Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


Herri Urrats

 

Ekainaren 20an, asteartean azken orduan, konzertazio ordua zelarik, ikasleak kanpoko eremura jautsi dira arratsaldeko 4:00etan.... diskretuki....

Seigarrenak, bosgarrenak, laugarrenak, hirugarrenak, irakasle - hezitzaileak.... eta Iolanda eskas baitzen, ikasle guztiek oihukatu diote "Iolanda ! Iolanda "... Mementu horretan ulertu dut bere agurra tenorea zela eta hurbildu da, biziki emozionatua, denen txaloak, oihuak entzutean eta ikasle guztiak xutik ikustean.....

Berehala, zuzendaria den Iñakik hitza hartu du... Ondotik, 6/5.eko eskulan taldeak gutun bat irakurri dio eta bertso bat eskaini, 3.eko eskulan taldeak lekukotasuna eman dio, Aiur / Hodei / Amaiur / Unax bertsolariak mezu ederrak bidali dizkiote, eta azkenik, 4/3.eko ikasle batzuk "aurresku" bat dantzatu diote, Elena / Luma / Alaitz bibolina joleak alaiturik. Zen bat emozio !! Gero, ikasle batek lore xorta bat eskaini dio eta beste bik "eskulan eta konponketa diploma" bat eta kolegioko ikasle gehienek egindako marrazki / gutun / bertso / mezu liburuxka.

Txalo bero bat parte hartu duten guztiei !

Bukatzeko, Iolandak mikroa hartu du azpimarratzeko ez zuela senditu sorpresa hori hurbiltzen, diskretuki pentsatzen zuela joatea kolegiotik erretretara eta oroitzapen bikainak atxikiko dituela, noiztenka berriz pasatuko zela eta noski, eskerrak eman ditu deneri.

Horra Iolanda... hainbeste urte Seaskan, Kanboko kolegioko barnetegian, Ziburuko Larzabal kolegioan, bide on opa dizugu....

Adiorik ez ! Erretreta on zuri !!!!!

Ekainaren 20an, CIBOURE PART EN LIVRE festibala karietara, Piarres Larzabal kolegioko seigarrenek Jean-Christophe Tixier ezagutzeko aukera ukan dute, heldu edo haurrendako hogeita hamar eleberrien egilea eta, besteak beste, frantseseko kurtsoetan landutako Dix minutes à perdre. Ainitzei gustatu zaien polizia-eleberria !

Hasiera batean, haien liburuko laburpen gogokoena eszenaratu dute ikasleek baita ere Dix minutes serieko liburu-estalkien sorkuntzak egin. Bere eleberri batzuen gainean zenbait asmakizun ere jarri dizkiote.

Orduan, autorea jokoan sartu da bere bizitzari buruzko galdera sorta eginez, eta bere oroitzapenak kondatuz : bere amatxiren historia 1940an alemaniar etsaiarengandik ihes egin zuenean, La Rosalie-n kondatua, parean zuen publikoa liluratua izanez.

Gero, irudikapen bisualen bidez irudimena sustatzeko tailer orijinal batean aktiboki parte hartu dute ikasleek. Bertan ziren gazteek pitzadurarik gabeko konzentrazioa erakutsi dute eta beren sentimenduak adierazi dituzte bere gisako esperientzia honen aurrean.

Borondate oneko eta hurbilerraza den Jean Christophe Tixier bere liburuak sortzeko prozesura azaldu zien, irakasleek irudimenarik ez zuela pentsatzen zutelarik. Sari ainitzeko liburu arraskastatsuak sudurreko oin sakratuak dira eskolako urteetan !

Milesker ainitz Jean Christophe eta zuri Muriel, topaketa horren antolatzeagatik !

Ekainaren 19 eta 20 ean, astelehen eta asteartez, 5. mailako ikasleak Miramon Zientzia kutxagunera joan ziren egun pasa Donostira.

Goizean bertan, hiru tailerretan parte hartu zuten : Astronomia tailerra, elektrizitatea eta plastinazioa tailerrean.

Eguerditan, aroa lagun izanez, kanpoan piknikatu zuten denak elkarrekin.

Arratsaldean, bazen ere zer ikusi esperimentatu museo interaktiboan : ilusio optikoak, mekanika arloko moduloak, elektrizitatea hobekiago ulertzeko esperimentuak eta orohar inguratzen gaituen mundu honen sekretuak azaltzen zituzten moduloak.

Ikasle talde bakoitzak, bere erakaslearekin galdezketa liburuxka bat zuen betetzeko bisita mementuan, bertan ziren modulo batzuei buruz.

