Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Martxoaren 16an, astelehenez, bazkaltzeko pausan, Urruñako Kirol zerbitzua eta Gazte gunea zerbitzuetko arduradunak diren Eñaut Larretche eta Andoni Ostiz hurbildu dira Urruñako ikasleekin elkartzeko.

Lehen saioan, kolegioko seigarren eta bosgarrenekin bildu dira eta ondotik, laugarren eta hirugarrenekoekin.

Saio horietan, apirileko oporretan proposatzen duten animazioen egitaraua aurkeztu dute, izenak emateko garaia baita.

Milesker Andoni eta Eñaut

Kontaktuak :

- Kirol zerbitzua : Eñaut : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 05 59 85 94 26 / 06-18-77-72-54

- Gazte gunea : Andoni : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 06.59.97.67.09

Izen emaiteak : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Martxoaren 13an, ostiralez, arratsaldeko 1:45etan, Urruñako Herriko Etxeko Euskara zerbitzuko Ione Josie eta Eñaut Larretche kolegioko IDZtara etorri dira 3.eko ikasleekin mintzatzea, uda honetan antolatzen duten Mugaldeko egonaldiari buruzko xehetasunak emanez.

Udaleku honetan, 2011-2012 urteetan euskaraz ari eta sortutako gaztetxoek parte hartzen ahalko dute.

Jarduera honen xede nagusia muga administratiboak gainditzea da, eta helburu zehatzak honakoak dira:

  • Iparraldeko eta hegoaldeko gazteen arteko harremanak eraiki eta sendotzea.
  • Euskara eta euskalkiak ezagutu eta praktikatzea.
  • Parte hartzea bultzatzea.
  • Euskal Herriko hainbat txoko ezagutzea natura, kultura eta kirola ardatz hartuz.

Egonaldiaren ordutegian finkatuak dira : elkar ezagutze jokoak, oinez ibiltariak, bisitak, surfa, artistekin topaketa : Amets Arzzallusekin Miñan liburuaren inguruan eta Odei Barrosorekin rap - freestyle tailerra, arbolismoa, igerilekua..

Uztailaren 13an, Arantzatik abiatuko da, Oiartzun eta Urruñatik pasatuz, uztailaren 19an eguerditan, Saran bukatzeko.

Izenak online egingo dira eta horretarako epea martxoaren 31a arte. Toki kopuru mugatua izanen da eta gehienez ere 40 gaztek partzen ahalko dute. Udalekuaren prezioa 175 eurokoa da. 

Milesker Ione eta Eñauti hainbat azalpenak emateagatik !

Martxoaren 12an, bi urtero bezala, korrika kari, kolegioko irrati estudioan, Korrika'irratia antolatzen da Donibane Ziburuko AEK-ko ikasleak eta haien irakaslea komitatuz.

Eguerdiko pausan, 13:00etatik 13:40ak arte, seigarreneko Lur, Haizea, Margot eta Malenek harrera eman diete, galderak pausatu eta jokoak animatu.

Lehen parte batean, AEK-ko kideen aurkezpena egin eta, bakoitzak bere lekukotasuna emateko aukera ukan du, hainbat galderei erantzunez : zer da AEK ? Zergatik euskara ikasi nahi zuten ? Zer da zailena eta errexena ? Noiz pratikatzen duten euskara ? Zer da korrika ? Parte hartu edo hartuko duten ? ... Eta haien saioa bukatzeko quizz ttipi bat proposatu diete Euskal Herriko pronbintzien izenak eta haien hiriburuak oroitarazteko helburuarekin.

Bigarren partean, kolegioko kanpoko eremuan emankizuna ongi entzun zutenendako, 10 galdera pausatuak izan zaizkie bertan ziren sariak irabazteko : kamisetak, txapak, giltzeroak, kazketak eta pegatinak !

Giro bikaina izan da bai irrati saio denboran baita ere kanpoko lagunen parte hartzearekin.

Galtzaile ala irabazlea izanez, parte hartzaile guztiak eskertuak izan dira, etorri diren komitak ere bai. Txalo Lur, Haizea, Margot eta Malen irrati kazetariei !

Txalo ere bai etorri diren AEK-ko Didier, Annie, Xabi ikasleei eta Maittu haien irakasleari ! Segi mintza pratikan eta euskaraz gozatzen !

