazterrean, ingurumen paisaia aztertzeko eta hosto desberdinak aurkitzeko parada ukan dute talde ttipika, urratsez urrats ibiliz.... Bestalde, Ekainberri leizeetara hurbilduz, bertako tailer gelara sartu dira batzuk, garai hartako margolaritza edota sua nola egiten den ikasteko eta ehiztari ttipiak bilakatuz, arkuaren erabilpena eta lantza botatzearen ariketa eginez. Azkenik, leizeetako arroketan agertzen diren margoak, bereziki zaldiak, hurbiletik aztertu dituzte.

Egonaldi guztian, oroitzapen liburuxka bat betetzen aritu izan dira. Arratsaldeko 4ak alde, kolegiora iritsi dira. Bukatzeko, gure ikasleek ikasturte hastapen honetan, harreman biziki azkarrak lortu dituztela egonaldi honi esker ondoriozta dezakegu, motibagarriak ziren aktibitate eta amorratuak ziren animatzaile guziei esker. Esker bereziak ematen dizkiogu Anne-Marie, gure erizain lanpetua eta gisakoari !!

Joan den urriaren 4an, goizeko jolas garaian, Urruñako gazteak eta nahi zutenek bildu dira kolegioko IDZtan, Urruñako Gazte guneko Leire animatzailea haiengana etorri baita.

Lehen parte batean, gazte gunearen antolaketa eta helburuak aurkeztu ditu, oporraldietako aktibitateen eskaintza baita ere orientazio mailan proposatutako zerbitzua.

Azken parte batean, "junior association" delakoa azaletik presentatu die ; Elkarte gisa biltzen ditu herriko gazteak haien proiektuak martxan jartzeko eta lortzeko.

Milesker ainitz zuri Leire eta etorri diren ikasleei !

Iraila bukaeran, ADOENIA elkartearen eskutik hainbat informazio eta solas saio ukan dituzte 6.eko ikasleek.

Ikasleak talde tipitan elkartu dira ADOENIAko hezitzaileekin. Honela errazago tratatu ahal izan dituzte hainbat gai, hala nola jazarpena, 6.ean sartzen dituzten kezkak, ikasleen arteko harremanak, sentitzen ahal diten ezinegona, etab... Solasaldi horietan, lehen mailako ikastoletako bizipenak aipatu dituzte ikasle batzuek eta baita ikasturte hasieran harremanetan ukan dituzten zailtasunak.

Saio horietan, kolegioko ekipan ikasleengandik hurbil-hurbil ari garen beste profesionalak aukreztuak izan dira ere : Solasgunea Alicekin (Seaskako pzikologoa), irakasle tutoreak, hezitzaileak eta beste... 

Adoenia elkartea aurkeztua izan da : ikasleak eta familiak laguntzeko helburua duen egitura, Hendaia, Donibane Lohizune, Kanbo, Baiona, eta hainbat herritan permanentziak dituena. Familia guztiari irekia da Adoenia : xehetasunendako klikatu hemen.

Horrelako solasguneak ukaitearen garrantziaz ohartzen gira eta hurrengo ikasturtean ere antolatzen saiatuko gara.

Aurten ere, 3.eko ikasleek sexualitateari buruzko prebentzio tailerra ukan dute ARSA elkartearen eskutik.

Hiru ostegunez iragan diren tailer horiei esker, gazteek informazioa lortzeko parada ukan dute. Baita ere gai horri buruz dituzten galdera guztiak pausatzeko.

ARSAko hezitzaileen erranetan, gogotsu parte hartu dute ikasleek. Nahiz batzuk hasiera batean erabe agertu, galderak pausatu eta solasaldi interesgarriak ukan dituzte. Besteak beste eritasunak, kontrazepzioa, babestea, errespetua, homosexualitatea eta bisexualitatea bezalako gaiak izan dituzte hizpide. Informazio liburuxka banatuak izan dira ere.

Esperientzia errepikatzekoa da. Tailer hauek bestalde osatzen dute biologia ikasgaian ikustekoak diren gaiak.

Azarotik abendura, 4.eko ikasleekin antzerkia landuko dute.

PAC proiektuaren barne, Zaldi Urdina antzerkiaren inguruko lanketa hasten dute 4a gelarekin, azarotik goiti.

Anartean, urriaren 3an, ostegunez, Luhusoko gelan iraganen den antzerkiaren azkenetariko errepika baten ikusteko aukera izan dute 4Akoek, Xalbador kolegioko bi 3.eko klaseekin batera, zinezko aurkezpen publikoa itsoin arte, abenduan iraganen dena.

Saioaren bukaeran, aktoreekin elkarrizketa ttipi baten egiteko aukera ukan dute.

Antzerkiaren bidez hainbat gai ezberdin landuko dituzte, hala nola, familiarena.

Tailer ezberdin batzuetan, idatzia (antzerkiarena) zein taularatzea landuko dituzte.

Zaldi Urdina, Artedrama, Dejabu, Axut-en aurkezpena ikusteko, hemen klikatu.

Irailaren 26an, ostegunez, 4B-ko ikasleak Bidaxuneko Abian antzerki festibalera joan dira arratsean. Han, Jour de fête konpainiarekin Projet Laramie ikusi dute.

Estudio egin eta krakada hartu ondoren, autobusan igo dira eta 7etan, ikusgarria hasi da.

Biziki emanaldi unkigarria izan da. Momentu bikaina pasa dute.

Ondotik, urriaren 3an, Ludo Estebesteguy, konpainiaren zuzendaria, kolegiora etorri da ikasleak ezagutzera, antzerki tailerrak animatuko dituelako haiekin, ekainan zehar.

Irailaren 22an, igandez, hitzordua zen kolegioan ere bai, kolegioko 20. urtemuga ospatzeko.

Goizean, burasoak aritu dira dena muntatzen ahal bezain egun atsegina denok pasatzeko gisan.

Eta nola ! Aperitifa denboran, jendea hurbildu da Kuxkuxtu txarangak alaitzen zuen bitartean....

Ondotik, denak aterpearen azpian bildu dira bazkari on baten inguruan.

Jan aitzin, Odei Barroso ikasle ohia eta Xumai Murua bertsolariek publikoa irriarazi dute jatorrizko bertso batzuk emanez.

Bazkari denboran, Kuxkuxtu txarangak eskaini dituen kantuei esker, aterpea girotu da kantuz kantu.

Eguna bukatzeko, ezker paretan zen hitzordua, kalitatezko kantalditxo batendako, Bost Axola taldearekin (3 ikasle ohiak barne).

Egunean zehar, haurrak jolastu dira pozik, kolegioak beste itxura bat hartu baitzuen. Zinez egun polita, eta oroitzapenez beterik !

Txalo bero bat buraso antolatzaileei eta milesker etorri diren atzo eta gaurko buraso, ikasle eta lankide guztiei !!

Irailaren 17an, asteartez, burasoendako sartze bilkura iragan da arratsean.

Lehendakariak harrera hitza egin du burasoei, urte honetako data nagusiak emanez, haien laguntza beharrezkoa dela azpimarratuz.

Ondotik, Zuzendariak du segida hartu gaualdia nola iraganen den esplikatuz eta hartua den euskara eta Seaskaren hautua azalduz.

Mailaka, burasoak banatu dira geletan ; Han bertan, irakasle arduradunek ongi etorria egin diete eta aurkeztu aurtengo programazioa, proiektuak, antolaketak...

Bilkurak buraso arduradunen izendatzeekin amaitu dira.