Zenbakien lasterketa....

Azken egun arte ikasleak mobilizatuak izan dira lanean egoteko. 

Hirugarrenendako brebeta berrikuspenak !

Ekainaren 18an ostegunez, ekainaren 19an ostiralez eta ekainaren 22an astelehenez hirugarrenendako bi orduetako berrikuspen saioak antolatuak izan zaizkie hirugarreneko ikasleei.

Brebetari begira, frantsesa, HG, zientziak eta matematiketan azken trebatzeak eta aholkuak izateko parada ukan dute, ikasgai bakoitzari lotutako irakasleei esker.

Bestalde, arnasgunea batzuk pentsatuak izan dira haiendako : kirola, Untxin bazterrean denbora librea, piknika...

Nahiz eta ez beti erreza izan, azken egunetako berotasunarekin, ikasleak etorri dira serioski lan egitera !

Azken txanpa da... hitzordua ostiral honetan brebetako lehen frogarendako !

Bosgarrenak Nafarroan ziren !!

Ekainaren 19an eta 20an, kolegioko 5. mailako ikasleak Nafarroara joan ziren bi eguneko egonaldira.
Goizeko 9:00etan kolegiotik abiatu, eta 11:00ak aldera Leireko monasterioa bisitatu zuten; bertan bazkaldu zuten ere. Arratsaldean, 14:00etatik aurrera, Erriberri ezagutu zuten Karlos III.a Noblearen jauregia bisitatuz eta joko-pista baten bidez hiria deskubrituz. Alde Zaharreko karriketan barna ibili ziren, eta Andra Mari elizako tinpanoa aztertu zuten, joko-pistak proposatutako erronkei esker.
Ondoren, Erriberritik Mendigorriako Errota kanpalekura joan ziren. Han, bero handitik ihesi, igerilekuan freskatzeko aukera izan zuten, baita lagunen artean errugbian, futbolean eta tenisean aritzeko ere.
Biharamunean, Jondoni Jakobeko Bidea izan zen eguneko ardatza. Gosaldu ondoren, Eunateko eliza bisitatu zuten, eta handik Garesera joan ziren. Erromesen oroitarritik abiaturik, hirian sartu eta hura zeharkatu zuten oinez, zubi ospetsuraino iritsi arte.
Garesko zubi erromanikoaren ondoan piknika egin ondoren, Nafarroari agur esan eta Ziburura itzuli ziren, bi egun ederrez gozatu izanaren pozarekin.

Mus lehiaketako finalak iragan dira !!

Ekainaren 15an, ostiral eguerdiz, bazkaltzeko garaian eta kanpoko eremuan, 6. / 5.eko finalak antolatuak izan ziren :

Printzipalan, 5.eko Amaiur Aldana eta Hegoa Biscay aritu dira 6.eko Gabi Viquendi eta Amets Onchaloren kontra. Bi mantxak irabaziz baten aurka, neskek dute boina etxera eraman. Bi ekipak sariztatuak izan dira, Zokoako buia tiratua bono bat bakoitzari eskainia izan zaie uda honetan freskatzeko.

Kontsolantean aldiz, 5. eko Haizea Celayeta eta Emiliana Niquet aritu dira 6.eko Eider Berrouet eta 5.eko Ilargi Garayen aurka. Ilargi eta Eider txapeldunak izan dira eta ekipak sariztatuak izan dira, Zokoako buia tiratua bono bat ere bai.

Ekainaren 16an, astearte eguerdiz, bazkaltzeko garaian eta kanpoko eremuan, 4/3.eko finala antolatua izan da :

Printzipala sailan, 3.eko Amane Viquendi eta Lou Quatrevieux, Xalbat Otaño eta Robin Saplairolesen aurka aritu dira.... Bi mantxak irabazi dituzte mutilek, neskek bat gainditu dutelarik. Partida bukaera arte suspenzioa mantendu da mantxa bana baitzuten ekipa bakoitzak. Azken mantxan, 3.eko mutilek abiadura azkartu dute, partida eraman dute eta txapela ere bai ! Bi ekipek Urruñako Oihana accrobranche egiteko bono batekin sariztatuak izan dira.

Kontsolantean, 3.eko Ally Etchelecou eta Laia Alvarezek bi mantxak irabazi dituzte 4.eko Romane Abadie eta Lili Ithurbisquen aurka. Lauak sariztatuak izan dira ere bai, accrobranche bono batekin.

Txalo bero bat txapelketa horretan parte hartu duten ikasle eta heldu guztiei !!

Goresmenak finalistak ziren ikasleei !

Hitzordua dugu heldu den urtean !

PLK-ko irakurzale kluba Kaskarotenean irakurle !