Piarres Larzabal kolegioko 6.eta 3.eko ikasleek, euskara kurtsoetan bertsolaritza eta ahozkotasuna lantzeko helburuarekin, Bertsularien Lagunak elkartetik etorritako Mae Lascaray bertso irakaslearekin sei saio igaro dituzte.

Lanketa horri bukaera polit baten emateko asmoz, martxoaren 12an, ostegunez, bertso-saioa ukan genuen kolegioan, Maddalen Arzallus eta Xermin Camblong bertsolarien eskutik.

Ikasleek kurtsoetan ikasitako doinu eta joko ezberdinak bat-batean gozatzeko parada paregabea ukan zuten.

Milesker Mae, Maddalen eta Xermin !

Martxoaren 10ean, asteartez, Jean Jacques eta Mayalen Borda, Txik Txak Euskal Hirigune elkargoko garraio ordezkariek hitza hartu dute, ordu batez gelaka, seigarren eta bosgarreneko ikasleekin, autobus prebentzioa eginez, informatuz eta sensibilizatuz.

Autobusa etorri aitzin, barnean direlarik eta kolegiora iristean nola portatu behar diren ikasleak adierazi diete : ikaslearen portaera, materialaren errespetua, uhalaren inportantzia eta kartaren garrantzia eman die. 

Lekukotasun eta bideo desberdinen bitartez, ikasleei sekuritatean izateko aholkuak emanak izan zaizkie.

Azpimarratzekoa da gela guztietan, ikasleak adio egon direla eta bizki baikorki parte hartu dutela.

Milesker Txik Txak Euskal Hirigune elkargoko garraio sareari azalpen guzti horiendako !

Agian ikasle bakoitzak kondutan hartuko dituela eta bere burua babestuko duela, autobusa errespetatuko eta gidaria agurtzen segituko duela !

Martxoaren 7an, larunbatez, iragan da Urruñako ikastola eta gure kolegioaren aldeko kantaldia, Zokoako polikiroldegian.

Lehen parte batean, Urruñako haurrek abestu eta, gure kolegioko gazteek segitu dute bertsotan, dantzan eta kantuz !

Bigarren partean, Zarena Zarelako ikusgarriarekin gozatzeko aukera ukan dugu eta bukatzeko, Janus Lesterren kontzertua entzuteko parada ukan genuen.

Eskertzekoak dira, urtero laguntzen gaituzten enpresak eta artisauak, horiek gabe ez liteke horrelako ekitaldia antolatzen ahal ! Kondutan hartuz azken urte hauek ez direla hain errex izan haiendako gainera ! Beraz milesker ainitz zuei !

Bukatzeko, jendea elkartu da aterpearen azpian taloak eta fritak jateko, baso bat eskuetan, DJ Xanoren erritmoan !

Txalo bero bat ikasleei, burasoei, antolatzaileei, lan egin dutenei, zponzorrei eta etorri diren guztiei ! Milesker teknikari eta artista guztiei !

Ez ahantz "Goierri, Urruña eta Ziburuko ikastolak bat eginik" !

Martxoaren 5an, ostegunez, Angeluko "Compagnons" ikastegiak proposatzen dituen formakuntzen aurkezpena antolatu da gure kolegioan, Cédric orientazio arduradunari esker.
Kolegioko IDZ-n bildu ziren 4. eta 3.ko ikasle nahianteek.
Arretaz segitu dute Louis Vilar frantses eta historiako irakasleak zabaldu dituen informazioak, baita ere Hodei Aramendi Tellecheak, PLK-ko ikasle ohiak adierazi duen bere lekukoa, egiten ari den Frantziako itzuliari buruz.
Euskaraz eman den hitzaldi hau bereziki baliagarria eta preziatua izan da.
Parte hartzaile guziak eskertzen ditugu.
Milesker Hodei, Louis, eta Cédric-i !!
"Compagnons" webgunearendako hemen klikatu.

Joan den martxoaren 3an, asteartez, bazkaldu ondotik, kolegioko seigarrenak abiatu dira Donibane Lohizuneko Tanka gelara joateko.

Han bertan, Xalbador, MEEK eta KEI-eko ikasleekin batera elkartu dira arratseko kontzertuen azken entsaio nagusian parte hartzeko.

Arratsaldeko 1:00etatik, Anje eta bere musikariekin, ezenatokiaren antolaketa guztia ikasi dute : lerroka nola sartu, denak elgarrekin abestu behar ziren kantuen baldintzak, musikariak eta bakarlariek ere haien entsaio propioak egin dituzte, ze nolako doinua eta postura erakutsi beharko zuten, eta koregrafia berrikusi dute ere bai.