Egun goxo eta interesgarria pasa zuten, zientziei begira ikasleek, beti ere euskaraz, beste ikuspuntu bat izan zuten, eta arratsaldeko bisitarekin haiek izan ziren eragileak!

Ondoko ikasturtean ere azken aldikotz errepikatzekoa espero dugu ateraldia (gero hesten baita) !

6/5.en futbito txapelketa bere amaierara iritsi zaigu joan den ekainaren 15an ostegunarekin.
Hilabetez bederatzi talde lehiatu ostean final handia jokatu zuten Basatiak FT taldeak eta Bengalak taldeak.
Partida lehiakorra izan zen hastapenean, baina Basatiak FT taldeak bigarren gola sartu zuen momentutik Bengalek amore eman zuten eta azkenean 3-1eko emaitzarekin amaitu zen neurketa.
Basatiak FT taldeak, txapelketako irabazle gisa, kolegioko erakasle-langileen aurka jokatzeko parada izan zuen ostiralarekin.
Kolegio osoa bildu ginen aire hartze eremuan partida ikusteko giro bikainean.
Partida oso lehiatua izan zen, 1-1 berdindurik egon zelarik ia denbora guztiz, baina amaieran Aaronen gol bateri esker erakasle-langileek irabaztea lortu zuen. 
Partida guztia Oihan A eta Ugaitz Aren hitzetan animatua izan zen !
Txalo finalean eta txapelketa osoan zehar parte hartu duzuen guztiei!! 

Ekainaren 19an, astelehenez, ikasleen nahietatik abiatuz, Bordalen aurkeztua eta sariztatua izan den "Losseni" filma aurkeztu dute Rahmi taldeko 3.eko ikasleek, kolegioko IDZtan nahi zuten ikasleei.

Lemisik, 6. eta 5.eko ikasleei presentatu dute arratsaldeko 1:00tan eta bigarren partean, 4. eta 3.eko ikasleei arratsaldeko 2:00tan.

Proiektua nola hasi zen eta nola landuten oroitarazi ondotik, ikasleek zituzten galderei erantzuten saiatu dira.

Laster youtuben aurkituko da www.rahmi.fr webgunean....

Milesker ainitz hurbildu diren 60 lagunei !

Ekainaren 15 eta 16an, ostegun eta ostiralez, IEP gelako ikasleendako bi egun bereziak antolatuak izan zaizkie :
Lehena, gure kolegioko 10 ikasle agurtzeko Urruñako Oihana Parken ibili dira zuhaitz gainean, urtxintxen moduan!
Ondoren, gelan krakada goxo bat prestatu eta irakasle-hezitzaileekin partekatu zuten, antolatu zuten matahamien salmentarekin lortutako diruari esker! Milesker lagunak zuen laguntzarendako ! Bertan, oparitxo batzuen trukaketak izan ziren eta kolegiotik kanpo bide berria hartuko dutenedako ere agur berezia.....
Ostiralean Seaskako IEP geletako beste ikasleekin batera Senpereko aintzirara joan ziren, han tirolinaz tirolina ibili ziren hegan!
Bukaera bikain bat, urte eta talde bikain batentzat!
Bide on guztioi!!!
Ekainaren 16ko arratsaldean 6. eta 5. mailako ikasle guztientzat Lehen Olinpiadak antolatu zituen kolegioko Euskaraz Bizi taldeak. 
Iaz hasi zen Olinpiadak antolatzen 4. eta 3.enentzat eguerdietako pausetan baina, aurten, denbora falta zela-eta beste formatu bat eman nahi izan diote.
Arratsalde osoan 18 talde aritu ziren lehian bata bestearen aurka gonbidatu berezi batekin ; taldeetako bat Orereta ikastolako 1. eta 2. DBHko Euskaraz Biziko 14 ikaslek osatu zuten. Errenteritik etorri ziren gazte hauek motibaturik eta sasoi onean. Topaketa hau Orereta ikastolarekin dugun "Zubiak eraikiz" hitzarmena kari bideratu zuten.
6 jokoetan aritu ziren guztiak jolasean: arto bilketa, zaku lasterketa, idi-proba, txinga lasterketa, koilara lasterketa eta ur bilketa.
Bero handia egin zuen arren umoreak ez zuen huts egin ikasle eta lankideen artean; euskararentzat plaza ederra erdietsi zuten.
Datorren ikasturtean lau mailetan Olinpiadak antolatzeko gogotsu geratu da Euskaraz Bizi taldea.
Eskerrak kolegioko Euskaraz Biziko arduradun eta ikasle taldeari, lagundu zuten lankide guztiei, Urruñako Herriko Etxeari Zokoako Kirol eremua prestatzegatik eta Orereta ikastolatik ikasleak ekarri zituzten irakasle eta guraso horiei!
Biba zuek!
Eta esker beroenak Larraitz eta Anderri horrelako euskal ekintza horren bultzatzeagatik !!
Gora Euskaraz Bizi !!
@oreretaikastola  @euskaraz_bizi.plk   #zubiakeraikiz     #euskarazbizi