Ekainaren 16an, astearte goizez, Antxeta Irakurzale Klubeko ikasleak, ikasturteari amaiera berezi eta ezti bat emateko, Kaskarotenea ikastolara joan ziren ttipiei ipuinak kontatzera.

Kolegio guztia zinemara #3 !! Azkena !!

Ekainaren 15ean, astelehen goizean, ikasgelaka deia egin eta, ikasle guztiek otobusa hartu dute Donibane Lohizuneko Le Select zinemara joateko.

Urteko azken "Kolegioa zineman" iragan da, 2023an Makoto Shinkaik argitaratu duen "Suzume" proposatutako filmarekin.

Sinospia : "Kyushuko herri txiki eta lasai batean, Suzume, 17 urteko neskak, gizon bat ezagutu du. Gizon horrek dio ate baten bila dabilela. Mendira joatea eta segitzea erabaki du. Hondakinen artean aurkitutako ate hondatu bat irekitzea erabaki du... Ezin azalduzko bultzada bati amore emanez, Suzumek heldulekua biratu zuen eta, orduan, Japoniako lau bazterretan ate gehiago ireki ziren, barnean zituzten hondamendi guztiak pasatzen utziz. Gizakia formala da : zabalik den ate oro itxi egin behar da. Suzume galtzen da, izarrak, ilunabarra eta egunsentia den tokian, denbora guztiak nahasten diren zeru-gangan. Misterioz betetako ateek gidatuta, bidaia bati ekin dio, guztiak ixetko asmoz....."

Suspenzio filma horren ondotik, denak kolegiora itzuli dira, bai kurtsoekin segitzeko bai frantses kurtsoetan haien emozioak eta erreakzioen partekatzeko.

Ikasturte osoan, harrera ona egiteagatik eta filma guzti horien antolatzeagatik, Le Select zinemako ekipa guztia eskertzen dugu, Xabi bereziki !!

Mus txapelketako laurdenak eta final erdiak.... finala aitzin !

Maiatza eta ekaina zehar, kolegioko 6/5 eta 4/3.eko mus lehiaketako laurdenak eta final erdietan aritu izan dira multzoetako ekipa guztiak.

Alde batetik printzipala partidak iragan dira eta bestalde, kontsolantekoak.

Ikasleen parioak eta hunkitu dituzten kartei esker, batzuk finalerako txartela lortu dute, besteak, aldiz, eliminatuak izan dira...

Txalo bero bat parte hartu duten guztiei !

Zaragozan ziren laugarrenak !

Aurten laugarreneko ikasleak Zaragozan izan dira.

Ekainaren 8tik 12ra bitartean egon dira, aukera paregabea izan dute hango kultura eta hizkuntza hurbiletik ezagutzeko, gauez familietan egonik.

65 ikasle joan badira ere herri berera, zenbait jardueratan bi taldetan banatu dira, hala nola txirrindularitza ibilaldian, rapel iniziazioan eta zeramika tailerrean.

Aurten, Aljaferíako aurkezpen  lana ikasle eta giden esku egon da, eta haiek ardura handiz eta seriotasunez bete dute beren zeregina. Beste bisita batzuk, esaterako, Goya museokoa edo Muel herrikoa, aditu batek gidatu ditu.

Egunero, lagunekin herrian zehar ibiltzeko denbora izan dute eta giro ederrean ibili dira. Momentu goxoa izan da ere La Pinedako Aquopolis parkean, izan den beroarekin oso eskertuta!

Orokorrean, dena oso ongi joan da, eta bai ikasleek bai irakasleek izugarri gozatu dute esperientzia.

Motibazioz gainezka itzuli gira, datorren ikasturtean berriz egiteko prest!

Bigarren brebeta xuria pasa dute hirugarrenkoek !

Urtero bezala, garai honetan, hirugarreneko ikasleei antolatua izan zaie bigarren brebeta xuria kolegioan bertan.

Ekainaren 11an, ostegunez, goizean pasa dute 2 orduko matematika froga eta arratsaldean ordu bateko zientzietako froga.

Biharramunean, ekainaren 12an, ostiralez, frantsesaren froga lau orduz : testu ulermena, berridazketa, diktaketa eta idazlana, eta arratsaldean, Historioa - Geografia - IMH froga bi orduz.

Azterketaren egiazko baldintzak bizi izan dituzte ikasleek eta denbora herena dutenek ere bai.....

Laster egiazkoa orain.... azken txanpa !

Udaberriko eskulanak !

Udaberri honetan, ikasle multzo batek segitu du biltzen, astelehen eta ostegunetan, jan ondotik, eskulanetan arituz....

Udaberria iritsi zaigu, eta udaberriarekin batera loreak eta kolore biziak.