Anje Duhalde artistaren hainbat kantu landu dituzte urte hastapenetik musika kurtsoetan, astero bilduz ikastegika - ikasgelaka, Aaron Carton eta Ihintza Daguerre musika irakasleek gidaturik: "Ama Euskal Herria, Astiria mendian, Goizero, Kantuz, Loretxo bat, Lehenik adiskideak, Maitasun aroak, Bakezaleak eta Amnistiaren dema"...

Entsaio nagusiaren froga bukatu ondoren, ikasleek pausatu dira haien krakada partekatuz ikastegika eta haien jantziak ezarri dituzte arratsaldeko 6:30tan zen lehen kontzerturako.

Lehen ala 8:30tan zen bigarren kontzertuan, gela betea zela azpimarratzekoa da ; etorri den publikoa eskertzen dugu.

Bi kontzertuen artean, pausa ttipi bat ukan dute berriz ikasleek, haien afari hotza jateko...

Eguna betea izan da ! Nahiz eta, ikasleendako nekagarria izan, belaunaldien arteko artisten ezenatokia partekatze hori zoragarria izan da bertan ziren burasoak, lagunak eta kolegioetako ekipendako. Milesker Tanka gelari, Euskal hiriguneta eta Euskal Kultur Erakundeari heien laguntzarendako. Milesker ainitz bihotz bihotzetik lagundu duten guztiei, eta bereziki parte hartu duten 250 ikasleei ! Ahaztezina izan da !

Ondoko hitzordua dugu Maulen orain, maiatzaren 22an, ostiralez ! Ez duda ! Txartelak hartu !

Otsailetik, martxoaren 7ko kantaldirako prestatzen ari dira kolegioko ikasle batzuk !!

Aurten, arratsaldeko 5:00etan Zokoako kiroldegiaren ateak idekiko dira, 5:30tan Urruñako ikasleak eta Ziburuko kolegioko gazteek abestuko dute. Ondotik, 6:30tan, Zarena Zarelako dantza taldeak emanaldi zoragarria eskainiko digute, eta DJ Xanoren animazioaren ondotik, Janus Lesterrren kontzertua iraganen da 9:00etatik landa !

Urtero, Goierriko laguntzarekin batera, abenduan antolatzen da pailasoen emanaldia Ordizian eta martxoan kantaldia Urruñan.... Bildutako etekin guztia Urruñako ikastola eta Ziburuko Piarres Larzabal kolegioaren alde izango da !!!! Gainera, nahiz ez duten egoera errexa azken urte hauetan, inguruko enpresek eta artisauek segitzen dute zponzorra izaten ekitaldi honetan eta eskertzekoak dira !!

Dirulaguntzaileak eta publikoa eskertzeko, astearte eta ostiralero, 27 ikasle aritu dira kantuz, bertsotan, eta dantza saioak errepikatzen astero....

Talde ttipi bat ere euskal irratietako soinu deia grabatu zuen eta egunero entzuteko aukera dugu.... 

Ari dira azken errepikak egiten, txalokatzekoak dira zinez !

Emaitza larunbat honetan.....

Aitzinetik txartelak salgai dira 12€tan (zenbaki honetara deituz : 06 79 50 93 66) eta bertan 15€tan izango dira !!!! Txartelak salgai dira 10 urtetik landa !

Zatozte denak !!!!! Milesker deneri eta goresmenak ikasle parte hartzaileei !

Sophie Adenoten (ESA) jaurtiketa, hasiera betan gaur 12:01etan egitekoa zena, atzeratu egin da eguraldi txarragatik.

Ondorioz, otsailaren 13an, ostiralez, goizeko 11:15etan programatuko da, baldintza meteorologiko egokiak eta merkaturatu aurreko eragiketen garapen nominala kontuan hartuta.

Gaur arratsalderako beste eguraldi puntu bat aurreikusi dute.

Crew-12 tripulazio Cabo Cañaveraletik (Florida) aireratuko da, SpaceX konpainiaren Falcon 9 jaurtigailu batean ontziratutako Crew Dragon kapsula batean.

jaurtiketa nzuzenean jarraitzeko aukera ematen duen emankizuna, Europako Espazio Agentziak (ESA) CNESekin batera proposatutakoa, aireratu baino 2 ordu lehenago hasiko da, beraz ostiralez goizeko 9:15etan, hemen klikatuz.