 

Ekainaren 14ean, Baionako Etxepare lizeoko lagunek Baxo froga baitute, PLK kolegioko ikasle, irakasle eta hezitaileak bildu dira haien sustengua ozenki oihukatzeko Ziburutik Baionara !!!!!

 

"PLK zuekin !

Baxoa euskaraz !

Azterketak euskaraz !

Ooooorraiiiinnn !"

“Aldaketa klimatikoaren” proiektua, abiatu zen seaskako 4 kolegioetako fisika erakasleengandik:  4. mailako ikasleak gai horren inguruan lan araztea zen asmoa, gaur egunko ingurugiro arazoen larritasunari begira. 

Tematika horren inguruko lanketa ikastetxeka ezberdinki landu arren, 4 kolegioen arteko ardatz komun gisa hartzea erabaki zen. eta PLK kolegioan, drive dokumentuak erabiliz taldekako joan jineko lan bat bezala landua izan da 4. mailan fisikan , bainan baita ere beste hainbat gaietan ( biologia, ingelesa, historia, española, euskara…). Ikerketa lan horrekin, aurkezpen dokumentu bat sortu dute ikasleek, ondotik ahozko batean aurkeztua izateko xedearekin (Brebetari begira, entrenamendu gisa)

IKasturte osoan zehar, 4. mailako seaskako gure ikasleak harremanetan izan dira: 

Lehen trukaketa birtuala izan zen abenduaren 14ean, nortasun agiri amankomun moduko bat sortzea zen helburu drive dokumentu partekatu batean.

Bigarren trukaketa: “Egunean behin” jokoa aldaketa klimatikoaren inguruko galderekin egokiturik, 4 kolegioen artean osaturiko taldeekin jostatu ziren ikasleak. Hau ere, drive sistema bidez, iragan martxoaren 14ean izan zen.

 Azkenik, iragan ekainaren 12an, Baionan lau 4 ikastetxeen arteko topaketa: erakusketa, tailer, mintzaldiak antolatuko dituzte elkarte ezberdinek (bizi, bil ta garbi, Enargia, surfrider, itsas arima, laborantza ganbara, I-ener, Enargia…), urtean zehar osatutako kolegioen arteko taldeekin.

Egun polita izan zen atzokoa, tailerretan ikasleek parte hartu ondotik, elkarrekin piknikatu eta azkenik aldaketa klimatikoaren inguruko konferentzia batean parte hartu zuten gure ikasleek, Kanaldudek dena filmaturik.

Egun horren arrakasta ikusirik, ondoko ikasturtean berriz eramanen den proiektu bat izango dela pentsatzen dugu.

Ekainaren 10ean, Seaskako lau kolegioetako ikasle, irakasle, langile eta burasoak elkartu ginen Baionan lehen SEASK'UP futbol txapelketa ospatzeko. Helburua garbia zen, euskara ardatz, Seaskaren oinarri garen 3 zutabeak elkartu, euskaraz harremandu eta momentu goxo bat pasatzea.

Arratsaldeko 13tatik goiti elkarturik kirol zelaian 4 kolegioak desfilatu eta txapelketa abiatu zen. PLKtik lehen edizio honetan ez genuen lortu nahibeste jende bertaratzea, baina beste kolegioetako ikasle, irakasle eta burasoekin batera taldeak osatu eta hala ere parte hartzea lortu genuen, helduen finala irabaziz eta 6/5.en txapelketan finalean parte hartuz gainera.

Trofeoa Xalbador eta MEEK kolegioek eraman bazuten ere, irabazle bat nagusitu zen guztien gainetik: EUSKARA eta SEASKA!

Lehen edizio honetako giro eta oroitzapen onak atxikiko direla segur da, euskara nagusitu baita denen artean!

Biba zuek eta milesker Estitxu Robleseko ekipa eta burasoei lehen edizio antolatzearen ardura hartu eta bikain bururaino eramateagatik!!